![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fa9%2F02%2Fa9020b09238e412a97e3ff044a9a542f9f98783b%2Fa9020b09238e412a97e3ff044a9a542f9f98783b.jpeg/full/!250,/0/default)
Che apytu’ũ ojejagarra upe Jesucristo ñeñamindu’úre.
Pejesareko memévo ko Jesucristo ñeñamindu’úre, apromete peẽme ndaha’éi guía yvagapegua añónte, ha katu poder yvagapegua avei.
Ko Pascua époka porãitépe, ajapo éko ko himno mbarete ñembo’égui, “Jehová se nuestro guía”1
Peteĩ mombe’u porãite oĩva Mormón Kuatiañe’ẽme oñe’ẽ peteĩ karia’y oúva peteĩ familia oñemomba’eguasúvagui hérava Alma, Escrituras-pe oñe’ẽva hese he’ivo ha’ehague peteĩ kuimba’e ndogueroviáiva.2 Haʼe iñeʼẽkuaava’ekue ha oporokonvense, oipurúvo umi ñembojuruhe’ẽ okonvense hag̃ua ambuépe osegi hag̃ua chupe Oha’arõ’ỹre, peteĩ ángel ojehechauka Alma ha iñirũnguérape. Alma ho’a yvýpe, ikangypa, ha upévare ojegueraha chupe indefenso itúva rógape Opyta peteĩ estado de coma-pe mbohapy ára pukukue jave3 Upe rire, omyesakã, jepe ha’ete oĩ inconsciente umi ijerereguápe, iñakã oimẽ kuri activo, hi’ánga ohasa asy aja, oñamindu’úvo hekovére nokumplíri haguére umi Tupã tembiapoukapykuéra. Omyesakã mba’éichapa apytuʼũ “[ojejopy] opa [iñangaipakuéra] [ñemomanduʼáre]”4ha “[ojopy chupe] peteĩ jehasaʼasy opaveʼỹva”5
Idesesperación pypukúpe, imandu’a imitãrusu aja oñembo’e hague chupe “upe Jesucristo jeju rehe, pe Tupã Raʼy, oexpia hag̃ua yvóra angaipakuérare.”6 Upe rire, ojapo ko declaración oporokonvenséva: “Amoĩvo che apytuʼũ ko temiandúpe, ajerureʼasy che korasõme: O Jesús, Tupã Raʼy, cheporiahuverekóna.”7 Ojerurévo pe Salvador pu’aka divino, oiko peteĩ mba’e imilagósova: “Ajepyʼamongetávo pévare,”, he’i, “nachemanduʼavéima che jehasaʼasýre”.8 Sapy’aitépe oñandu py’aguapy ha tesape. “[Ndaipóri] mba’eve imbaretevéva ha he’ẽvéva ha’e haguéicha che vy’a”, 9 he’i ha’e.
Alma “ojejagarra” Jesucristo rehegua añetére. Oiméramo jaipuru umi ñe’ẽ “ojejagarra” en sentido físico, ikatu ja’e: “Ojejagarra pe barandilla-re rehe ho’a aja”, upéva he’ise oipyso hague mbaretépe ipo, ha oñenkarama peteĩ mba’e imbarete porãva peteĩ cimiento isegúrovare.
Alma kásope, iñakã ojeipyso ha ojejagarra ko mba’e añeteguáre ha’eva Jesucristo Sacrificio expiatório Oku’évo jerovia reheve upe añeteguáre, ha Tupã pu’aka ha grásia rupive, ojesalva desesperación-gui ha henyhẽ esperanza-gui
Jepe ñane rembiasakuéra ikatu ndaha’éi idramáticoitereíva Alma-icha, upéicharõ jepe ha’e eternamente significativo. Ñane apytu’ũ avei “ojejagarra ko temiandu” Jesucristo ha isacrificio poriahuvereko rehe, ha ñane ánga oñandu pe tesape ha vy’a oúva upe rire.
Ojeaseguravo pe temiandu Jesucristo-re
Che ñembo’e ko temporada de Pascua-pe ha’e ñamoldea, ñamombarete ha jaasegurave conscientemente ko pensamiento iñimportantevéva Jesucrístorehe ñane ánga-pe,10 jahejávo tosyry meme ha kyre’ỹme ñane akãme, ñande guia umi mba’e ñapensáva ha jajapóvape, ha oguerúvo pe vy’a he’ẽ asýva Salvador mborayhúgui.11
Ñamyenyhẽvo ñane apytu’ũ Jesucristo pu’akágui nde’iséi Ha’e ha’eha pe pensamiento añoite jaguerekóva Ha katu añetehápe opaite ñane pensamiento oimeha circunscrito Imborayhúpe, Hekove ha Imbo’epykuérape, ha isacrificio expiatorio ha igloriosa Resurrección-pe. Jesús araka’eve noiméi tesaráipe, tapiaite ñane pensamiento oĩgui Hese ha “opa mba’e oĩva ñadepype oadora Chupe!“12 Ñañembo’e ha japractika ñane akãme umi experiencia ñanemoaguĩ va’ekue Hese. Jaguerohory ñane akãme umi ta’anga divino, escritura sagráda ha himnos inspirados ñamohu’ũ hag̃ua mbeguekatúpe umi opa’ỹva pensamiento ára ha aragua ohasapya’éva ñane rekove hembiapoitáva. Ñane mborayhu Hese nañaneñangarekói ñembyasy ha mba’e’asýgui ko tekove terrenal-pe, ha katu oheja jahasa jeipy’ara’ã imbareteve ha tuichaitevéva ñandehegui.
Jesús, pe temiandu nderehe
Re’ẽ asýgui omyenyhẽ che py’a;
Ha katu mombyry he’ẽvéta ahechárõ nde rova
Ha ne renondépe apytu’u.13
Pene mandu’áke peẽ ha’eha Ñande Ru Yvága-gua ra’y/rajy marangatu. Apóstol Pablo omyesakãháicha, ñande haʼe “Tupã ñemoñare”.14 Peikovéma pende identidad personal reheve ymaite guive peju mboyve guive ko yvy ape ári. Ñande Ru ojapo’akue peteĩ plan perfecto peẽ jaju hag̃ua ko yvy’apére, ñañemoarandu hag̃ua ha jaha jey hag̃ua Hendápe Ha’e ombou Ita’ýra ohayhuetévape ko yvy ape ári ikatu hag̃ua, Ijexpiasiõ opave’ỹva ha Irresurrección pu’aka rupive, jaikove ñemano rire; ha ñaimévo dispuesto jajerovia hese ha ñañe’arrepenti ñande angaipakuéragui,15ñañeñyrõta ha jahupytýta esperanza tekove ijapyra’ỹva rehegua.16
Ñame’ẽvo ñane apytu’ũ ha espiritu-pe jesareko ijojaha’ỹva
Ko ñande rekove mortal-pe, ñane apytu’ũ ha ñande espíritu oikotevẽ peteĩ jesareko excepcional.17 Ñane apytu’ũ oheja jaikove, jaiporavo ha jaiporavokuaa iporãva ha ivaíva.18 Ñande espíritu ojapyhy testimonio omoañetéva Tupã ha’eha ñande Ru, Jesucristo ha’eha Tupã Ra’y, ha -Imbo’epykuéra ha’eha ñande guía jahupyty hag̃ua vy’apavẽ ko’ápe ha tekove ijapyra’ỹva ñemano rire.
Alma akã ojejagarra upe Jesucristo ñeñamindu’úre. Upéva omoambue hekove. Conferencia General niko peteĩ ára jaikuaa hag̃ua mba’épa Ñandejára oipota jajapo ha oiko nadehegui. Ha’e avei peteĩ ára jajepy’amongeta hag̃ua nande progreso-re. Che asignacion-kuéra chegueraha mundo jerére, ha ahecha tuichave pu’aka espiritual umi tupaogua miembrokuera hekojojáva ha idevótovape.
Ojapo cinco ary, ojejerure ñandéve ñame’evẽ hag̃ua importancia Salvador-pe opaite jajapóvape jaipurúvo pe téra añetegua Jesucristo Tupao Santokuéra Arapahapegua.19 Ja’e hína Héra fervor tuichave reheve.
Ojapo irundy ary, oñemombykývo ñane Reunión Sacramental tiempo, ñambokakuaave ñane enfóke pe Ñandejára Santa Cena jepartisipápe. Ñapensave hína Jesucristo-re ha ñane’añeteve ñane promesa-pe ñanemandu’ataha tapiaite Hese.20
Aislamiento pandemia mundial aja ha Eju, Chesegi pytyvõ reheve, Salvador mbo’epykuéra ojehecharamove ñande rógakuérape.
Jasegívo Presidente Russell M. Nelson konseho “Pehendu Chupe“21 ñarrefina hína ñande katupyry jahechakuaa haĝua Espiritu Santo ñe’ẽmbegue ha jahecha haĝua Ñandejára po ñande rekovépe.
Oñe’anuncia ha ojejapopávo decenas Templokuéra, py’ỹive jaike Ñandejára Rógape ha jahupyty ijehovasa oñeprometéva. Ñaĩme por naturaleza peteĩ je’a ñeimépe, ha ñaikotevẽ desesperadamente peteĩ Salvador ha Redentor.
Presidente Nelson he’i: “Ndaipóri mba’eve ndahasýiva ha osẽreínteva oiko hag̃ua ñandehegui [peteĩ] [discípulo] imbaretéva. Ñande ñama’ẽhatãva’erã salvación rembiapo ha Hi’evangeliore. Ha’e mentalmente riguroso ñañeha’ã ñamaña hese opaiteñeñamindu’upe.”22
Ñañesentrávo ñande jesareko Jesucristo rehe, opa mba’e ambuéva oĩva ñande jerére, jepe oĩ gueteri presente, ojehecháta ñande mborayhu Hese rupive. Umi distracción ndaha’éiva importante oñedesvanece ha ojei umi mba’e ndojoajúiva Hesape ha Icarácter rehe. Jajesarekóvo ko Jesucristo ñeñamindu’úre, jajeroviávo hese ha ñakumplívo Hembiapoukapykuéra, apromete peẽme pejehovasa ndaha’éi yvagagua guía reheve añónte, ha katu pu’aka yvagapegua reheve avei, pu’aka oguerúva mbarete pene konveniokuérape, py’aguapy pene jehasa’asýpe, ha vy’a pende jehovasakuérape.
Ñanemandu’ávo Jesucristo-re
Ojapo mbovymi semana, Kathy ha che, rovisita Matt ha Sarah Johnson róga. Ipared-kuérare oĩ peteĩ foto ifamilia rehegua, peteĩ ta’ãnga Salvador rehegua ha peteĩ ilustración templo rehegua.
Umi irundy tajýra, Maddy, Ruby, Claire ha June, vy’ápe oñe’ẽ mba’éichapa ohayhu isýpe.
Hetave peteĩ arýguima, Sarah ombosako’i jepi cita sábado-rã ifamiliakuéra ndive oho hag̃ua oñondivepa templo-pe ikatu hag̃uáicha umi mitãkuña oparticipa umi bautismo-pe umi pariente are oikovehague peg̃uarã.
Noviembre, ary ohasava’ekuépe, Sarah ojapo peteĩ cita familiar témplope diciembre semana paha peg̃uarã jueves-pe, sábado rangue. “Aha’arõ reime porã kóvandi”, he’i Matt-pe
Sara-pe oñediagnostiká kuri cáncer, ha katu umi doktór-kuéra heí kuri oikovetaha dos térã tres áñove. Peteĩ reunión sacramental aja, Sara okomparti’akue itestimonio, he’ívo taha’e ha’éva pe resultado chupe g̃uarã, ohayhuha Salvador-pe ikorasõite guive ha Ha’e “oganámahague pe victoria”. Ohasávo oho diciembre, Sarah oñepyrũ sapy’a hasy pya’eterei ha katu oñeinterna chupe hospital-pe. Peteĩ jueves 29 de diciembre pyharevépe, kirirĩháme omohu’ã hekove ko yvy ape ári. Matt oĩmekuri Sarah ykére pe pyhare pukukue jave.
Ikorasõ sorópe ha ikane’õitépe física ha emocionalmente, oguahẽ hógape ñembyasýpe itajyrakuéra ndive. Omañávo iteléfono rehe, Matt ohecha mandu’arã pe cita templo-pe g̃uarã jueves-rã Sarah oprogramava’ekue upe árape g̃uarã Matt he’i: “Ahechávo ñepyrurãme, ha’ekuri kóva ndoikomo’ãiha”.
Péina katu upéi Matt apytu’ũ ojejagarra ko ñeñamindu’úre: “Salvador oikove”. Ndaipóri tenda iporãvéva roimesevehápe familiaháicha ndaha’éiva Hóga marangatúpe.
Matt, Maddy, Ruby, Claire ha June og̃uahẽ templo-pe pe cita Sarah oprogramava’ekuépe chupekuéra g̃uarã. Tesay rehe hováre, Matt ojapo bautismo itajyrakuéra ndive. Oñandu hikuái profundamente imborayhu ha vínculo eterno Sara ndive, ha oñandu avei Salvador mborayhu ha py’aguapy tuichaitéva. Matt okomparti tiernamente: “Añandu ramo jepe hetaiterei ñembyasy ha py’arasy, asapukái vy’águi, aikuaávo che Ru plan de salvación hechapyrãva”.
Ko época de Pascua de Resurreción-pe, atestifika añetegua completo ha absoluto Salvador sacrificio expiatorio ijojaha’ỹvare, ha Igloriosa Resurrección rehegua. Pende apytu’ũ ojejagarra atavẽvo ha tapiaite peve ko ñeñamindu’úre, ha pesentrávo pende rekove Salvador rehe, apromete peñandutaha iñesperánsa, Ipy’aguapy ha Imborayhu. Jesucristo rérape, Amén.