Sección 129
Ñehekomboʼekuéra omeʼẽvaʼekue José Smith upe Proféta, Nauvoo, Illinois-pe, febrero 9, 1843-pe, ojeikuaaukávape mbohapy lláve ikatuha rupi ojehechakuaa umi ánhel naturalésa añete ha umi espíritu ministránte.
1–3, Yvágape oĩ tete oikovejeyvaʼekue ha tete espiritual-va; 4–9, Oñemeʼẽ umi lláve ikatúva rupi ojekuaa maranduharakuéra haʼéva vélo mboypyrigua.
1 Oĩ mokõichagua tekove yvágape, haʼéva: Anhelkuéra, umi tekove oikovejeyvaʼekue, oguerekóva peteĩ tete hoʼo ha ikanguéva—
2 Péicha, Jesús heʼíkuri: Peñandu ha pehecha; peteĩ espíritu ndahoʼói ni naikanguéigui, pehechaháicha che aguereko.
3 Mokõiha: Umi tekove ijojáva espíritu oñemoporãmbavaʼekue, umi ndoikoveijeýiva, ha katu ojehejapyrévape peteĩchagua glória.
4 Ou vove peteĩ maranduhára heʼívo oguerekoha peteĩ marandu Tupãgui, eipyso chupe nde po ha ejerure chupe tandepopyhy.
5 Haʼéramo peteĩ ánhel, haʼe ojapóta, ha reñandúta ipo.
6 Haʼéramo peteĩ tekove ijojáva oñemoporãmbapyréva, haʼe oúta iglóriape; péicha añónte ikatúgui ojekuaa—
7 Ejerure chupe tandepopyhy, ha katu ndokuʼemoʼãi, oñemoĩgui yvagagua orden rehe peteĩ tekove hekojojáva oporombotavy; ha katu, haʼe heʼíta gueteri imarandu.
8 Haʼéramo upe aña, peteĩ ánhel hesapévaicha, ejerurévo chupe tandepopyhy, oikuaaveʼẽta ndéve ipo, ha katu nereñandumoʼãi mbaʼeve; péicha reikuaáta chupe.
9 Koʼãva haʼe mbohapy lláve guasu ikatuha rupi reikuaa oúpa Tupãgui peteĩ administrasiõ.