“Ani ekyhyjéti...Che aime nendive”
Jean A. Stevens rupive
Primera consejera Presidencia General Primaria-pegua
Jahupytyvévo jerovia ha confianza Ñandejárare, jaguereko acceso Ipu’akápe ñanderovasa ha ñanemosãso haĝua.
Pokã sentimiento oñecomparakuaa pe ñanhandúva rehe oikóramo ñadehegui túva. Ndaipóri ikyrỹivéva jarrecibígui peteĩ mitãra’y porãite directo Yvágagui. Peteĩ che hermano o’experimenta upéva peteĩ manera conmovedora-pe: ita’ýrami peteĩha ou prematuro ha opesa 1,3 kg añónte. Hunter, ohasa iprimeros dos meses peteĩ unidad de cuidados intensivos onaceramóva peĝuarãme peteĩ hospital-pe. Umi mese ha’ékuri peteĩ época emotiva ore familia peĝuarã roha’arõ ha rojerure’asy aja Ñandejárape ipytyvõ.
Hunter’i oikotevẽ heta pytyvõ. Ha’e oñorairõ ojuhu haĝua mbarete oikotevẽva oikove haĝua. Py’ỹinte itúva po mbarete ojagarra ipo michimi ome’ẽ haĝua chupe kyre’ỹ.
Upéicha avei opa Ñande Ru Yvagapegua ra’ykuéra ndive, ha’e oipyso ipo ñandéve ĝuara peteĩ mborayhu opave’ỹva reheve. Ha’e oguereko pu’aka opa mba’e ári ha ñandepytyvõse ña’aprende ha jakakuaa haĝua ha jahajey haĝua hendápe. Upéva ha’e Ñande Ru propósito.” LLevar a cabo la inmortalidad y la vida eterna del hombre”1.
Jahupytyvévo jerovia ha confianza Ñandejárare, jaguereko acceso Ipu’akápe ñanderovasa ha ñanemosãso haĝua.
Pe Mormón Kuatiañe’ẽ kuatiapehengue apytépe ojeteje pe tema Tupã pu’aka rehegua ha’e oguerekóva omosãso haĝua Ita’ýra ha tajyrakuérape. Nefi opresenta pe ñembyaty peteĩháme. Pe versiculo 20-pe ñamoñe’ẽ…” Peina ape, che Nefi, ahechaukáta peẽme pe tuichaite poriahuvereko oguerekóva Ñandejára ojepysoha maymáva umi, ijerovia rupive, ha’e oiporavova’ekue omombarete haĝua, oguereko peve pu’aka oñemosãso haĝua”2.
Heta áñoma ohasa ahechakuaa hague en forma personalpe umi añetegua oĩva ko versículo-pe. Aikuaa mba’eichaitépa hi’aguĩ ñandehegui Ñande Ru Yvagapegua ha mba’eichaitépa ha’e ñandepytyvõse.
Peteĩ ka’arúpe, pyhare potáma, aconduci ahávo peteĩ cerro-re che membykuéra ndive, ha ahecha peteĩ mitã’i oguatáva pe tepe ha’eñóre. Ahasa rire ijykére aguereko peteĩ impresión hesakãva ahajeyva’eraha ha aipytyvõ chupe, ha katu chepy’apy pe mitã oñemondýirõ ĝuarã ohechávo peteĩ extraño opytáva ijykére auto reheve pyharekue, ha acontinuánte. Pe impresion hatã ou jey chéve ha ahendu che apytu’ũme ko’ã ñe’ẽ : “ ¡Tereho eipytyvõ pe mitãme!”.
Aha jey oĩhámeve ha aporandu chupe: “ ¿Reikotevẽ piko pytyvõ? Aguereko pe py’añandu roipytyvõva’erãha.”
Ojere ore gotyo ha hesay hovare he’i : “¿Ykatúta piko che pytyvõ? Añembo’e kuri hína oimeraẽ chepytyvõmi haĝua”.
Iñembo’e ojerurévo pytyvõ oñembohovái py’arandu oúva chéve rupive. Pe experiencia arrecibihague hesakã porãiteicha pe Espíritu Santo guía oheja chepype peteĩ py’arandu resarai’ỹva, añongatúva gueteri che korasõme.
Ko’áĝa 25 año rire, ha peteĩ tuicha poriahuvereko rupive, ojapo pokã mese ramónte añemoĩ jey en contacto pe mitã ndive peteĩha jey. Adescubri pe experiencia ndaha’eiha che historia añónte, ha katu ijistoria avei. Deric Nance ha’e ko’áĝa peteĩ túva, oguerekóva ifamilia tee. Ha’e ndahesaraiva’ekue avei upe experienciagui; ha oservi mokõivéva romoĩ haĝua peteĩ fundamento de fe, Ñandejára ohendu ha ombohovaiha ñane ñembo’ekuéra. Mokõivéva avei, roipuru upéva rombo’e haĝua ore membykuérape Ñandejára oma’ẽha ñanderehe. Nañaiméi ñane’año.
Upe pyhare, Deric opytákuri escuela rire peteĩ activida ĝuarã ha oho chugui pe autobus ipaháva. Mitãrusúicha, ha’e oimo’ã oguahẽtaha hógape, ha upévare oñepyrũ oguata.
Ohasámakuri una hora y media oguatahague pe tape nandi rehe; heta kilometro gueteri hógagui ha ndohecháivo ambue óga, oñemondýi. Iñemondýipe, oho peteĩ okupépe ha oñesu ha ojerure pytyvõ Ñande Ru Yvagaguápe. Deric oho jey riremi pe tapépe, che apyta ame’ẽ haĝua chupe pe pytyvõ ha’e oñembo’eva’ekuére.
Ko’áĝa, heta áño rire, Deric imandu’a: “ Ñandejára oikuaa chehegui, peteĩ mitãrusu po’i, ohecha mbykýva. Ha jepeve opa umi mba’e ohasáva hína ko mundo-pe, Ha’e oikuaa ojehuva chéve ha cherayhueterei omondo haĝuáicha chéve pytyvõ. Ñandejára ombohovái heta vece che ñembo’e pe tape nandi guive. Irrespuesta nahesakãi ni ndaipya’eieterei ha katu ojekuaaporãiterei ha’e oikuaaha chehegui ko’áĝa upe pyharépeicha. Ko tekove jepy’apy chejopýramo, che aikuaa Ha’e oguerekoha peteĩ plan chegueraha jey haĝua a salvo che rógape”
He’i haguéicha Deric, no opa ñembo’e oñembohovái pyaeterei. Ha katu añetehápe ñande Ru ñandekuaa ha ohendu ñane korasõ jerure’asy.. Ha’e ojapo imilagrokuéra peteĩ teĩ ñembo’épe ; peteĩ teĩ yvypórape.
Ikatu jajerovia ha’e ñandepytyvõtaha, ndaha’emo’ãirõ jepe ñande jaipotaháicha, ha katu iporãvetaháicha ñandéve ĝuarã. Ikatu hasy ja’acepta ivoluntad ha katu upeichamanteva’erã jaikoséramo ha’éicha ha jatopaséramo pe py’aguapy ha’e oikuave’ẽva ñandéve.
Ikatu ñañandu pe C S. Lewis he’iva’ekue: “ Che añembo’e ndaikatúigui ajepytyvõ chejupe...Añembo’e aikotevẽgui opa árape, aguatávo ha akévo. Pe ñembo’e nomoambuéi Tupãme, chemoambue chéve”3.
Escriturakuérape oĩ heta ñemombe’u yvypóragui omoĩva’ekue ijerovia Ñandejárare ha ha’e oipytyvõ ha omosãso chupekuéra. Pepensami mitãkaria’y David-re, ojescapava’ekue ñemanógui Goliat poguýpe ojeroviahaguére Ñandejárare. Pepensamína Nefi-re, iñembo’e Tupãme omosãsokuri chupe iñermanokuéragui oipe’aséva chugui hekove. Penemandu’ami Jose Smith-re, oñembo’eva’ekue ojerurévo Ñandejára pytyvõ; ha oñemosãso pe pytũ pu’akágui ha ohupyty peteĩ ñembohovái milagroso. Opavave hikuái ombohovake desafio hasýva ha teetéva; ha’ekuéra o’actua jerovia reheve ha omoĩ iconfianza Ñandejárare: ha ohupyty hikuái ipytyvõ; ha jepe ko’ã ñande ára peve, Tupã pu’aka ha mborayhu ojehechauka yta’yrakuéra rekovépe.
Ramoite ahecha upéva umi Santo Zimbague ha Botsuana pegua rekovépe. Peteĩ reunión de ayuno ha testimónio-pe peteĩ rama’ípe, añeñandu humilde ha inspirada umi mitã, mitãrusu ha okakuaáva testimonio rehe. Ha’ekuéra ome’ẽ peteĩ expresión mbarete ijerovia Ñandejára Jesucristo-re rehegua. Heta desafio ha situación hasýva ijerére, ha’ekuéra oiko cada dia omoĩvo iconfianza Tupãre; ohechakuaa Ipo hekovekuérape ha py’ỹi he’i hikuái : “Che aguyjeterei Tupãme”.
Ojapo pokã áño, peteĩ familia ijeroviarekóva, ha’ékuri peteĩ ejemplo ore barrio miembrokuéra peĝuarã upe confianzagui Ñandejárare. Ann Y Venita Gatrell oiko vy’ápe kuri, odiagnosticáramo chupe peteĩ cancer agresivo. Pe pronóstico naiporãiete: opyta chupe mbovy semana añónte oikove haĝua. Pe familia oñembojoajuse ipahaite, upéicha opa imembykuéra ojoaju, alguno ou mombyrýgui. Oguereko hikuái 48 hora-nte oĩ haĝua hikuái oñondive. Umi Gatrell oiporavo umi mba’e iñimportantevéva chupekuéra ĝuarã: peteĩ foto familiar, peteĩ cena familiar ha peteĩ sesión Salt Lake templo-pe. Venita he’i “ Rosẽvo pe templo rokẽ rupi, ha’e kuri ipaha roimetaha oñondivepa ko tekovépe”
Ha katu oho hikuái seguridad reheve oĩha hetave mba’e chupekuéra ĝuarã ko tekovéguinte. Umi konvénio marangatu templo rehegua rupive ha’ekuéra oguereko esperanza umi Tupã promésare ha ikatuta oĩ oñondive tapiaite ĝuarã.
Umi dos meses upe rire ouva henyhẽ jehovaságui, tuichaitereígui ndaikatúiva ja’epa. Arn ha Venita jerovia ha confianza Ñandejárare okakuaave, ojekuaaháicha Venita ñe’ẽme: “ “Ajegueraha ijyvápe. A’aprende ñañandukuaaha py’aguapy turbulencia mbytépe. Aikuaa Ñandejára ovelaha ñanderehe. Reconfiáramo Ñandejárare, añetehápe ikatu rehasa oimeraẽ umi desafio-kuéra ko tekovépe”.
Peteĩ imembykuéra he’i: “ Romaña ore tuvakuérare ha rohecha ijehemplo. Rohecha ijerovia ha mba’éichapa ogueraha hikuái pe situación. Che araka’eve ndajerureiva’ekue ko prueba, ha katu araka’eve nambotoveichéne. Roñembojere pe Tupã mborayhúre”
Por supuesto, Arn ñemano ndaha’éi pe resultado umi Gatrell oha’arõva’ekue, ha katu pe momento crítico nomovãi ijerovia. Pe Jesucristo evangelio ndaha’éi peteĩ lista umi mba’e jajapova’erãgui, ha katu oĩko ñane korasõme. Pe evangelio “ndaha’éi peteĩ carga ha katu ombovevyive umi carga”4; Ñandepytyvõ jahasa haĝua umi prueba ojapohaguéicha umi Gatrell ndive. Ha’ekuéra oñandu py’aguapy pe tormenta mbytépe. ojojagarra ojupe ha avei umi konvenio-kuéra ojapova’ekue témplope ha oñongatuva’ekue. Ijerovia Ñandejárare okakuaa ha oñemombarete hikuái Jesucristo jerovia rupive ha ipu’aka expiatoriore oñemombarete.
Oimerãe hendápe ñaimeháme pe discipulado rapépe, oimerãe ha’éva ñande py’apykuéra ha ñande desafio-kuéra, nañaimei ñane’año. Peẽ ndapejeresarái. Deric-icha, umi Santo Africa-gua, ha familia Gatrell-icha, jaiporavokuaa jaheka Tupãme ñanderekotevẽpe. Ikatu ñambohovake ñande desafio-kuéra ñembo’e ha confianza Ñandejárare reheve: ha upe proceso-pe jajoguavéta Chupe.
Ñandejára oñe’ẽ ñandéve he’ívo: “ Ani rekyhyje...Che aime nendive: any ndepy’aho, che ha’égui nde Tupã ndemombaretéva: roipytyvõta tapiate: rojokóta che husticia akatúa reheve tapiate”5.
Ame’ẽ che humilde ha katu seguro testimonio, Tupã ñande Ru ñandekuaaha personalmente ha oipyso Ipo ñanepytyvõ haĝua. Jesucristo Ita’ýra ohayhuetéva rupive, ikatu ñandepu’aka umi desafio ko mundo-pe ha jajegueraha a salvo ñande rógape. Tajaguereko fe ñaconfia haĝua hese, ha’e che ñembo’e; Jesucristo rérape. Amén.