1 Ā, i taua rā ka kī ake koe: E te Ariki, māku koe e whakamoemiti; ahakoa i riri mai koe ki a au kua tahurita atu tō riri, ā, nāu au i whakaāio.

2 Nana, Ko te Atua tōku whakaoranga; Māku e whakawhirinaki, ā, kāore e mataku; Nā te mea ko te Ariki Ihowa tōku kaha me tōku waiata; kua meinga hoki ia tōku whakaoranga.

3 Nō reira, ka utu wai koutou i ngā puna whakaoranga i runga i te koa.

4 Ā, i taua rā ka kī ake koe: Whakamoemititia te Ariki, karangatia tōna ingoa, whakapuakina ana mahinga i waenganui i te iwi, kauhautia atu kua whakateiteitia tōna ingoa.

5 Waiatatia atu ki te Ariki; nā te mea kua mīharo rawa ana mea i mahia ai e ia; e mōhiotia ana tēnei puta noa atu i te ao katoa.

6 Karangahia atu, ā, hāmamatia atu, e te kainoho o Hīona; nā te mea he mārohirohi te Mea Tapu o Iharaira i tō aroaro.