Ñe’ẽrendu ñande jeroviareko rupive

Elder L. Tom Perry rupive

Quórum Doce Apóstoles pegua

Ñe’ẽrendu niko pe ohechaukáva ñande jerovia pe Tupã arandu ha pu’aka máxima autorida rehe.

Pe noche de hogar hermana Perry ha che rojapovakuri hína umi lune pyharekue okakuaave sapy’a. Ore apartamento ypýpe ova che hermano, itajýra, Barbara hermano, ha peteĩ sobrina ha iména. Peva ha’e única vez aguerekohague che familiakuéra oiko aguĩvo chehegui che mitã guive. Upéramo, che familia oikókuri ojoykére peteĩ cuadra-pe, ambue che sy hentekuéra ndive. Che taita Sonne róga oĩ che róga ykére norte gotyo, ha sur gotyo che tia Emma. Pe cuadra sur gotyo oiko tia Josephine, ha este gotyo katu tio Alma.

Che mitãrõguare, roime joa oñondive che familia hentekuéra ndive ára ha ára, ha rocomparti momentos romba’apóvo, roñembojarúvo ha rohasávo tiempo oñondive. Ndaikatúi oreakãhatã oikuaa’ỹre ore sy pyaeterei. Ore mundo idiferente ko’ag̃a, hetavéva familia-kuéra oiko diferente tendápe. Jepe oikóramo hikuái aguĩ ojuehegui ndoikói ojoykére. Upevére, aimoãva’erã che mitãrõ guare ára ha che rekove ko’agã ha’e peteĩ Yvága pehengue, aguerekóvo che hentekuéra ahayhuetéva oikóvo aguĩ ojuehegui. Che momandu’a meme pe naturaleza eterna oguerekóva ñande familia-kuéra ñembojoaju.

Che mitãrusu árape, aguereko peteĩ relación especial che taita ndive. Che ha’e ta’ýra ypykue che familia-pe, aguenohẽ nieve pe jaguatahágui invierno-pe, añangareko kapi’ipére verano-pe, che rógape, ha avei che taita ha mokoĩ che tia rógape. Che taita oguapy jepi óga renondépe che aikytĩ aja kapi’ipe. Aikopávo, aguapy pe escalón-pe, óga renondépe, ha añemongeta hendive; umi momento mandu’a imarangatúva cheve g̃uarä.

Peteĩ ára aporandu che taitápe mba’éichapa ikatu aikuaa ajapo porã memépa hína, oĩgui heta opción ko ñande rekovépe. Jepiguáicha ha’e ombohovái chéve peteĩ experiencia hekove kokuepegua reheve.

Ha’e chembo’e mba´éichapa oñentrenava’erã peteĩ kavaju yunta omba’apo hag̃ua oñondive. He’i pe kavaju yunta oikuaava’erãha mávapa oĩ a cargo. Pe arnés ha freno ha’e clave oñecontrola ha ojedirigi hag̃ua peteĩ kavajúpe. Peteĩ pe yúntape oimo’ãrõ naiñe’ẽreduiva’erãha pe conductor he’ívare, pe yunta ndoitiramo’ãi ni ndomba’apomo’ãi oñondive ipu’akave hag̃ua hikuai.

Ko’ag̃a jahesay’ĩjo pe lección che taita chembo’eva’ekue jaipuruvo ko ejemplo. Mávapa pe kavaju yunta conductor? Che taita oimo’ã ha’eha Ñandejára. Ha’e oguereko peteĩ propósito ha peteĩ plan. Ha’e ha’e pe oentrenaba ha ojapóva pe yunta-pe, ha avei ojapóva umi kavajúpe. Pe conductor oikuaa mba’épa iporãve, ha peteĩ kavaju ikatuhaĝuaicha oikuaa ojapoha pe iporãva tapiate iñe’ẽrendu ha osegimanteva’erã pe conductor guía.

Mba’épepa ñambojojáta che taita arnés ha freno? Che aguerovia upéramo, agueroviaháicha ko’ag̃a, che taita che mbo’e hína kuri asegui hag̃ua Espíritu Santo py’a atõi. Iñapytu’ũme, pe arnés ha freno ha’e espiritual. Pe kavaju iñe’ẽrendúva, oformáva pe kavaju yunta oiko poravã, oikotevẽ peteĩ tirón-imínte pe conductor-gui ojapo hag̃ua pe ha’e oipotáva ojapo. Pe tirón-imi oñembojoja pe ñe’ẽ mbegue ha kyryĩ oñe’ẽlája ñandéve Ñandejára. Orrespetágui ñande albedrio, ndaha’éi peteĩ tirón atã ni mbarete.

Umi kuimba’e ha kuña naiñe’erendúiva umi Espíritu ñe’e mbeguére, py’yĩ oaprendéta, o’aprendehaguéicha pe hijo pródigo, umi ñe’erendu’ỹ ha jeiko vai consecuencia natural rupive. Umi consecuencia natural omoñakãity rirénte pe hijo pródigo-pe ha’e “[ ou] ijupe” ha ohendu umi Espíritu ñe’ẽmbegue he’íva chupe oho jey hag̃ua ituva rógape (tojehecha Lucas 15:11–32).

Upéicha pe lección che taita chembo’eva’ekue ha’e aimeva’erãha dispuesto ahendúvo pe Espíritu ñe’ẽmbegue. Ha’e chembo’e arrecibitaha umi ñe’ẽmbegue aha sapy’arõ pe tape vai rehe, ha araka’eve ndajapomo’ãiha peteĩ mba’e ivaietereíva ahejáramo pe Espíritu toisambyhy che decision-kuéra.

Jaleeháicha Santiago 3:3-pe: “Péina ápe Ñamoĩ ijurupegua freno kavajúpe, iñe’ẽrenduhag̃ua ñanderehe, ha jadirigi hag̃ua upéicha opa hete”.

Ñaimeva’erã conciente umi ñane freno espiritual-gui, jepe pe Mbo’ehára ñe’ẽmbegue michivéva rehehápe, ñaimeva’erã dispuesto ñacambiapaitévo ñande rape. Jaguereko hag̃ua éxito ko tekovépe, ñambo’eva’erã ñande espíritu ha ñande retépe omba’apo hag̃ua oñondive, iñe’êrendúvo hikuái Tupã rembiapoukapykuérare. Jajapysakáramo umi Espíritu Santo ñe’ẽmbeguérehe, upéva ikatu ombojoaju pe espíritu ha tete propósito-pe ñandegueraha jeýtava ñande róga opave’ỹvape, jaiko hag̃ua ñande Ru Yvagagua apyra’ỹva ndive.

Ñande tercer Artículo de Fe, ñanembo’e ñe’ẽrendu importancia: “ Roguerovia pe Cristo expiación rupive, opa yvypóra ikatuha ojesalva, iñe’êrendu rupive umi Evangelio ley ha ordenanza-kuérare”.

Pe ñe’ẽrendu che taita omombe’uva’ekue pe kavaju yunta ejemplo-pe oikotevẽ avei peteĩ responsabilida especial, he’ise, peteĩ jeroviapaite pe yunta conductor rehe. Upévare pe lección che taita chembo’eva’ekue omombe’u avei pe peteĩha Evangelio principio: fe en Jesucristo.

Pe apóstol Pablo ombo’e “ Ha’e, pues, Jajerovia ramo, jaikuaa porã jahupytytaha katuete pe ñaha’arõva, he’ise, jarovia añetéramo umi mba’e jahecha’ỹva.(Hebreos 11:1). Upéramo Pablo oipuru pe Abel, Enoc, Noe ha Abraham ejemplo ombo’e hag̃ua pe jerovia rehegua. Ha’e oñecentra pe Abraham historia-pe, ha’égui Abraham umi ijeroviarekóva ru.

“Ojerovia rupi, Abraham, ohenóivo chupe Tupã, iñe’erendu ha osẽ oho hag̃ua pe yvy chupe oñeme’ẽtavape; ha osẽ oikuaa’ỹre moõpa oho.

“Ha ojerovia rupi, oiko mombyrygua ramo pe yvy Tupã oikuave’ẽ va’ekuépe chupe…

“ Ojerovia rupi avei, Sara, ndaikatuíramo jepe imemby,oñeme’ẽ chupe mbarete imemby haĝua; jepe ig̃uaiguĩma, ha katu ohecha hekojojaha pe he’iva’ekue chupe upéicha.” (Hebreos 11:8–9, 11).

Jaikuaa, Isaac, Abraham ha Sara ra’y, rupive oñeme’ẽha Abraham ha Sara-pe peteĩ promesa, pe promesa peteĩ posteridad rehegua “ yvága mbyjáicha heta, ha ojeipapakuaa’ỹva yvyku’ícha oĩva pe mar rembe’ýpe” (tojehecha versículo 12; tojehecha aveiGénesis 17:15–16). Ha upéi, pe Abraham jerovia ojera’ã ñande ndaikatuiháicha ñañeimagina.

Heta vecema apensa pe Abraham ha Isaac historia-re, ha jepe upéicha nacomprendepái pe Abraham jeroviareko ha ñe’ẽrendu. Oiméne ikatu añeimagina chupe ombyatývo imba’ekuéra osẽ hag̃ua voi peteĩ pyharevépe, ha katu, Mba’éicha piko oguata ita’ýra Isaac ykére, pe mbohapy ára je’óipe, monte Moriah base-peve? Mba’éicha ogueraha pe jepe’a omyandy hag̃ua pe tata yvate pe yvytýpe? Mba’éicha piko omopu’ã pe altar? Mba’éicha ojokua Isaac-pe ha omoĩ chupe pe altar-pe? Mba’éicha he’i chupe ha’etaha ha’e pe sacrificio? Ha mba’éicha piko oguereko mbarete omopu’ã hag̃ua pe kyse ojuka hag̃ua ita’ýrape? Pe Abraham jerovia ome’ẽ chupe pu’aka oseguihag̃ua Tupã guia precisión reheve og̃uahẽmeve pe momento milagroso pe ángel oñe’ẽhápe chupe Yvagaguive, oanunciávo ohasahague pe prueba hasyetereíva. Uperire pe Ñandejára ángel he’i jey chupe pe promesa convenio Abrahámico rehegua.

Añeme’ẽ en cuenta umi py’ara’ã Jesucristo-re Jerovia ha ñe’ẽrendu rehegua hasyvetaha peteĩvape ĝuarã ambuévagui. Areko hetaporãma experiencia aikuaa hag̃ua oĩramo jepe diferente laja kavaju apytépe, ha upéicha alguno ndahasýi terã ambuéva hasyve oñentrena hag̃ua, hetave gueteri oĩha yvypóra apytépe. Opavave ñande ha’e Tupã ra’y ha tajyrakuéra ha jaguereko peteĩ historia singular pe preterrenal ha terrenal rekovépe. Upévare, oĩ pokã solución oiko porãva opavavépe g̃uara. Upévare arreconoce pe tekove naturaleza ha’eha jaexperimenta ha ña’aprende jejavykuéragui ha iñimportantevéva, ñaikotevêha tapiate pe mokoĩha Jesucristo evangelio principio, ojeikuaáva pe arrepentimiento-ramo.

Añete avei, pe ára che taita oikova’ekuépe, ha’ehague peteĩ época isencillovéva, en especial ojeiporavo hag̃ua iporãva ivaívagui. Jepe oĩ yvypóra iñinteligenteitereíva ha ikatupyrýva oimo’ãva ñande época icomplejovéva oikotevẽha solucion-kuéra icomplejovéva avei, che ndaroviai oĩha ha’ekuéra añetépe. Ha katu aguerovia pe ko’ã árapegua complejidad oikotevẽ sencillez, pe che taita mbohovaichagua ome’ẽva’ekue chéve aporandúramo chupe mba’éichapa ikatu aikuaa pe diferencia iporãva ivaívagui. Aikuaa ame’ẽva’erã peême estedia peteĩ momarandu isencillova, ha katu ikatu atestifica oikoporãitereiha cheve g̃uara. Arrecomenda peẽme ha poinvita jepe peexperimentahag̃ua che ñe’ẽ reheve, ha pejapóramo upéicha, apromete peẽme pendeguerahataha decisiones hesakãvape peiméramo rodeado opciones-re, ha pendedirigitaha ñembohovái sencilla-pe umi porandúpe oconfundiva umi instruido ha arandukuérape.

Py’yĩeterei ñapensa ñe’ẽrendu ha’eha jasegui pasívamente ha ñapensa’ỹre umi orden ha dictado oúva autorida tuichavévagui. Ha katu añetehápe. ñe’ẽrendu ha’e pe ohechaukáva ñande jerovia pe máxima autorida, ha’éva Tupã, arandu ha pu’aka rehe. Abraham ohechaukáramo guare jeroviareko ha ñe’ẽrendu Tupãme, jepe oje’éramo chupe osacrifica hag̃ua ita’ýrape, Tupã orrescata chupe. Upéicha avei, jahechaukáramo ñande jeroviareko ñane ñe’ẽrendu rupive, ipahápe, Tupã ñanderrescatata.

Umi ojeroviáva ijehénte ha osegui pe ha’ekuéra oipotava ha ijepokuaakuérante, oĩ limitadoiterei hikuái oñecomparávo umi oseguíva Tupãme ha oguerekóva acceso iñarandu, pu’aka ha don-kuérape ndive. Oje’e peteĩ persona ojepy’apýva ijehénte ha’e peteĩ persona nog̃uahéiva mombyry. Pe ñe’ẽrendu mbarete ha iniciativa reheve nde’iséi kangy terã pasivo. Ha’e pe jahechaukaháicha ñande jerovia Tupãre ha jarrecibikuaa umi yvága pu’aka. Ñe’ẽrendu ha’e peteĩ decisión, peteĩ decisión ñande aranduete ha pu’aka limitado ha pe Tupã arandu ha pu’aka ilimitado apytépe. Che taita lección-pe he’iháicha, ha’e peteĩ elección jahechakuaa umi Espíritu ñe’ẽ mbegue ha jasegui pe conductor guia.

Taha’e heredero-kuéra Abraham convenio ha descendencia-gui ñandejeroviareko rupive ha jarrecibivo umi Evangelio restaurado ordenanza-kuéra.. Apromete peẽme umi ijeroviarekóva ha iñe’ẽrendúva ikatu ohupyty tekove opave’ỹva jehovasa. Jesucristo rérape. Amén.