Maneho ny fiarahabana avy aty Népal!

Fantaro ireo zanaky ny Ray any An-danitra manerana izao tontolo izao.

Sary nataon’i Brenna Vaughan

I Népal dia firenena any Asie Atsimo. Olona eo ho eo amin’ny 30 tapitrisa no mipetraka any.

Saina manokana

I Népal no hany firenena manana saina tsy mahitsizoro! Misy masoandro sy volana eo amin’izany.

Ny tendrombohitra Everest

I Népal no itoeran’ny tendrombohitra avo indrindra eran-tany, izay 8849 m ny haavony. Olona maherin’ny 6000 no efa nihanika hatrany an-tampon’izany.

Namana hindoa

Ny ankamaroan’ny olona any Népal dia manaraka ny Hindoisma. Ao amin’io fivavahana io, ny ombivavy dia biby masina izay hajaina.

Dal Bhat

Isan’andro dia mihinana dal (voanemba) sy bhat (vary) ny olona. Matetika izy ireo no mihinana sakafo hafa miaraka amin’izany, toy ny curry misy legioma sy legioma nalona amin’ny ranom-binaingitra sy sira.

Ny Bokin’i Môrmôna

Ny Bokin’i Môrmôna iray manontolo dia navoaka voalohany tamin’ny teny nepaley tamin’ny 2017. Tena faly tokoa ireo mpikamban’ny Fiangonana tany!

Asa atao

Gatti (Lalao mampiasa vato dimy)

Mipetraha amin’ny tany ary aparitaho eo anoloanao ny vato kely dimy. Makà vato iray ary atsipazo ambony amina santimetatra vitsivitsy izany. Raha mbola eny am-panidinana izany, dia ampiasao haka vato iray hafa iny tanana iny ihany. Avy eo dia sambory ilay vato natsipinao tamin’iny tanana iny. Tohizo hatrany izany mandra-pahazoanao ny vato dimy rehetra. Afaka milalao irery ianao na miaraka amina namana maromaro!

Nahandro

Dal (Lasopy voanemba)

1. Mandraraha menaka 29.57 mililitatra ao anaty vilany. Teteho ny tongolo iray sy hasina tongolo gasy anankiroa ary andrahoy amin’ny afo antonontonony mandritra ny minitra vitsivitsy.

2. Asio vovona kotimila, vovon-tsakay, vovona tamotamo, vovona kanelina 5 mililitatra tsirairay avy, sy sakamalao izany. Haroharoy minitra vitsy.

3. Asio lentille 220 grama (nosasana) sy rano 946.4 mililitatra.

4. Andrahoy amin’ny afo antonontonony mandritra ny 20 minitra na mandra-pahalemin’ny voanemba. Raha tianao, dia teteho ny ravina kotimila mba harotsaka any amin’ny farany.

Ataovy izay hahazoana fanampiana avy amina olon-dehibe iray!

Torohevitra mahasoa

Ny toerana tena mahafinaritra any ivelan’ny trano

Ny fandehanana any amin’ny natiora dia fomba tsara ahafahana manao fanatanjahan-tena sy mahazo rivotra madio. Manandrama mandehandeha na mandeha an-tongotra lavitra miaraka amin’ny fianakaviana amin’ny maha-fiaraha-mientana mahafinaritra sy mahasalama izany!