Nde irundy minuto
Obispo Gary E. Stevenson rupive
Obispo Presidente
Pe Expiasiõ milagro ikatu okompensa umi tembiapo ndajajapoporãiva.
Umi Juegos Olímpicos de Invierno oiko ramoiteva’ekue okautiva ko mundo umi atleta orrepresentávare 89 tetã okompetiva’ekue 98 eventos-pe. Ikatu ñaguenohẽ die umi atleta apytépe ha’eha Iglesia de Jesucristo de los Santos de los Últimos Días miembro; mbohapy ijapytepekuéra ohupyty medalla ha ramoite osẽva hembiapokuéra Church News-pe: Christopher Fogt, Noelle Pikus-Pace, ha Torah eccBright1. Romoğuahẽ vy’apavẽ opavave umi atletas okompetiva’ekuépe. ¡Pejapo porã!
Añe’ẽ umi juego-re ko pyharevépe arahávo umi che pensamiento kuimba’e, kuña imitãvape ha umi jóvenes adultos solteros gotyo; peẽ peiméva umi año crítico-pe omarkátava pende rekove rape. Añandu añe’ẽva’erãha peẽme.
Peẽ peñandu hağua avei pe urgencia, amombe’uraẽta peẽme Noelle Pikus-Pace historia, peteĩva umi atleta Santo de los Últimos Días. Pe Noelle evento-pe, pe skeleton térã trineo simple aja, umi atleta oñani ikatu hağua ohohatãve ha upéi oñemombo iñakãre peteĩ trineo’imi ári. Pe hova haimetéva ohupyty pe yvy, osyry hikuái peteĩ pista ikarẽva ha oñecongelávare hatãve 145 kilómetro por horaipi.
Iñextraordinario niko, umi año de preparación-gui oikóta peteĩ éxito térã peteĩ decepción según pe ojehúva umi mokõi período intensohápe orekóva treinta segundonte cada ronda.
Umi Noelle sueño Juegos Olímpicos 2006-pe iku’ipákuri, iñaccidente vaietére, omopẽ hetyma. Juegos Olímpicos 2010-pe, ndohupytýi jey isueño, peteĩ décima de segundo-rente ndojupíri podio de las ganadoras de medallas-hápe2.
¿Ikatu piko peimo’ã pe ansieda oiméneva oñandu, oha’arõ aja pe primera carrera Juegos Olímpicos 2014-guápe? Heta áño ojepreparahague opáta peteĩ tiempo’imíme. Irundy minuto-pente. Ha’e oñembosako’íkuri péva pe irundy minuto peğuarã, ha ohasa kuri opa hekove ojepy’amongetávo upévare.
Umi Noelle carrera paha iporãitereíkuri. Araka’eve ñanderesaraimo’ãi opo jave umi grada-pe o’añuã hağua hogayguakuérape ohasa rire pe línea final ha osapukái: “¡Jahupyty!”. Umi áño oñembosako’i rire ome’ẽ resultado. Jahecha imedallón de las Mujeres Jóvenes osaingoha ijajúrare oñemosaingo jave ijykére pe medalla de plata 3.
Ikatu iñinjusto ñandéve umi Noelle sueño Olímpico odependepaitére hese ha ha’e ojapova’erãre umi irundy crítico minuto’imíme. Ha katu ha’e oikuaákuri, ha upévare oñembosako’i porãkuri. Ha’e oñandu mba’eichaitépa tuicha ha iñurgente umi irundy iminuto, ha he’isétava hekove oútavape ğuarã.
Avei ñanemandu’a Christopher Fogt-re, peteĩ umi irundy kuimba’e pe equipo-gua ohupytyva’ekue medalla de bronce carrera de bobsled-pe. Ikatúramo jepe oñeme’ẽ por vencido iñaccidente vaiete rire pe Olimpíadas 2010-pe guare, ha’e odecidi opersevera. Carrera porãite rire ha orredimíva chupe, ohupyty upe premio omuñava’ekue ñeha’ãme4.
Ha ko’áğa, pehechamína mba’épepa ojogua pende rape tekove opave’ỹva gotyo umi atleta irundy minuto-re. Peẽ niko ndapendepahái. Penace mboyve, peiméma voi espíritu ramo. Túva Yvagagua ñanderayhúva rovái, peñentrena ha peñembosako’iakue peju hağua ko yvy ári sapy’aite, ha, néi, pe’actua. Ko tekove umi irundy pene minuto. Peime aja ápe, umi pejapóva odetermináta pehupytýtapa upe tekove opave’ỹva galardón. Profeta Amulek he’iakue: “Ha péina ápe, kóva ko tekove ha’e pe ára… [peẽ peñe]mbosako’iva’erãha peñemoĩ hağua Tupã renondépe; heẽ, kóva ko tekove aja ha’e ára… pejapo[va’erãha] pene rembiapo”.5.
Ja’e porãsérõ ğuarã, umi irundy pene minuto oñepyrũmakuri; pe relo oguatáma. Apóstol Pablo ñe’ẽ ha’ete oho porãva: “Pedipara [pe carrera,] pehupyty hağuáicha [upe premio]” 6.
Umi paso oñeikotevẽháicha peteĩ atleta olímpico actuación sapy’aite ğuarã—umi jepo térã patinadores ha atletas de snowboard acrobacias, ocontrola umi ñembojere carrera de bobsled-pe térã oguejývo ohóvo eslalon rokẽ rupive— upéicha avei ñande rekovépe, oĩhápe umi elemento iñesencialva: umi punto de control odirigíva ñande rumbo espiritual yvy ári. Ko’ã marcadores espirituales ha’e Evangelio ordenanza-kuéra esencial ome’ẽva Tupã: ñemongarai, don del Espíritu Santo ñemoğuahẽ, sacerdocio ordenación-kuéra, templo ordenanza-kuéra ha Santa Cena-pe jeparticipa cada semana.
“...ha [ko’ã] ordenanza-pe oñemanifesta upe divinidad poder” 7.
Upe entrenamiento disciplina opreparaháicha peteĩ atleta-pe ojapo hağua umi ideporte elemento ijyvatevehápe, umi tembiapoukapyre ñe’ẽrendu penembosako’íta penedigno hağua perecibívo salvación ordenanza-kuéra.
¿Peñandúpa pe urgencia?
Che amigo-kuéra penemitãitéva, umi peimehápe pende “presentación irundy minuto-pe”, po’insta pejepy’amongeta hağua: “¿Mba’épa ajapova’erã ahupyty hağua che medalla?”. Ikatu ko conferencia aja, pe Espíritu oñe’ẽmbeguemi peẽme peñembosako’i mbareteve hağua pehupytývo upéi peteĩ ordenanza térã perrecibívo peteĩ ordenanza perrecibiva’erãmo’ãmavakuri ymave. Taha’e ha’éva, pejapómana ko’áğa, ani peha’arõve. Umi irundy minuto ohasa pya’eterei ha peẽ perekóta pe eternidad pejepy’amongeta hağua umi pejapova’ekuére ko tekovépe 8.
Oñeikotevẽ autodisciplina. Ñembo’e ára ha ára, Escritura-kuéra ñemoñe’ẽ ha tupaópe jeho ha’eva’erã entrenamiento ñemopyenda. Oñeikotevẽ peteĩ patrón constante de obediencia umi tembiapoukapýre, peñongatu umi konvenio pejapova’ekue ha pesegui Ñandejára norma-kuéra oĩva Para la Fortaleza de la Juventud-pe.
Ikatu peime consciente umi mba’e omoĩva en peligro térã ombopytá hína pende progreso espiritual ko tekovépe. Upéicharõ, peseguí Escritura-kuéra consejo: “…ñamboyke opa peso ha pecado ojeréva ñanderehe, ha jadipara paciencia reheve pe carrera jarekóva tenonderã” 9.
Ndatardei gueteri ñañe’arrepenti hağua, ha katu pya’e ikatu, avave ndoikuaáire araka’épa umi iñirundy minuto opáta.
Ko’áğa, ikatu pejepy’amongeta: “Ambyaipamangokuri; umi irundy che minuto niko peteĩ sarambíma; iporãvente añeme’ẽ”. Upéicharõ, anive péicha pejepy’amongeta ha anive pejepy’amongeta péva. Expiasiõ milagro niko ikatukuaa ocompensa umi oĩvaíva ñane desempeño-pe. Élder Jeffrey R. Holland ombo’ékuri:
“Peẽ… ndapegrogresaséiva… atestifika peẽme Tupã mborayhu poder renovador-re ha pe Igrasia milagro-re …
“Araka’eve ndatardeitereíri gueteri pe Mbo’ehára… he’ímaguie oĩha tiempo… … Ani pendeare” 10.
Penemandu’áke, napeneañóiha. Pe Salvador oprometékuri Ha’e napenemotyre’ỹmo’ãiha 11. Avei pereko pende rogaygua, pene amígo ha pende líder penemokyre’ỹva hína.
Ko’ã che ñe’ẽ ohóramo jepe umi imitãvape ğuarã Tupaópe, umi túva ha abuelo-pe ğuarã areko:
Ramoite, élder David A. Bednar omombe’u mba’éichapa ikatukuaa jajapo evaluación familiar omarkava ñane konvenio rape ordenanzas esenciale rehegua progreso. Opa oñeikotevẽva niko peteĩ kuatia ha mokõi columna-pe: “Téra” ha “plan ordenanza necesaria oúvape guarã”. Kóva ramoite, ojapóvo peteĩ che familia miembrokuéra réra. Umíva apytépe, amoĩ peteĩ che nieto sei áño orekóva, ipreparación bautismal iñesencial-va ha peteĩ ombotýtava 18 años, ipreparación sacerdocio-rã ha investidura del templo oğuahẽtamava. Opavave katu oikotevẽ pe Santa Cena ordenanza. Ko simple ejercicio chepytyvõ chéve ha Lesa-pe rokumplí hağua ore rembiapo roipytyvõvo ore rogayguakuérape ko convenio rapére, peteĩ plan de acción rehe chupekuéra ğuarã. Ikatu kóva ome’ẽ peẽme peteĩ idea, ikatútavagui peñomongeta penderogaguándi, mbo’epy Noche de Hogar-pe ğuarã, ñembosako’i ha avei invitaciones jajapo hağua ordenanzas esenciales pene familia-kuérape ğuarã12.
Che a’esquia ha ajapógui avei snowboarding, chemondýi pe medallista de plata “cuatro minuto”-re, ha atleta SUD australiana Torah Bright-re competencia medio-tubo-pe. Omondýi ko mundo-pe ombopa porãitévo upe carrera peteĩ “Backside Rodeo 720”-re. Upéichavérõ, iñimpresionante ha isorprendenteveha mba’éichapa añemboja ha ohechauka mborayhu cristiano umi icompetidorape. Ha’e ohecha pe atleta estadounidense Kelly Clark, orekova’ekue ñepyrũrã peteĩ carrera vai última ronda-pe, ha’ete ojepy’apýva isegunda carrera-hápe. “Ha’e che’añuã”, imandu’a Clark. “Che’añuãnte añekalma meve ha amboguejy che respiración ritmo. Iporãitereíkuri areko che’amiga añuã”. Upe rire, Kelly Clark oñembyaty Torah Bright ndive podio-pe medallista de bronce ramo.
Oñeporandu jave chupe mba’érepa upéichakuri ojapo ojehecha’ỹháicha jepi iñoponente ndive, ikatúva kuri omoĩ imedalla de plata peteĩ riesgo-pe, Torah he’i: “Che peteĩ competidora, ame’ẽse iporãvéva chejehegui, ha avei aipota umi ambue competidor avei ome’ẽ iporãvéva ijehegui” 13.
Péva pene akãme, ¿oĩ piko oikotevẽva penderehe?, ¿peteĩ ogaygua?, ¿peteĩ amigo?, ¿peteĩ compañero de clase térã miembro quórum-pegua? ¿Mba’éicha ikatu peipytyvõ chupe umi irundy iminuto aja?
Che amigo-kuéra ahayhúva, peime peteĩ viaje ñanemopirĩmbávape. Oimeháicha, pehopeína peteĩ carrera medio tubo-pe térã pe pista de trineo-pe, ha ikatu hasy peẽme pejapo umi acrobacia térã penavega umi tape ojerehápe. Ha katu penemandu’áke, peẽ peñemboasako’ihague pevarã heta milenio aja; kóva hína ára pejapo hağua. ¡Kóva hína pene irundy minuto! ¡Ko’áğa hína pe momento!
Ha’e aconfiapaiteha pende aptitud rehe. Pereko Salvador del mundo-pe pende ykére. Pehakárõ Ipytyvõ ha peseguívo He’íva, ¿mba’éicha pejavýta?
Ambopaha che testimonio jarekóre jehovasa ramo peteĩ profeta viviente, presidente Thomas S. Monson; Jesucristogui ha pe Hembiapo Salvador ha Redentor ramo; Héra marangatúpe, Jesucristo. Amén.