Páskua Historia Tuichavéva Araka’eve Oñemombe’úva
Pema’ẽ Mormón Kuatiañe’ẽ rehe tesape pyahúpe ha pehechami umi testimónio pypuku ome’ẽva Cristo oikovejey añetévagui.
Primera Presidencia Kárta Páskuape
Oiméne penemandu’a pehendúvo oñemoñe’ẽ Primera Presidencia-guigua kárta pende barrio térã rrámape. Upe kárta omomarandu Domingo upeiguápe—Domingo de Pascua—opa barrio ha rráma oñembyatytaha reunión Sacramental-pe g̃uarãnte, ojehejavévo tiempo ojeadora hag̃ua ogapýpe familia-háicha, ojegueromandu’a hag̃ua ko arete iñimpotantetéva.1
Primera Prisidencia kárta ohenói che atensiõ, ha ajepy’amongeta mba’éicha ore familia oromandu’áva Páskua heta áño aja. Apensavévo umi ore festéhore, añeporandu oiménepa rohechakuaa’ỹre romomba’e’ivehína ko arete he’ise añetéva, imba’eguasuetéva opa Jesucristo oroviávape g̃uarã.
Navida ha Páskua Tradisiõnguéra
Ko’ã pensamiénto chegueraha ajepy’amongeta pe joavy oĩvare mba’éicha romboaretéra’e Navida Páskuare ñakomparávo. Diciembre aja, rojuhúkuri mba’icha romoĩ oñondive umi “Kaskavel” jerovy’a, umi media Navidagua, ha umi jopói ambue tradisiõ omopensáva reheve—umi hasývare ñeñangarekóicha, ropurahéi ore navida purahéi ha himno rohayhuvéva, ha katuete umi escrituta jeabri ha romoñe’ẽ Navidagua historiaLucas 2-pe. Opaite ary romoñe’ẽvo ko historia porãite peteĩ Biblia guasu tujágui, ore familia ojapo umi pende familia oiméne ojapoháicha avei—rolia ore akãre ha ore ati’ýre toalla ha romoĩ orejehe ao puku romoha’anga hag̃ua José, María ha opa umi ouva’ekuépe otupãitũ mitãra’y Jesús-pe, rohechauka jey pe historia navideña hepyetéva Salvador nacimiento rehegua.
Upevére, ore Páskua jeselebra, iñambue jepi. Añandu ore familia ojeroviave “tupaópe jehóre” rome’ẽ hag̃ua páskua párte he’iséva ha oñesentráva Cristo-pe; ha upéi familia-háicha, roñembyaty rokomparti hag̃ua ambue Páskua tradisiõnguéra. Ahayhuetéva ama’ẽ ore mitãnguéra ha ko’ág̃a ore nieto-kuéra oheka umi Páskua rupi’a ha ojeporeka umi ikanásta ruguápe.
Ha katu Primera Presidencia kárta ha’ékuri japáy hag̃ua. Ndaha’éi ñaneinvitánteva hikuái maymáva jajeasegura hag̃ua ñande evénto iñimpotantéva araka’eve oikova’ekue ko yvy ári celebración-pe-—Jesucristo Expiasiõ ha Jeikovejey—toike pe rreverénsia ha rrespéto Ñandejára omereséva, ha katu ome’ẽ avei hikuái ñandéve jarekove tiempo ñane familia-kuéra ha angirũnguéra ndive Domingo de Páskuape.
Ko’ã proféta José Smith ñe’ẽ omoĩve contexto, umi evénto Páskuare ojeréva signifikádo: “Ñande rreligiõ prinsípio tuichavéva ningo umi Apóstol ha Proféta testimónio, Jesucristo rehegua, Ha’e omanohague, oñeñotỹ, ha opu’ã jeyhague mbohapyha árape, ha ojupi Yvágape; ha opa ambue mba’e ha’éva ñande rreligiõgua ha’e umi mbojoapy hesegua añónte.”2
Lesa ha che roñemongetáva mba’éicha ore familia ojapo porãvekuaa Páskua árape. Ikatu porandu jajapóva ha’e peteĩ opavave ikatúva ñaropensa: ¿Mba’éicha ñamodela Jesucristo Jeikovejey ñeromandu’a, pe Páskua historia, upe Jesucristo nacimiento, pe Navida historia peteĩchaguaite balance, plenitu, ha tradisiõ rreligiósa hepyetéva reheve?
Ha’ete opavave ñañeha’ãva hína. Ahecha peteĩ ñeha’ã okakuaa ohóvo Santokuéra Ára Pahapegua apytépe, peteĩ Cristo-pe oñesentravéva Páskua gotyo. Kóvape oike tuichave ha ojehechakuaavéva Domingo de Ramos ha Viernes Santo, ojapoháicha umi ñande primo cristiano. Ikatu avei jaadopta Cristo-pe oñesentravéva Páskua tradisiõ oĩporãva, oĩva opa mundo-gua tetã cultura ha practica-pe.
Erudito Nuevo Testamento-gua N. T. Wright he’iva’ekue: “Jahechava’erã mba’éicha ikatu jafesteha pe Páskua forma creatíva pyahúpe: arte, literatura, juegos infantiles, poesía, música, jeroky, festival, kampána, umi concierto especial-pe. … Kóva ha’e ñande festival tuichave. Eipe’a upe Navida, ha término bíblico-pe rehundi mokõi kapítulo Mateo ha Lucas ñepyrũ, upévante. Eipe’a Páskua, ha ndeguerekói pe Nuevo Testamento; ndereguerekói Cristianda”3
Páskua, Biblia, ha Mormón Kuatiañe’ẽ
Jahayhu pe Biblia opa mba’e ñanembo’évare Jesucristo nacimiento, ministério, ñemongurusu, ha Resurrección rehe. Ndaipóri mbohapy ñe’ẽ he’iporãvéva esperanza ha consecuencia eterna opa yvypórape g̃uarã peteĩ ánhel yvagagua he’iva’ekuégui Páskua pyharevépe Yvotyty Ñeñotỹháme: “Oikovejeýkuri” Jaaguyjete umi escritura Nuevo Testamento-peguáre oñongatúva Páskua historia ha Salvador Páskua ministerio Judea ha Galilea-pe.
Lesa ha che rojepy’amongeta meme ha roheka ambue forma rombotuichave ore Pascua celebración familiar, oñesentrave hag̃ua Cristo-pe, roñemongeta mba’e escritura tradisiõ ñemoñe’ẽ ikatu ropresenta ore famíliape—pe Lucas 2 ojojakuaa Páskuare, ojeipotáramo.
Ha upéi rorekókuri ko inspirasiõ yvagagua: Ha avei umi versíkulo iñimportánteva Páskua rehegua oĩva Nuevo Testamento-pe, ñande, Santokuéra Ára Pahapeguáramo, jaguereko peteĩ Páskua jopói ijojaha’ỹva! Peteĩ testimónio peteĩete jopói, ambue testamento Páskua milagro-gui orekóva, ikatu, umi escritura paskuapegua imba’eguasuvéva opa Cristianda-pe. Añe’ẽ ningo hína, Mormón Kuatiañe’ẽre, ha específicamente, Jesucristo jehechauka ñemombe’u umi oikóvape Múndo Pyahúpe, Iglória jeikovejeypyrépe.
Pe proféta José Smith he’iva’ekue pe Mormón Kuatiañe’ẽre “ojejapoha hekoitépe opaite ambue kuatiañe’ẽ oĩva yvy ape árigui,”5 ha oñepyrũvo 3 Nefi 11 reheve, omombe’u tembiasakue jojaha’ỹ Cristo oikovejeýva ovisitávo nefita-kuérape, pe Salvador Páskua ministerio. Ko’ã Páskua escritura, ome’ẽ testimonio Ñandejára Jesucristo Jeikovejeýgui.
Ko’ã kapítulope, Cristo ohenói umi dóse discípulo-kuérape, ombo’e ombo’ehaguéicha Isermón del Monte-pe, omomarandu Okumplimaha pe Moisés léi, ha oprofetisa Israel ñembyaty rehe umi ára pahápe. Haʼe omonguera umi hasýva ha iñemboʼe tavayguakuérare igloriosoitégui “ndaipóri kũ ikatúva heʼi, ni avave yvypóra ikatúva ohai, ni yvypóra korasõ ikatúva ojepyʼamongeta tuichaite ha hechapyrãitéva mbaʼe rohecha ha rohendu haguéicha Jesús oñeʼẽ; ha avave ndaikatúi ojepyʼamongeta vyʼapavẽre omyehyhẽva ore ánga rohendúvo chupe ojerureha orerehe Túvape.”6
Ko Páskua, ore familia oñesentráta umi 3 Nefi 11 17 vérso ñepyrũme, peẽ peikuaa porãva. Penemandu’a atyguasu témplo jerére Abundancia retãme ohenduva’ekue Tupã pe Túva ñe’ẽpu ha ohecha Jesucristo-pe oguejývo yvágagui oipyso hag̃ua Páskua invitasiõ porãite:
“Pepuʼã ha peju cherendápe, … peñandu hag̃ua klávo rendague che po ha che pýpe, peikuaa hag̃ua che haʼeha … opa yvypegua Tupã, ha ajejukahague yvóra angaipakuérare.
“Ha … pe atyguasugua oñemotenonde, … peteĩteĩ … ha ohecha hikuái hesápe ha oñandu ipópe, … ha omeʼẽ hikuái testimónio, haʼe haʼeha. …
“Ha … osapukái hikuái peteĩ ñeʼẽme, heʼívo:
“Hosanna! Ojehovasapyre Tupã Ijyvatevéva réra! Ha hoʼa hikuái Jesús py gotyo, ha otupãitũ chupe.”7
Peimo’ãmi: umi nefita Témplo Yvytýpe opoko añetehague pe Ñandejára oikovejeýva po rehe! Roha’arõ rojapo ko’ã 3 Nefi-gua kapítulogui ore Páskua tradisiõramo Lucas 2 ha’eháicha ore Navida tradisiõ. Añetehápe, Mormón Kuatiañe’ẽ okomparti Páskua historia tuichavéva araka’eve oñemombe’úva. Aníke ha’e tuichavéva Páskua rembiasakue araka’eve noñemombe’úiva.
Poinvita pema’ẽ hag̃ua Mormón Kuatiañe’ẽ rehe tesape pyahúpe ha pehechami umi testimónio pypuku ome’ẽva Cristo oikovejeýva añetégui, ha avei Cristo doctrina repykue ha pypykukuégui.
Mormón Kuatiañe’ẽ otestifika Jesucristo-gui
Ikatu ñaporandu, Mba’éicha Mormón Kuatiañe’ẽ jelee Páskuape ohovasa ñande rekove ha umi jahayhúva rekove isignifikativoveháicha? Oĩ heta ohechakuaáva. Opa ára ñamoñe’ẽ ha jastudiávo Mormón Kuatiañe’ẽgui, ikatu ñaha’arõ tuicha rresultádo.
Nda’aréi, Lesa ha che roho peteĩ ore angirũ rohayhúva velóriope, peteĩ kuña oñemombykýva hekove mba’asy rupi. Roñembyaty hogaygua ha angirũ ag̃ui ndive, rokompartívo momandu’a rory ko ánga porãitégui, ombohepyva’ekue ore rekove.
Namombyrýi añembo’y aja pe ataúgui, añemongetávo ambuekuérandi, ahecha mokõi Primaria eda mitãkuña’i oñemboja pe ataúre ohupívo ipy púnta—hesa apéna ohupyty pe hembe’y—ohechauka hag̃ua hikuái rrespéto paha itiá ohayhuetévare. Mavave ndaipórigui ag̃ui, Lesa oñemboja ha ojayvy ijypypekuéra oikuave’ẽ hag̃ua angapyhy ha mbo’epy. Oporandu mba’éicha oĩ hikuái ha oikuaápa hikuái moõpa itiakuéra oĩ ko’ág̃a. Okomparti hikuái ivy’a’ỹ, ha katu upéi ko’ã Tupã rajy porãite, jeroviapaite reheve hesápe, he’i oikuaaha hikuái itia ovy’aha ko’ág̃a ha ikatuha oĩ Jesús ndive.
Ko’ã ary kyrỹietépe, ojuhu hikuái py’aguapy upe plan guasu vy’apavẽ reheguápe ha, mitãháicha, otestifika Salvador Jeikovejey pypuku añete ha porãitégui. Oikuaákuri hikuái péva ikorasõme umi ituvakuéra opohayhúva, hogaygua, ha Primaria lider ñehekombo’e py’amongeta rupi, oñotỹva yva’a jerovia rehegua Jesucristo-re ha vida eterna-re. Iñarandúva ijeda mboypýri, ko’ã mitãkuña oikũmby’akue heta añetegua oúva ñandéve Páskua mensáhe rupi, ha Salvador oikovejeýva ministerio rupi, ha profetakuéra ñe’ẽgui oje’eháicha Mormón Kuatiañe’ẽme.
Ahecháva Presidente Presidente Russell M. Nelson ome’ẽ jopói Mormón Kuatiañe’ẽ peteĩ ndaha’éivape ñande fe rehegua, avei mundo-gua lider-pe, akói ojeréva 3 Nefi-pe ha omoñe’ẽ Cristo oikovejeýva jehechauka nefita-kuérape. Ojapóvo, pe proféta oikovéva añetehápe ome’ẽ hína testimónio pe Cristo oikovévagui.
Ndaikatúi ñañembo’y Jesucristo testigo-ramo, ikatu peve ñame’ẽ Chugui testimónio. Mormón Kuatiañe’ẽ ha’e ambue Jesucristo testígo umi hogue marangatu rupive, peteĩ proféta ambue proféta rire otestifikágui ndaha’éinte Cristo outaha, ha katu Ha’e ouhague.
Haʼe rupi
Areko hína che pópe peteĩ Mormón Kuatiañe’ẽ kópia edisiõ peteĩha. Ajapóvo akóinte chemopirĩ. Hetave che rekove kakuaápe, ahechapyrã, ahayhu ha amomorã mitãrusu José Smith ojapóva, ombohasa ha oguenohẽ hag̃ua kuatiañe’ẽ marangatu escritura rehegua. Umi milagro ojehútava hechapyrãkuri jahecha hag̃ua.
Ha katu ndaha’éi upévare ko aranduka chemopirĩva. Ko aranduka, oimeraẽ ambue araka’eve oñeguenohẽvagui ko yvy ári, ome’ẽ testimónio Jesucristo rekove, ministerio, mbo’epykuéra, Expiasiõ, Jeikovejeýgui. Che hermano ha hermana-kuéra pohayhúva, py’ỹi jestudia Jesucristo-gui ko kuatiañe’ẽme okambiáta pende rekove. Penderesape’áta posibilida pyahúpe. Ombotuichavéta pene esperánsa ha penerenyhẽta karidágui. Hetave ambue mbaʼégui, omongakuaa ha omombaretéta pende jerovia Cristo-re, ha pende rovasáta kuaapy añete reheve, Haʼe ha ñande Ru pendekuaa, penderayhu, ha oipota pejuhujey pende rape ógape, letra guasu O reheve.
Hermano ha hermana-kuéra pohayhuetéva, oúma ára, profetakuéra yma heʼitenondéva, “peteĩ Salvador-gui jeikuaa isarambitaha opa tetã, avaretã, ñeʼẽ ha tavayguakuéra apytépe.”8 Jahecha hína upe profesía ñekumpli ñande resa renondépe, pe testimonio oĩva Mormón Kuatiañe’ẽme Jesucristo-gui rupive.
Mbaʼeve kuatiañeʼẽ ojapove ochauka hag̃ua:
-
Jesucristo rupi, opa mbaʼe iñambueha.
-
Haʼe rupi, opa mbaʼe iporãveha.
-
Haʼe rupi, pe tekove ojegueropuʼaka—espcialmente umi ára hasýva.
-
Haʼe rupi, opa mbaʼe ikatukuaa.
Ivisíta Salvador oikovejéyvaramo, Túva Yvagagua opresentáva, haʼe igloriosovéva ha hechapyrãva Páskua mensáhe. Oipytyvõta ñande familia-kuérape ohupyty hag̃ua testimonio personal Jesucristo-gui, ñande Salvador de Redentor-ramo, ojoravaʼekue ñemano jejokuahakuéra.
Amohuʼã che testimónio Mormón Kuatiañeʼẽ añeteguágui ha Jesucristo-gui, pe Tupã oikovéva Raʼýramo. Jesucristo rérape, Amén.