1 Ā ināianei au, a Nīwhai, tē taea te tuhituhi i ngā mea katoa i whakaakona i waenganui i taku iwi; kāore hoki au e kaha ana ki te tuhi, pērā ana ki te kōrero; nā te mea ina kōrero te tangata e te mana o te Wairua Tapu ka kawea atu ia e te mana o te Wairua Tapu ki ngā ngākau o ngā tamariki a te tangata.

2 Engari nana, he tokomaha e whakapakeke ana i ō rātou ngākau ki te Wairua Tapu, kia kore ai e whai wāhi ia i roto i a rātou; nā reira, ka makaia atu ngā mea maha kua tuhia nei, ā, ka kīa ēnā he mea kore noa iho.

3 Engari au, a Nīwhai, kua tuhia nei tāku i tuhi ai, ā, ka kīa ia e au he mea utu nui, ā, ki tōku iwi pū anō. Nā, e inoi tonu ana au mō rātou i te awatea, ā, ka whakamākū ōku karu i tōku urunga i te pō, nō rātou te take; ā, e karanga ake ana au ki tōku Atua i runga i te whakapono, ā, e mōhio ana au ka rongo ia i taku karanga.

4 Ā, e mōhio ana au ka whakatapu te Ariki te Atua i aku inoi hei painga mō tōku iwi. Ā, ko ngā kupu kua tuhia e au i runga i te ngoikoretanga e meinga ai he mea kaha ki a rātou; nā te mea e whakapakepake ana i a rātou ki te mahi pai; e whakamōhiotia ana rātou ō rātou mātua; ā, e kōrero ana ia mō Ihu, me te whakapakepake i a rātou ki te whakapono ki a ia, me te ū ki te mutunga, koia ko te oranga tonutanga.

5 Ā, e kōrero pakeke ana mō te hara, e ai ki te māramatanga o te pono; nā reira, kua kore he tangata e riri ki ngā kupu kua tuhia nei e au hāunga ia nā te wairua o te rēwera.

6 E korōria ana au i te māramatanga; e korōria ana au i te pono, e korōria ana au i tōku Ihu, nā te mea kua hokona e ia tōku wairua mai i te ao rēwera.

7 He aroha noa tōku mō taku iwi, me te whakapono nui i te Karaiti, nā, ka tūtaki au i ngā wairua tokomaha e koha kore ana ki tōna nohonga-whakawā.

8 He aroha noa tōku mō te Hūrai—ka kī Hūrai au, nā te mea e kōrero ana au mō rātou nō te wāhi i puta mai ai au.

9 He aroha noa anō hoki tōku mō ngā Tauiwi. Engari nana, kua kore noa ēnei e taea e au te manako ki te kore rātou e houhia ai te rongo ki te Karaiti, me te kuhu atu i te kēti whāiti, me te hīkoi i te ara tōtika e ārahina ana ki te oranga, me te ū tonu i taua ara tae atu ana ki te mutunga o te rā poropeihana.

10 Ā ināianei, e aku teina aroha, me te Hūrai anō hoki, me koutou ngā tōpito katoa o te ao, whakarongo mai ki ēnei kupu me te whakapono i te Karaiti; ā, ki te kore koutou e whakapono i ēnei kupu, e whakapono i te Karaiti. Ā, ki te whakapono koutou i te Karaiti ka whakapono koutou i ēnei kupu, nā te mea ko ngā kupu ēnei a te Karaiti, ā, kua homai ēnā ki ahau e ia; ā, e whakaako ana ēnā ki ngā tāngata katoa kia mahi pai ai.

11 Ā, mehemea ehara ēnā i te kupu a te Karaiti, whakawākia e koe—nā, ka whakaatu te Karaiti ki a koe, mā te mana me te korōria nui, nā, koinā āna kupu, hei te rā whakamutunga; ā, ka tū kanohi ki te kanohi tātou i te aroaro o tana pae; ā, ka mōhio koutou kua whakahaua ahau e ia ki te tuhituhi i ēnei mea, ahakoa ōku ngoikoretanga.

12 Ā, e inoi ana au ki te Matua i runga i te ingoa o te Karaiti kia tokomaha o tātou, ki te kore te katoa, e whakaorangia ai i tōna kīngitanga hei taua rā nui whakamutunga.

13 Ā ināianei, e aku teina aroha, ko te hunga katoa nō te whare o Iharaira, me koutou ngā tōpito katoa o te ao, e kōrero ana au ki a koutou anō nei nō tētahi e karanga ana i te puehu: Hei konei rā kia tae rā anō mai taua rā nui.

14 Ā, ko koutou e kore nei e kai i te painga o te Atua, me te whakaaro nui ki ngā kupu a ngā Hūrai, me āku kupu anō hoki, me ngā kupu e puta atu ai i te māngai o te Reme a te Atua, nana, he poroporoaki mau tonu tāku ki a koutou, nā te mea ka whakahēngia koutou e ēnei kupu hei te rā whakamutunga.

15 Nā te mea ko tāku e hīri nei i runga i te whenua, ka mauria mai hei whakahē i a koutou hei te pae whakawā; nā te mea ko te whakahau tēnei nā te Ariki ki ahau, ā, me whakarongo au. Āmine.