Asɔr Sikasɛm Nhwehwɛmu Asoɛe Amandzɛɛbɔ, 2020
Dze ma Jesus Christ N’Asɔr a ɔwɔ hɔ ma Nda a Odzi Ekyir Ahotseweefo ne President a Odzi Kan na n’Apamfo
Enuanom Adɔfo: Dɛ mbrɛ wɔakyerɛw no wɔ Nkyerɛkyerɛ na Ahyɛmudzi ɔfã 120, na nyikyerɛ no kyerɛ no, Abaguafo Etsitsir a Wɔhwɛ Ebupɛn Du do no—nye Presidency a Odzi Kan, Asomafo Duebien no hɔn Quorum, nye Bishopfo Banodzifo na n’Apamfo no—na wɔma tum wɔ Asɔr fotow no nhweree ho. Asɔr n’afã horow no kyekyɛ hɔn fotow dɛ mbrɛ sikasɛm nhyehyɛɛ a wɔapen do, no ho ahyɛdze, nye no kwanpa no tse.
Asɔr Sikasɛm ho Nhwehwɛmu no wɔ edwumayɛfo a wɔwɔ abɔdzin na no nko gyina fi Asɔr asoɛe nkaa no nyina ho, na ɔwɔ asodzi dɛ fotow a wonyae, sika a wɔhweree, nye Asɔr egyapadze ho bambɔ no, ɔyɛ ho sikasɛm ho nhwehwɛmu ama ɔdze awerɛhyɛmu a ɔfata ada ho nsɛm no edzi.
Ɔnam nhwehwɛmu a wɔyɛe no do no, Asɔr Sikasɛm ho Nhwehwɛmu si no ngyinae dɛ, dza ohia tsitsir nyina mu no, fotow a wɔgyegyee, sika a wɔhweree, nye Asɔr egyapadze wɔ afe 2020 mu no, wɔakyerɛw na wɔahwɛ do dɛ mbrɛ Asɔr sikasɛm nhyehyɛɛ a wɔapen do na, nhyehyɛɛ, nye nkontaabu pa kwan tse no. Asɔr no dzi ntɔyɛɛ a ɔakyerɛ n’asɔrmba no do, dɛ wondzi hɔn sikasɛm nhyehyɛɛ do, wonkwetsir kaw na wonsie adze mma ahohia ber.
Mema no enyidzi mu ara,
Asɔr Sikasɛm Nhwehwɛmu Asoɛe
Jared B. Larson
Kwankyerɛfo