1 Ā, i taua rā, ka mau ngā wāhine tokowhitu i te tangata kotahi, e mea ana: Ka kai mātou i tā mātou ake parāoa, ā, ka mau ō mātou ake kākahu; engari tukua mātou kia karangatia ki tō ingoa kia murua atu tō mātou whakamā.

2 I taua rā ka ātaahua, ā, ka whaikorōria te manga o te Ariki; he tino pai rawa atu, ā, he ātaahua ngā hua o te whenua, ki te hunga i puta atu i Iharaira.

3 Ā, ka pahawa ake, ka karangatia te hunga e mahue tonutia iho nei i Hiruharama he tapu, ko ngā tāngata katoa kua tuhia nei i te hunga ora i Hiruharama—

4 Ina horoia atu e te Ariki te paru o ngā tamāhine o Hīona, ina tahia anōtia ngā toto o Hiruharama i tō reira aroaro e te wairua o te whakawākanga, ā, e te wairua o te tahunga.

5 Ā, ka hanga te Ariki i runga i ia wāhi-noho o maunga Hīona, ā, i runga i ōna huihuinga, he kapua, ā, he pawa i te rā me te kanaputanga o te muranga ahi i te pō; nā, ka tau ki runga i ngā korōria katoa o Hīona tētahi waonga.

6 Ā, ka ai he tīhokahoka hei whakamarumaru i te rā mō te werawera, hei wāhi haumaru, hei whakaruruhau mō te tūpuhi, ā, mō te ua.