Jajohechajey peve

Presidente Thomas S. Monson rupive

Pe Espíritu ñañanduva’ekue ko’ã mokõi ára aja topyta ñanendive

Che hermano ha hermanakuéra, hechapyrãitéva conferencia ha’ékuri kóva. Ñañehekombo’ékuri espiritualmente ñahendúvo kuimba’e ha kuña ñe’ẽ jepy’amongetarãva. Pe purahéi ningo iporãite kuri, umi mensaje oñembosako’i ha oñeme’ẽ pe Espíritu Santo inspirasiõ rupive, ha umi ñembo’e ñanemo’aguĩve Yvagakuérare. Ñañemopu’ã opa mba’épe ñaimévo oñondivepa.

Aha’arõ pemboyke ára pemoñe’ẽ hağua ko conferenciagua mensaje oĩ vove LDS.org-pe ára mbykýpe ha oñemoĩ vove kuatiáre umi revistaEnsign ha Liahona-pe, iporãgui ñahesa’ỹijojey hağua jesarekópe ha ñañemoaradu haĝua.

Aikuaa peimeha chendive ame’ẽvo añetegua aguyje umi hermano ha hermanakuéra ojerrelevávape ko conferencia aja. Peservíkuri tekokojápe, pejapókuri tuicha mba’e pe Ñandejára rembiapópe ha peme’ẽmbaitékuri pendejehegui.

Ñasostenékuri avei, ñamopu’ãvo ñande po, hermanokuéra oñehenóiva kargo a responsabilida pyahúpe. Romomaitei ha roipota peikuaa rovy’aha roservítagui hendivekuéra pe Mbo’ehára rembiapópe.

Ñañepy’amongetávo umi mensaje ñahenduva’ekue rehe, ajerure ja’e mbarete hağua jajapo porãmietaha pe ymavégui; ñande rory ha jahayhukuaa hağua umi ndogueroviáiva ñande jaroviáva ha ñane norma. Pe Salvador ogueruva’ekue ko yvy’ape ári peteĩ mensaje mborayhu ha mba’eporã rehegua opa yvyporakuérape. Ajerure akóinte jasegui hağua techaukarã Ha’e ome’ẽva.

Ko árape ñambohovake tuicha mba’evai ko mundope, ha katu amoañete peẽme ñande Ru Yvagagua oikuaaha ñandehegui. Ha’e ñaneisambyhy ha ñanderovasáta ñamoĩramo Hese ñande fe a ñande jerovia, ha ñane pytyvõta jagueropu’aka hağua oimeháichagua mba’evai jahasáva.

Toĩke opavave ñandekuéra ndive umi Yvagagua jehovasa. Tahenyhẽke ñande róga mborayhu, tory ha Ñandejára Espíritugui. Tañamongakuaa umi ñane testimonio opa ára ñanemo’ã hağua umi aña ñenupãgui. Pe Espíritu ñañanduva’ekue ko’ã mokõi ára aja topyta ñanendive jajapóvo ñanerembiapo opa aragua, ha tañaime akóinte Ñandejára rembiapópe.

Ame’ẽ testimonio ko tembiapo añeteguaha; Ñandejára oikove, ha Ha’e oisambyhy ha omboguata Itupoa ko yvy’ape ári. Aheja peẽme che jerovia ha testimonio Tupã, pe ñande Ru Ijapyra’ỹva, oikove ha ñanderayhuha. Ha’e añeteháme ha’e ñande Ru, ha ha’e peteĩ tekove oikovéva ha añetéva. Tañañepy’amongeta ha’e oĩsetereiha ñande ypýpe, hetaite mba’e ojaposeha ñanepytyvõ hağua ha mba’eichaitépa ñande rayhu.

Che hermano ha hermanakuéra, tapenderovasa Tupã; pe Ipy’aguapy oprometéva toĩ penendive ko’áğa ha tapiaite ğuarã.

Pomomaitei ahakuévo ñañembyatyjey peve sei mésepe; ha ajapo Jesucristo rérape, Ñandejára ha Salvador. Amén.