Tapeĝuahë poräite ko conferenciahápe

Presidente Thomas S. Monson rupive

Ñañembojoaju… ñande jerovia ha ñehenduse ha jeikuaase momarandu oñemoĝuahẽtava ñandévepe.

Che hermano ha che hermana-kuéra ahayhuetéva, igustoite niko chéve ame’ë peëme bienvenida ko Iglesia de Jesucristo de los Santos de los Últimos Días conferencia mundial-hápe. Ñañembyaty peteï familia guasúicha, 15 millones rasamie miembrokuéra ndive, ñañembojoajúvo ñande jerovia ha ñehenduse ha jeikuaase umi momarandu oñemoĝuahẽtava ñandévepe.

Umi sei mese ohasava’ekue ohasa pya’e Tupao rembiapo oho aja tenonde ñepysanga’ÿme. Ojapónte peteï mes rasami areko pe privilegio adedicávo Gilbert Templo, Arizona-pe; peteï edificio iporämbajepéva. Upe pyhare dedicación mboyve oiko peteï evento cultural Parque Discovery-pe, hi’aĝuiva upe templo-gui. Doce mil mitärusu ha mitäkuña ohechauka 90 minutos aja peteï programa; jeroky, purahéi ha mba’epu ha iporäiterei rasa niko.

Upe región ohasákuri hína peteï seka puku ha oiméne heta oñembo’énera’e hikuái ojerurehápe ama oikotevëitévare. Ha katu ñambyasyete, ama ou presentación mboyvemi ha hi’are pe programa aja! Umi mitärusu hykuepáramo jepe amáme ha ho’ysämba ro’yetereígui, enterovéa roñandu Ñandejára Espíritu. Pe programa tema niko, “Jaiko mbarete ñande jeroviápe”, oñerrepresenta poräite umi mitäkuimba’e ha mitäkuña ipukavýva ha ikyre’ÿvare. Ho’ysä ha ama ramo jepe, peteï experiencia inspiradora ha henyhëva umi imitäva jeroviágui, umíva akoiete oñongatúta ha omombe’úta imemby ha ita’yrakuérape ha avei inietokuérape ára outávape.

Ára oúvape, ojededicakuri Gilbert Templo, Arizona-pe. Péa hína templo 142 omba’apóva. Ára ohasava’ekuégui iñambue, kóva peteï ára neporäva, henyhëva kuarahýgui. Umi sesion niko añete iñinspiradakuri. Chendive ohókuri avei presidente Henry B. Eyring, élder Tad R. Callister ha hembireko, élder William R. Walker ha hembireko, ha élder Kent F. Richards ha hembireko.

Mayo-pe ojededicáta Fort Lauderdale templo, Florida-pe. Oïve templo oñeprogramáva opa ha ojededica haĝua upe rire ko áñope. 2015-pe, roha’arö opa ha ojededica heta templo pyahu ko mundo ryepýpe; ha ko proceso ohovéta gueteri. Umi templo oñe’anunciávandi opataha, jarekóta 170 templos omba’apóva ko mundo jerére.

Ko’áĝa ñaconcentravo ramo jepe ñane ñeha’ä umi templo ña’anunciava’ekue toïmba, ha naña’anunciamo’ävéima templo pyahu ko’aĝaite, upeichavérö, jaseguíta pe proceso jahekávo oñeikotevëva ha jajuhúvo moöpa ojejapóta umi templo áño oútavape. Umívagui ñemomarandu ojejapóta conferencias generales oútavape. Ñande hína pueblo ojapóva templo ha ohóva upépe.

Ha áĝa katu, hermano ha hermana-kuéra, roipotaite pehendu ko’ä mensaje oñeme’ëtava ñandéve ko árape ha ko’ërö. Umi oñe’ëtava niko ohekákuri pytyvö ha dirección divina ombosako’ikuévo imensajekuéra.

Tañanerenyhë ko’ápe ha opa hendápe, Ñandejára Espíritu-gui, tajajehupi espiritualmente ha tajañe’inspira ñahendúvo jahávo ha ña’aprendévo. Jesucristo rérape. Amén.