Mba´éichapa jajeprotegéta pornografía-gui----peteĩ oga oguerekova Cristo-pe icéntroramo
Linda S. Reeves rupive
Consejera Mokõiha Presidencia Sociedad de Socorro-gua
Pe filtro oikoveva ko mundo-pe…ha´e pe filtro oîva ñande py´ápe jaguereko rupi upe testimonio ñande py´aite guive ha opave´ỹva.
Che hemano ha hermana kuera, che añe-senti bendecida arekogui 13 bisnieto ñande apytépe ko’áĝa. Kova rupi che añeporanduva ¨Mba´épa che aipota che bisnieto kuéra oikuaa?¨ Ko pyharevépe che añe´êse che py´aite guive che familia ha pende familia-kuerape.
Ore, líder-icha, rojepy’apy pe mba´e vaiete pornografía ogueruva ñande tupao miembro ha familiakuéra apytépe. Satana katu, ñande ataca ipochyetereigui.
Peteî razón jaju ko yvy’apére ningo ñaisambyhykuaa haĝua umi ñañandúva ñande rete rupi ha umi pasión avei. Umi temiandu Tupã ome’ẽva’ekue ñandéve ñanepytyvõ ñamendase ha ñanemembyse haĝua. Pe ñemenda ha joaju oikóva kuimba´e ha kuña ndive ojegueru haĝua mitã ko yvy’apére ha´e avei mba´e iporãva ha ñanembovy´áva ojeikóvo oñondive mokõi korasõ ojoayhúva, oikóva oñondive hetépe ha espíritu-pe, ko´ãva rupi javy´a joaiteva’erã ñamoîvo primer lugar-pe upe mayma jahayhúvape. Presidente Spencer W. Kimball ñanembo’eva’ekue ñemendáre, “upe tembireko terã ména…ha´e mba´e tuichavéva ko jaikove aja mena ha tembirekóicha, ha….[ndaipóri] ambue interés [terã] maymáva [terã] mba´e ndaikatuichéne ohasa tembireko ári.
¨Ko ñemenda oikotevẽ compromiso ha fidelidad.¨ 1.
Ojapo heta ary, che memby oñeñandúvaihague. Aha rire hendápe ikotýpe, ha´e ipy’aite guive omombe´u chéve oîro guare peteî ore amigo rógape peteî amigo de confianza-ha ohechase´ỹre ohecha hague ta´anga itie´ỹva ha imondyirã televisión-pe peteî kuimba´e ha kuña ijopívova. Ha´e oñepyrũ hasê´i-mi ha omombe´u mba´eichaitépa oñe ñanduvai pe mba’e ohecha vaekuére ha hi´ánte chupe oipe´a iñakagui pe mba´e vai. Che avy´a ha´e oconfia rupi che rehe ome´ẽvo chéve oportunidad aconsola haĝua chupe ha acalma ikorasõ rasy, ha´évo chupe mba´éichapa ñande Salvador expiación ha Tupã ñande pytyvôta. Che mandu´a ko experiencia imarangatúva roñesúramo oñondive, sy ha membykuñáicha, ha rojerure Padre Celestial-pe ore pytyvô haĝua.
Heta mitã, mitãrusu, ha kakuaa oimo´a’ ÿre omaña pornografía-re, hetave katu oî kuimba´e ha kuña omañasévavoi, ha mbegue katúpe ogueraha chupekuéra adicción-pe. Ko´ã ñande rapicha oñeha´ã osê haĝua pe trampa-gui, heta vese ha´ekuéra ndaikatúi ojehekýi pe trampa-gui ha osupera haĝua ko mba´e vai. Orembovy´aite ñande rapicha jahayhúva oconfiarõ ñanderehe terã líderkuera Iglesiagua rehe. Ñande prudente-na ani ñañemondýi, ñandepochy, tera ñatĩ, upéva ikatúgui omotî chupekuera ha upévare okirirî jey.
Tuva ha líder-icha, ñañeha´ãva’erã ñañemongeta meme ñande memby ha mitãrusukuéra ndive, jajapysaka porã mborayhu ha entendimiento-pe. Ñambo´eva’erã chupekuéra ko pornografía ndaiporãiha ha mba´éichapa oñemomba´eta ñande rekovére, ñande rejavo pe Espiritu Santo ÿre, ombyaita ñande sentimiento ha ñande relación, jaikovéta auto-control-ÿre, ñande tiempo katu ohasa pa reita, oguerahata ñande pensamiento, ha energía avei.
Pornografía ningo ivaive, itie´ÿve ha ojehechaukave ko’ãga araka’evégui. Ñañemongetávo ñande membykuéra ndive ikatu ja-protege ñande rogayguakuéra ñamoîvo filtro umi aparato electrónico kuera-pe. Tuva ha sykuéra, ¿ jaikuaápa umi celular kuéra ha´eha tuichave problema umi computadorakuéragui? 2.
Mitãrusu ha kakuaa, oimerãmo pe Satana trampa pornografíape pe´arô, pende mandu´a ke mba´eichaitépa Ñande Salvador ñande rayhu ha iporiahuvereko. Peikuaa piko mba´eichatépa Tupã Ñandejára penderayhu ko´agãitépeve? Ñande Salvador ipu’akapáva ikatu ñane momopotî ha monguera. Ha´e ikatu oipe´a pe vy’a’ỹ ha tembiasa’asy pehasava ha penemopotîjey Ijexpiación pu’aka rupive.
Ore, líder-icha, rojepy´apy conyuge ha familiakuérare osufríva adicción pornografía rupi. Elder Richard G. Scott ojerure tuva ha sykuérape umi hagayguakuéra oimerãmo osufri adicccion pornografíagui: ¨Reiméramo angaipa’ỹre, ani re-sufri consecuencia ogueruva ambuekuéra angaipa vai…Ikatu reiporiahuvereko umi oîva angaipa apytepe. Upevére, ani peñe-senti responsable ko´ãva acto rehe.¨ 3. Peikuaáke napeimei pende año; jaguereko reunión jaje recupera haĝua adicción-gui conyugekuérape ĝuara; jaguereko reunión teléfono rupi, opermitiva conyugekuérape ohenói, ha oñerreuni ha oparticipa hogakuéra guive.
Che hermano ha hermanakuéra, ¿mba´éichapa japrotegéta ñande familiakuérape ha ñane mitãrusukuérape? Oĩ filtro oikóva herramienta ramo, ha katu pe filtro oikovéva ko mundo pe, amo ultimope único oikoveva, ha´e pe filtro oîva ñande py´ápe jahupytva ñande testimonio rupi pe mborayhu opave‘ÿvagui ñande Padre Celestial oguerekóva ñanderehe, ha ñande Salvador sacrificio expiatoriogui opavave ánga pe guarã.
¿Mba´éichapa ikatu ñaipytyvô ñande familiakuérape oñeconverti ha ohupyty haĝua ñande Salvador expiación beneficio? Che gusta profeta Nefi ñe´ẽ mba´épa ojapo igente omombarete haĝua mitãrusukuérape. “Roñe´ẽ Cristo-re, rovy´a Cristo-pe, rombo´e Cristo-gui, [ha] roprofetisa Cristo-gui… ore ra´ykuéra oikuaa haguã moõpa ohekavaerã hikuái iñangaipajora”4.
¿Mba´éichapa ikatu jajapo ko´ã mba´e ñande rógape? Alguno oîmene ohenduva’ekue mba´éichapa che mena Mel ha che rohasa’asyva’ekue padre de familiaicha, cuatro mitã reheve. Roñeha´ãvo rombohovake umi desafio rombo’e haĝua ore membykuérape ha rocumpli haĝua ore rembiaporã tekove rehegua, ore roje-desepera roikotevêgui pytyvõ. Roñembo´e ha rojerure’asy roikuaa haĝua mba´épa rojapova’erã. Ñembohovai ouva ore py´ape hesakã porã: ¨Oîpora pe oga iky´arõ ha la mitã kuéra oîvo ipijamape ha responsabilidad ndojejapopáirô. Lo único ñaikotevêva jajapo ñande rógape ha´eva escritura estudio diario ha ñembo´e, ha avei noche de hogar familiar.¨
Roñeha´ã rojapo ko´ã mba´e, ha katuete ndaha´ei kuri prioridad, upe sarambi apytépe, a veces ore resarái rojapo haĝua ko´ã mba´e. Romoambue ore enfoque, ha katu roñeha´ã romoî ko´ã mba´e ore priorida-pe ha ndo rojepy´apyi umi mba´e iñimportante’ỹva re. Kóva ko enfoque oconverti mba´éichapa roñe´ê, rovy´a, rombo´e ha rotestifica Cristore roñeha´ãvo cada ko´ê roñembo´e ha ro estudia umi escritura ore rógape ha rojapo noche de hogar familiar cada semana.
Peteî che angrũ he´i chéve, ¨Erévo kuñanguérape omoñe´ê haĝua escriturakuéra ha oñembo´eve haĝua ningo reipy´apyvéta chupekuéra. Ha´ekuera oguerekóma voi heta mba´e ojapova’erã
Che hermano ha hermanakuéra, che aikuaagui che ha che mena experiencia rupi, atestifika jehovásakuéragui jahupytýtava ja’estudiaramo Escritura, ñañembo´eramo, cada ko´ê, ha jajapóramo ñande noche de hogar cada semana. Ko´ã practica oprotegéta ñande róga. Upéramo pornografía terã ambue desafio ohupytyramo ñande familiakuérape, ikatuta ñañemboja ñande Padre Celestial rendape confianza ha py´a porãme ha jajerure pytyvõ ña enfrenta haĝua ñande problema. Ikatúta ñaha´ãro guía Espiritu gui, jaikuaa rupi jajapo hague opa mba´e ha´e ojejerure va’ekue ñandéve.
Che hermano ha hermanakuéra, ko´ã mba´e ndajajapoiramo ñande rogape, ko´aĝa ikatu ñañepyrũ. Ñande mitãnguera tuichavéramo ha nañande acompañasei ramo, ikatunte avei ñañepyrũ ñandetevoi. Peicha jajaporamo, pe Espiritu influencia oñepyrûta omyenyhe ñande róga ha ñande rekove; ha ohasávo tiempo, ñande mitãnguera orespondeta.
Penemandu´áke Ñande Ru Yvagagua, Isiervo kuera oiko veva, oprometevaekue jahekavo ñande ypykuera información ha japrepararô ñande familia kuera rera templo-pe guarã, ñaimeta protegido ko´ãnga ha opa jaikove-aja ñañe mantene-rô digno jaguerekovo recomendación templo peguarã5. ¡Mba´e porãite ko´ã promesa!
Mitãrusukuéra, peime responsable pende bienestar espiritual-re. Pembogue pende celular tekoteverõ, pe purahei Primaria gua canción, pejerure ayuda, pe-pensa peteî Escritura-re, pesê película jehecha ha gui, pe-pensa ñande Salvador-re, pe participa Santa Cena-re dignamente, pe estudia Fortaleza para la Juventud, peme’ẽ ejemplo porã pende angirũnguérape, peñemongeta pende rukuéra ndive, tapeho pehecha ha peñe’ẽ pende obispope, pejerurékena ayuda ha peheka ayuda profesional peikotevẽramo.
¿Mba´e aipota che nietokuéra oikuaa? Che aipota ha´ekuéra oikuaa pe Salvador oikoveha ha ñanderayhuha. Ha´e opaga precio ñande angaipakuera-re. Ha´e ojeruremínte ñandeve ña reconoce ñande falta, ñambyasyete jajapova’ekuére, ñañe-confesa, ha ñañembo´e ñande perdona haĝua, ha jadecidi jaikove imandamientokuéra rupi. Che atestifica ñande Padre Celestial ñande mombareteveta, ñande pytyvôta, ha ñande perdonata. Che aikua porã ko´ã mba´e! Che aikua Jose Smith ohecha hague Tupãme, Ñande Padre Celestial, ha ñande Salvador, Jesus Cristo-pe. Che aikua aporandu rupi Tupãme, ñande Padre Celestial-pe. Ñambo ambue vaerã ñande py´a ha ñande deseo, ha jaikove humildemente, jahekavo pytyvô ha perdón umi jaheja rei vaekue ha ja-lastima vaekuepe.
Che aikuaa José Smith ohecha hague Tupãme, Ñande Padre Celestial, ha ñande Salvador, JesuCristo-pe. Che atestifika Thomas S. Monson ha´eha profeta ko yvy apere. Che atestifika avei araka’eve ndajajeguerahamo´ai tape vaire ja seguiramo Ñandejara profeta consejo. Che atestifika oîha poder ñande konvenio ha jevosakuérape templo rehegua.
¡Che aikuaa Mormón Kuatia Ñe´e añeteguaha! Che ndaikatui amohesakã ko poder tuichaitéva oguerekóva ko kuatiañe’ẽ. Ko´ã mba´ente che aikuaa, ñembo´e-reheve, Mormon KuatiaÑe´ẽ oguereko poder oprotege haĝua ñande familiakuérape, omombarete haĝua relación-kuéra, ha ome´ẽ haĝua confianza personal Ñandejára renondépe. Atestifika ko’ã mba’egui Jesucristo rérape. Amén .