Hermandad : Mba’eichaitépa ñaikotevẽ ojuehe!
Bonnie L. Oscarson rupive
Mitakuñanguéra Presidenta General
Nañama’ẽveimava’erã ñande diferencia-kuérare ha katu jaheka jaguerekóva en común.
Pe video-pe, jahecha kuri ocho países ha ñahendu 9 idiomas diferente. Peñeimaginamína mboy idioma-pa oñemoĩve pe estrofa pahápe. Ñanemopirĩ jaikuaávo hermandad mundial-icha ikatuha ñamopu’ã ñande ñe’ẽ testimonio-ramo pe añetegua apyra’ỹvagui ñande ha’eha peteĩ Túva Yvagagua jahayhúva rajykuéra.
Tuicha privilegio chéve ĝuara aime ko’ápe ko ocasión histórica-pe ha añe’ẽ opa kuña tupaoguápe oguerekóva ocho año guive. Oĩ tuicha mbarete ko ka’arúpe ñande atýpe. Jahechávo umi ñande atýva hína ko Centro de Conferencia-pe, ha umi miles ohecháva hína ko transmisión opa ko mundo jerére, pe pu’aka oĩva ñande testimonio ha ñande jerovia Jesucristo-re añetépe ojapo kóagui peteĩ kuña aty imbaretevéva ha henyhevéva jeroviágui opa tupao historia-pe, ha ikatu ko mundo-pe.
Ko ka’arúpe ñande rory umi heta tembiapópe jaguerekóva kuñaisha ko tupaópe. Heta mba’épe ñande diferente ha ñande única, ha katu jaikuaa enterovetéva ha’eha Ñande Ru Ivagapegua rajykuéra, ha upévare ñande ha’e hermanakuéra. Ñaime joajúpe ñamopu’ã hag̃ua Tupã rreino, ha avei ñane konveniokuérape, oimporta’ỹre ñande circunstancia-kuéra. Sin duda, ko asamblea combinada ha’e pe hermandad igloriosavéva ko yvy ape ári!1
Ha’évo hermanas he’ise oĩha ñande apytépe peteĩ joaju nopẽiva. Hermanakuéra oñangareko ojuehe, omaña ojuehe, oñoconsola ha oñopytyvõ ára porã ha ára vaípe. Ñandejára he’iva’ekue: “Che ha’e peẽme: Sed uno; y si no sois uno, no sois mios”2.
Pe adversario oipota ñañe’e vai ojuehe, jajohuzga ojupe; oipota ñamaña ñande diferencia-kuérare ha ñañocompara unas a otras. Ikatu peẽme pendegusta pejapo ejercicio peteĩ hora opa ára, upéicha peñeñanduporãgui, ha katu chéve g̃uara tuicha mba’éma ajupirõ peteĩ piso escalerarupi aiporu rangue pe asensor. Ha katu, jepe upe diferencia, ñande ikatu oñoirũ gueteri, ajépa?
Ñande kuña ñandepy’aratãiterei ñanendivete. Jajocomparáramo unas con otras ñañeñanduvaíta tapiaite. Hna Patricia T. Holland he’i peteĩ ocasión-pe: “Aĝuahẽsévape ha’e, ndaikatuiha jajeconsidera cristiana ha katu jasegui jajohusgávo ojupe terã ñandejupe voi hatãiterei”3. He’i avei ndaiporiha mba’éve ovaletereíva la pena japerde hag̃uáicha ñande compasión ha hermandad; ha katu ñandepy’aguapýva’erã ha ñanderory umi ñande diferencia divina-pe. Ñañeme’ẽva’erã en cuenta maymáva jaserviseha pe rréinope jaiporúvo ñande talento ha don-kuéra singular, ha ñande jaipotaháicha; uperõ ikatúta jadisfruta ñande hermandad ha ñande asociación-kuéra, ha ñañepyrũ ñame’ẽ servicio.
Añete ñaikotevẽ ojuehe. Hekopete, kuñanguéra ohekavoínte amistad, pytyvõ ha compañia. Jaguereko heta mba’e ña’aprendeva’erã ojoehegui, ha katu heta vece ñandevoi ñamopu’ã umi barrera ndohejáiva jadisfruta relación-kuéra ikatúva ojeipapa umi jehovasa tuichavéva apytépe ko ñande rekovépe. Por ejemplo, ñande, ñandeka’arumiéva, ñaikotevẽ umi mba’e, mitãkuña’ikuéra primaria-gua oguerekóva ome’ẽ hag̃ua; heta mba’e ikatu ro’aprende pendehegui servicio ha amor cristiano reheguáva.
Nda aréi ahendu peteĩ historia hechapyrãva peteĩ mitakuña’i hérava Sarah rehe; isy oguerekókuri oportunida oipytyvõ hag̃ua peteĩ hermana ibarrioguápe hérava Brenda, oguerekóva esclerosis múltiple. Sara-pe ogusta jepi oho isy ndive oipytyvõ hagua Brenda-pe; omoĩ chupe crema ipórehe ha ome’ẽ chupe masaje ikuã ha ijyvakuérape, py’ỹi hasyetereígui chupe. Sarah o’aprende omopu’ãkuaa haĝua chupe ijyva mbeguekatumi o’ejercita haĝua imusculokuéra; omoakãkarãi ha oñe’ẽ hendive isy ojapo aja umi ogapegua rembiapo. Sarah o’aprende pe importancia ha vy’a oĩva jaservívo ambuévape, ha oñeme’ẽ en cuenta peteĩ mitakuña’i jepe ikatu ojapo peteĩ diferencia ambuéva rekovépe.
Chegustaiterei pe ejemplo jaguerekóva Lucas primer capítulo-pe, ojedescribihápe pe joaju kyrỹi oĩva María, Jesús sy, ha iprima Elizabeth apytépe. María imitakuña gueteri ojeikuaaukáramo guare chupe ijextraordinaria misión, ha’etaha ha’e pe Tupã ra’y sy. Iñepyrũme, pe responsabilida ipohyietereiva’erãkuri chupe ogueraha haĝua hiañónte; Ñandejaraitevoi ome’ẽ María-pe peteĩ ocomparti haĝua imba’epohýi. Pe ángel Gabriel mensaje rupi, oñeme’ẽ María-pe peteĩ kuña iporiahuvereko ha ijeroviarekóva rera, ohokuaávape ohupyty haĝua pytyvõ: iprima Elisabet.
Ko mitãkuña ha iprima ha’éva “ya de edad avanzada” 4, ocomparti hikuái peteĩ lazo comun imilagroso ryeguasúpe, ha ikatúnte añeimagina mba’eichaitépa iñimportante chupekuéra ĝuara umi mbohapy meses ohasava’ekue hikuái oñondive, oñe’e haĝua, oñontende ha oñoipytyvõ hag̃ua ojupe illamamiento singular-pe. Tuicha ejemplo hikuái pe kuña ñeipytyvõ oĩva umi generación diferente apytépe.
Ñande ñandeka’aruvéva ikatu jaguereko tuicha influencia umi generación imitãvéva ári. Che sy imitãrõguare, itúva ha isy noiméi activo tupaópe. Jepe oguerekorõ guare cinco año kyrỹi, oguata jepi ha’eño tupao peve oasisti haĝua irreunionkuérape: Primaria, Escuela Dominical ha reunión sacramental-pe, oikóva diferente hora-pe.
Nda aréi aporandu chupe mba’érepa ojapo upéva cada semana, ndorekóiramo jepe ni peteĩ aliento ni apoyo hógape. Ha’e ombohovái chéve: “Aguereko kuri Primaria-pe mbo’eharakuéra cherayhúva”. Umi mbo’ehára ojepy’apy hese ha ombo’e chupe pe evangelio; ombo’e chupe oguerekoha peteĩ Tuva Ivagapegua ohayhúva chupe; ha upe interés ha’ekuéra ohechaukava’ekue ha’e pe omokyre’ỹva kuri chupe oho hag̃ua cada semana. Che sy he’i chéve: “Péva ha’e kuri peteĩ influencia iñimportantevéva che mitãrõguare”. Aha’arõ ikatu algún día amboaguyje umi hermana hechapyrãvape! Ndaipóri edad pe servicio cristiano peĝuarã.
Ojapo kuri mokõi semanakuéra ajotopa hague California-pe peteĩ presidenta Mujeres jovenes de estaca pegua ndive, he’iva’ekue chéve oñehenói ramoite hague isýpe, oguerekóva 81 año, Damita-kuéra mbo’eháraicha. Omombay che curiosidad, ha ahenói isýpe teléfono-pe. Pe hermana Val Baker obispo ojerurerõ chupe oñerreuni haĝua hendive, ha’e oimo’ã oñehenoitaha bibliotecaria terã historiadora del Barrio-icha. Ha ojejerurévove chupe oservi haĝua Damita-kuéra mbo’eháraicha Mujeres Jóvenes-pe irreacción ha’e kuri: ”Eimépa seguro?”.
Pe obispo ombohovái marangatúpe: “Hermana Baker, ani reguereko ni peteĩ py’amokõi; ko ñehenói ou Ñandejáragui”.
Ha’e he’i ndoguerekoiha ambue mbohovái ha he’ímante: “Porsupuesto”.
Chegustaiterei pe inspiración oñanduva’ekue pe obispo, umi cuatro Damitas barrio pegua oguerekoha heta mba’e o’aprendeva’erã pe arandu, experiencia ha hechapyrã oguerekóvagui ko hermana mayor. Ha peadivinami mávapepa ha’e ohóta oikotevẽvove ojapo ipágina Facebook-pe?
Apensa pe tuicha pytyvõ hermana-kuéra Sociedad de Socorro pegua ikatúva ome’ẽ omomaiteívo hikuái umi hermana-kuérape, ramoiténte osẽva’ekue Mujeres Jóvenes-gui. Py’ỹi, mitãkuñanguéra oñandu ndoguerekoiha tenda pe Sociedad de Socorro-pe, ni ndorekoiha mba’eve en común umi hermana upepegua ndive. Okumpli mboyve 18 años, oikotevẽ hikuái lideres Mujeres jóvenes pegua ha sy otestifikáva chupekuéra vy’a reheve Sociedad de Socorro ha’eha peteĩ tuicha jehovasa. Oikotevẽ oñandu hikuái vy’a ha’ehaguére parte pe organización hechapyrãvagui. Oñepyrũvo oasisti hikuái pe Sociedad de Socorro-pe, oikotevẽvéva umi mitakuñanguéra ha’e peteĩ angirũ oguapyva’erã ijykére, peteĩ jyva ilomo jerére, ha peteĩ oportunida ombo’e ha oservi haĝua. Ñañeha’ãmína ñañoipytyvõ haĝua ojupe pe transición-pe ha umi mba’e iñimportantevéva ojehúva ñande rekovépe.
Ame’ẽ aguyje umi kuñanguéra tupaopeguápe ohasáva umi barreras culturales ha edad rehegua ohovasa ha oservi haĝua ambuévape. Umi mitãkuñanguéra oservi mitã primariaguápe ha ancianokuérape; umi hermankuéra oikóva ha’eño ohasa heta hora ojesarekóvo oikotevẽvare. Rorreconoce umi miles mitãkuñanguéra ome’ẽva hína 18 meses hekovégui ocompartihaĝua pe evangelio yvóra ndive. Opa umi mba’e ha’e evidencia, heiháicha ñande himno jahayhuetéva: “Tuva ome’e ñandéve pe tarea sagrada”5.
Oĩrõ umi barrera, ha’e ñandete voi ñamopu’ã haguére; nañama’ẽveimava’erã ñande diferencia-kuérare ha katu jaheka jaguerekóva en común, upéramo ikatúta ñañepyrũ jahupyty ñande potencial tuichavéva ha jahupytýta pe iporãvéva ko tekovépe. Hermana Marjorie P. Hinckley he’i: “Mba’eichaitépa ñaikotevẽ ojuehe. Ore oreĝuaiguĩva roikotevẽ penderehe, mitãkuñanguéra, ha roha’arõ peẽ, mitãkuñanguéra, peikotevẽ avei oreka’arúmava rehe. Ha’e peteĩ hecho sociológico kuñanguéra oikotevẽha kuñanguéra rehe; ñaikotevẽ jaguereko amistad pypyku, ñanembohorýva ha ijeroviapýva oñondive”6. Hna Hinckley oĩ añetépe: mba’eichaitépa ñaikotevẽ ojuehe!
Che hermana-kuéra, ndaipóri ambue kuña aty ko mundo-pe ohupytykuaáva umi jehovasa tuichavévape ñandéicha kuñanguéra Santos de los Ũltimos Días-gua. Ñande ha’e miembro Ñandejára Tupao pegua, ha noimportai ñande circunstancias personales, opavave ikatu jadisfruta opa umi bendiciones oúva sacerdocio pu’aka rupive ñañongaturõ ñande konveniokuéra jajapova’ekue jajebautizaramoguare ha avei pe templo-pe. Jaguereko profetakuéra oikovéva ñandeguiaba ha ñanembo’éva, ha jadisfruta pe tuicha Espíritu Santo don, o’actuaba consuelo ha guía-icha ñande rekovépe. Jajehovasába ñande ñamba’po haguére mano a mano ñande hermano-kuéra ndive ñamombarete haĝua ñande róga ha ñande familiakuéra. Jaguereko acceso pe mbarete ha pu’aka oĩva umi templo ordenanza-kuérape ha hetave mba’épe.
Opa umi tuicha jehovasa ári, ñande jajoguereko avei ojupe: hermana-kuéra Jesucristo evangelio-pe. Jajehovasa peteĩ teko kyrỹi ha caritativa reheve, ohejáva ñame’ẽ mborayhu ha servicio cristiano opa yvypórape oĩva ñandejerere. Ñamañávo mombyryve ñande edad, cultura ha situación diferencia-gui, ñañangareko ha jajoservi haĝua ojupe, ñanerenyhẽta pe Cristo mborayhu potĩgui, ha pe py’a atõigui ñandegueraháva jaikuaa haĝua mávape ha araka’épa jaserviva’erã .
Aipyso peẽme pe invitación ojapova’ekue ambue ocasión-pe peteĩ presidenta general Sociedad de Socorro pegua he’íva : “Po’exorta pojohayhuve haĝua unas a otras, ha avei pojohayhuve haĝua mbareteve”7. Añembo’e tañañeme’ẽ en cuenta mba’eichaitépa ñaikotevẽ ojuehe, ha tajajohayhu mbareteve; Jesucristo rérape. Amén.