Umi yvytu’atãvai espiritualva
Elder Neil L. Andersen rupive
Quórum de los Doce Apóstoles-gua
Aníke peheja umi yvytu’atãvai pendereity. Ko’ã arakuéra ha’e ára peẽ perekóva pepyta mbarete hağua umi Ñandejára Jesucristo remimbo’éicha.
Pomomaitei ko pyharevépe, peẽme mitãpyahukuéra, peiméva ápe, ko Centro de Conferenciape, ha umi oñembyatýva opa yvy’áripe. Peẽ niko peime peteĩ generasiõ ojeporavova’ekue peteĩ destinoitépe ğuarã, ha peẽme voi añe’ẽ.
Ojapo heta ára, rovisita aja ore familia oikóva Floridape, namombyrýi ohasa pe roĩhágui peteĩ yvytuvai. Peteĩ kuña oikóva umi casa rodante-pe odipara ibáñope oñemo’ã hağua ha upe aja pe óga oñepyrũvo oryrýi. Uperiremi ohendu hóga ypypegua ñe’ẽ he’íva: “Aime ápe, sálape”. Osẽ pe bañogui ha, ñemondýipe, ohecha pe yvytuvai ohupi ha ogerahahague pe hóga yvytúre ha omboguejy chupe hóga ypypegua casa rodante ári.
Che anguirũ pyahukuéra, ko mundo ndoho mbeguemo’ãi pe Salvador jejujey mboyvépe. Escriturakuéra he’i “opa mba’e oryryitaha” 1. Brigham Young he’iva’ekue: “Ko Tupao ñepyrũmbýpe, ojehechaukava’ekue chéve ko Tupao oñemosarambitaha, opu’ãtaha, okakuaataha ha ojepysotaha, ha pe Evangelio ojepysoháicha ohóvo opa tetã yvy’arigua apytépe, tuichavetaha avei pe Satana pu’aka”2.
Mba’e ñanemyanguekoivéva umi yvy ryrýi ha ñorairõ guasúgui3 ojeprofetisava’ekue, ha’e umi yvytu’atãvai espiritual ikatúva penembohapo’o pene pyenda espiritualgui ha ikatúva ogueraha pende espíritu tenda araka’eve peimo’ã’ỹvape; ha sapy’ante, avei, jepe jehechakuaa’ỹre peku’ehague.
Umi yvytu’atã ivaivéva ha’e pe aña jeipy’ara’ãkuéra. Pecado oĩvavointe ko mundope, ha katu araka’eve hasy’ỹ’etéva jaike hağua ipype, ojeipota potave ha ojeguerohoryve. Jaikua ningo, oĩha peteĩ mbarete ipu’akátava umi pecadokuéra rehegua yvytuvai’atãre; ha péva héra arrepentimiento.
Ndaha’éi opaite umi yvytu’atãvai ko tekovepegua ou umi peẽ pejapovaívare; oĩ oúva ambue tapicha rembipovaíre, ha ambuéva, oúnte koa ha’égui pe vida mortal.
Imitãme, presidente Boyd K. Packer hasy pe mba’asy vaiete poliogui. Orekorõguare siete añokuéra pe Elder Dallin H. Oaks túa omanoreiete. Pe hermana Carol F. McConkie, Mujeres Jóvenes Presidencia Generalgua, imitãkuñarõguare, ituakuéra ojeiakue ojuehegui. Peẽ peguerekóta jehasa’asy, ha katu pejeroviáramo Tupãre, ko’ãva omombaretéta pende jerovia.
Ko naturalésape, umi yvyra okaakuaáva tenda oĩhame heta yvytu atã oñemombareteve. Yvytu oipejúramo yvyramáta michĩva, pe yvyramáta ryepypegua mbarete oĩva ojapo mokoĩ mba’e. Peteĩme, omba’apo pe hapóre okakuaa pya’eve ha tuichave hağua; ha upéi, pe yvyramáta mbaretekue oñepyrũ ojapo umi mba’e hyepypegua ombopyrusuve ha omohatãvéva pe yvyra ropyta ha hakãkuéra ogueropu’aka hağua jejopy ojapóva yvytukuéra . Ã takã ha tapo imbaretevéva omo’ã pe yvyramáta umi yvytu katuete oujeýtavagui4.
Peẽ pejehayhuetereiveTupãme ğuarã pe yvyramátagui; peẽ ha’e Ita’ýra térã Itajýra. Ha’e ojapova’ekue pende espíritu imbarete ha ogueropu’aka hağua umi pende rekovepegua yvytu’atã. Umi yvytu’atãvai pene juventupegua, pe yvytu oipejúvaicha yvyra michĩvape, ikatu ombotuichave pene mbarete espiritual penembosako’ívo umi ára tenoderãme ğuarã.
Mba’éichapa peẽ peñembosako’i umi yvytu’atãvai pendepejútavagui?... penemandu’áke…ha’e pene Redentor ita ári, ha’éva Cristo, Tupã Ra’y, pemoĩva’erãha pene pyenda, upéicha pe aña ombou vove ijyvytu vaiete …idardokuéra pe yvytu’atãvaípe …opa iñamandáu ha hi’arapochy vai pende’api vove, ko’ãva ani hağua oguereko pu’aka pendeguerehávo…pe ita peñemopu’ãhague rupi” 5. Péicha ikatu peñemo’ã umi yvy’atãvai aja.
PresidenteThomas S. Monson he’iva’ekue: “Jepe ymave ko Tupao normakuéra ha pe socieda normakuéra ojojoguava’ekuee, ko’áğa ñande dividi peteĩ mba’e ijapyra’ỹva oñembotuicha tuichavéva ohóvo” 6. Ambue tapichápe, upe mba’e ijapyra’ỹva ogueru heta yvytu’atãvai espiritualva. Pehejami tame’ẽ peteĩ techaukaha:
Pe mes ohasava’ekue Primera Presidencia ha pe Quórum de los Doce orahaka peteĩ kuatiañe’ẽ opa liderkuérape ko Tupaópe. Peteĩ parte he’íva: “Ley civil ñemoambue ndaikatúi ombyai, ni ndaikatúi omoambue, pe ley moral Tupã omoĩva’ekue. Ñandejára oha’arõ ñadefende ha ñane’ñe’ẽrendu Hembiapoykapykuérare ndaha’eiramo jepe ko sociedad he’íva térã ojapóva. Pe iley de castida hesakã: umi relación sexual oĩporã ojejapo peteĩ kuimba’e ha kuña apytépe omendáramo hikuái legal ha lícitamente. Rojerure peẽme pe hesa’ỹijo hağua…pe doctrina oĩva ‘La Familia: Una Proclamación para el mundope”’7.
Imombyry jave ko mundo pe Ñandejara ley de castidágui, ñande nahániri. Presidente Monson he’iakue: “Pe Salvador del mundo ijehe oñe’ẽvo he’i oĩhague ko mundope ha’e’ỹre ko mundogua. Ñande avei ñaĩmekuaa ko mundope ha’e’ỹre ko mundogua jarrechasávo umi kuaa añete’ỹva ha umi tekombo’e japu, ha ñande jerovia umi Tupã ojerurévape ñandévere”8.
Jepeve heta gobierno ha yvypóra ipy’aporãva he’ijey mba’épa pe ha’e ñemenda, Ñandejára nahániri. Iñepyrũmby guive, Tupã voi omoñepyrũva’ekue pe ñemenda peteĩ kuimba’e ha kuña apytépe: Adán ha Eva. Ha’e ohechaukava’ekue mba’érepa oñemoĩ pe ñemenda ohasa puku hağua umi adulto mba’epota ha ñeñanduporãguinte, pe imba’eguasuvévape: oñemoĩ hağua tenda porã umi mitã heñói, oñemongakuaa ha oñehekombo’e hağua. Pe familia ha’e yvagaguakuéra tembiayhu 9.
¿Mba’ére piko ñañe’ẽvénte hína ko’ãvare? He’i haguéicha Pablo:… ñama’ỹre ñande umi mba’e ojehechávare, térã umi ojehecha’ỹvare…”10. Jesucristo Apóstolkuéraramo, jareko responsabilida ñambo’e hağua pe ñande Apohára plan Ita’ýrakuérape guarã ha ñame’ẽ hağua marãndu umi mba’e oútavagui ndojejapóiramo Hembiapoykapykuéra.
Nda’aréi, añe’ẽ peteĩ Laurel-gua kuñatãi ndive Estados Unidospegua. Ahai pe correo electrónico ha’e ombouva’ekuégui chéve:
“Ko año ohasava’ekue oĩ che amigokuéra Facebook-pe oñepyrũva ohai hemiandu pe ñemenda rehegua; heta oĩ omoporãva pe tapicha orekóva peteĩchagua sexo ñemendare, ha heta jóven SUDgua he’i omoporãha umi mensaje. Che ndahaíri mba’eve.
“Añembopy’apeteĩ ha ha’e porãiténte oĩporãha chéve ğuarã pe kuimba’e ha kuña ñemenda”.
“Pe che perfilpe, che foto ndive, ambojoaju ko’ã ñe’ẽ: ‘Che aguerovia kuimba’e ha kuña ñemenda.’ Pya’eténte oñembou chéve umi mensaje he’íva: ‘Ndentese’, ‘Ndereporohayhúi; peteĩva che mbojoja umi esclavo rekoháre. Avei, ombou chéve mensaje peteĩ che amiga ahayhúva Tupaogua miembro mbarete avei: ‘Eñemoĩva’erã ko árapegua mba’e ndive; umi mba’e iñambue ohóvo ha nde neambueva’erã avei.’
“Nambohováiri chupe” ha’e he’i, ha katu ndaipe’ái avei umi ha’eva’ekue.”
Ha’e ombopaha: “Sapy’a, presidente Monson he’ihaguéicha: ‘Japytava’erã ñemovã’ỹme ñane’añóramo jepe’. Oñeha’arõ mitãpyahukuéra japyta ñemovã’ỹme ha jajoajúpe ñande jeroviávo Tupãre ha umi Iprofeta oikovéva tekombo’épe”11.
Jajepy’apyva’erã katu umi máva oñeha’ãva oipe’a ijehegui pe isexoichagua jehayhu rehe. Peteĩ torbellino oipeju’atãitéva rehe. ¡Ahechaukase che mborayhu ha momba’e umívare py’aguasúpe ogueropu’akáva ko jerovia rehegua py’ara’ã ha opytáva jeroviápe Tupã rembiapoukapýre” 12. Upevére, mayma tapichakuéra, taha’e ha’éva pe oiporavóva ha ogueroviáva, oikotevẽ ñane mborayhu ha ñande techakuaa13.
Pe Salvador ñanembo’eva’ekue jahayhuva’erãha ndaha’éi ñande angirũmente, ha katu avei umi ndoguerohorýivape ñane ñe’ẽ; jepeve umi nañanderayhúivape; Ha’e he’iva’ekue: “Pehayhúramo umi penderayhúvape, ¿mba’e repyme’ẽ piko peguerekóta?...Ha pemomaiteíramo pene hermanokuérante, ¿mba’e piko pejapove?”14.
Pe profeta José Smith he’iporãva’ekue ñandéve: “ani peje pende rekopotĩveha ambue tapichágui”, ha oñemoñe’ẽ avei ñandéve ñambotuicha hağua ñane korasõ opa kuimba’e ha kuña rehe ñañandu peve “ jaguerahaseha chupekuéra ñande ati’y’ári”15. Pe Jesucristo evangeliope ndaipóri tenda ñembohory, ñe’ẽreity ni techakuaa’ỹrã.
Peguerekóramo porandu Tupao líderkuéra sambyhy rehe, ajerure peẽme, peñemongetami hağua umi pendepy’apy añetévare pende tuakuéra ha pende líderkuéra ndive. Peikotevẽ pe mbarete oúva jajeroviáramo Ñandejára profetakuérare. Presidente Harold B. Lee he’iva’ekue: “Pe peteĩ mba’e jaikuaaporãva ko Tupaogua miembro [ha’e] jaikuaava’erãha mba’éicha jajapysaka ha ñaneñe’ẽrendu umi ñe’ẽ ha tembiapokapýre Ñandejára ome’ẽtava Iprofeta rupive…Ikatu oĩ mba’e oikotevẽva py’aguapy ha jerovia. Ikatu napemoporãi pe he’íva…Ikatu ojoavy umi pene opinión política ha social ndive. Ikatu ombyai umi pende vida social. Ha katu pejapysakáramo umi mba’ére ourõguáicha Ñandejára juruetégui… “ndaipu’akamo’aĩ penderehe umi añaretã rokẽkuéra… heẽ, ha Tupã Ñandejára oipe’áta pene rendondégui umi pytũmby pu’akakuéra”(D. y C. 21:6)”16.
Ambue ñemo’ã mbarete umi yvytu’atãvaígui ha’e pe Mormón Kuatiañe’ẽ.
Ikaria’yrõguare Presidente Henry B. Eyring, ifamilia ova peteĩ tavaguasu pyahúpe. Iñepyrũme, ha’e ndoguerohorýi pe jeva ha sa’i iñaguirũ; ndaikatúi ojepokuaa umi ambue estudiante escuela secundariaguáre. Umi yvytu’atãvai ojere hese; mba’épa ha’e ojapo ra’e?: oñeha’ãmbaite ostudia pe Ikatuañe’ẽ Mormón, pe omoñe’ẽva heta ára aja17. Heta año upe rire, Presidente Eyring otestifika: “Che arohory pe Kuatiañe’ẽ Mormón jelee jey ha aisyryku puku chugui ha py’ỹi”18. “Kóva ha’e testimónio haipyre imbaretevéva jaguerekóva Jesús ha’eha pe Cristo” 19.
Ñandejára ome’ẽva’ekue peẽme ambue henda peñemova’ỹ hağua, ¡peteĩ don espiritual imbaretevéva umi aña yvytu’atãvaígui! Ha’e he’iva’ekue:…“pepyta tenda marangatúpe ha ani peñemongu’e”20.
Che karia’y pyahurõguare, oĩva’ekue 13 templonte Tupaópe; ko’áğa oĩ 142. Pe 85% Tupao miembrokuéra oiko 320 km jerérupi peteĩ templogui. ¡Ñandejára ome’ẽ kuri peẽme ko don espiritual ipu’akavéva pe aña yvytu’atãvaikuéragui! Ñandejára ome’ẽ kuri pene generasiõme hasy’ỹve hağua Itémplo marangatúpe jeike oimeraẽ ambue generasiõmegui pe historia del mundope.
¿Peikéma piko ra’e templope, pende ao morotĩ reheve, peha’arõvo pejapo hağua umi ñemongarai? Mba’épa peñandu ra’e? Pe templope oĩ peteĩ santida ikatúva ñañandu; pe Salvador py’aguapy ipu’aka umi yvytu’atãvai pochy ko mundopeguáre.
Pe templope peñandúva ha’e peteĩ techaukarã peñandusétava pe jeikovépe21.
Pehekáke pende abuelokuéra ha opa pende primokuéra mombyrygua ohomava’ekue, ha pegueraha umi hérakuéra témplope22. Peikuaávo pene antepasadokuéragui, pejuhúta techaukarã pe jeikove rehegua, pe ñemenda rehegua, ha umi mitãnguéragui; techaukarã tekopotĩ rehegua ha, sapy’a py’a, techaukaharãkuéra ndapejaposéitava23.
Ara upeiguápe, témplope, peikuaavéta pe yvy’ape jejapo’ypy rehegua, Adán ha Eva rekove ñeisambyhy rehegua ha, pe imba’eguasuvéva, ñande Salvador Jesucristogui.
Che hermano ha hermana pyahukuéra, mba’eichaitépa pohayhu, pomomba’eguasu ha roñembo’e penderehe. Aníke peheja pendereity umi yyytu’atãvai. Ko’ã ha’e pende ára penembarete hağua Ñandejára Jesucristo remimbo’eháicha24.
Tapemoĩ atãvéke pene pyendakuéra pende Salvador ita ári.
Pehayhuporãvéke Hekove ha umi Imbo’epy ijoja’ỹva.
Peseguíke Hechaukarã ha pekumpíke jesarekovépe Hembiapoukapykuéra ndive.
Pe’acepta porãvéke Imborauhy, Iporiahuvereko, Igrasia ha pe Ijexpiasiõ donkuéra imbaretetéva.”
Pejapóramo, apromete peẽme pehechataha mba’épa hína ha’e umi yvytu’atãvai: jeipy’ara’ã, tentasiõ, jehesaho térã mba’e hasýva penepytyvõtava pekakuaa hağua; ha peikóramo tekopotĩme año ha añore, amoañete peẽme umi mba’e pehasáva ohechauka jey jeýtaha peẽme Jesús ha’eha pe Cristo; pe ita espiritual pende py guýpe hatã ha oñemovã’ỹva; pe vy’áta Tupã penemoĩ haguére ko’ápe ha’e hağua parte pe ñembosako’i paharã Cristo jejujey gloriosope.
Ñande Salvador he’iva’ekue: “Ndopohejamo’aĩ tyre’ỹ; ajúta penerendápe”25. Kóa ha’e promesa Ha’e ojapóva peẽme; aikuaa pe Ipromesa añeteha; aikuaa Ha’e oikoveha. Jesucristo rérape. Amén.