Jerovia Cristo Doctrina rehe
Ñamopu’ã vove ñande róga peteĩ konveniogua relación Cristo ndive pyenda ári, ñande jajerovia Cristo doctrina rehe.
Che akãme, ahecha pe profeta Nefi itujámava ijescritorio-pe, umi pláncha de oro ojeipysóva henondépe, ipópe orekóva ohaiha.
Nefi omba’apókuri omohu’ã hag̃ua igrabádo paha pe registro-pe. Ha’e ohai, Ha ko’ág̃a, che joyke’ykuéra ahayhuetéva, ambopaha che ñe’ẽ.”1 Ha katu upe riremínte, pe Espíritu ojerure Nefi-pe ohojey hag̃ua iregistro-pe ha ohai peteĩ mensaje omohu’ãva. Espíritu Santo influencia ipu’akapáva guýpe, upe profeta guasu ojagarra jey ipópe ijestilo ha ohai, “Upévare, umi mba’e ahaiva’ekue iporãntema chéve, ndaha’éiramo mbovymi ñe’ẽ … ha’eva’erã Cristo doctrina-re.”2
Mba’eichaitépa ñame’ẽ aguije eternamente umi “mbovymi ñe’ẽre”3ha pe Espíritu okonvenséva Nefi-pe ohai hag̃ua umíva. Nefi tratado Cristo doctrina rehegua ha’e peteĩ tesoro umi oguerovy’ávape g̃uarã. Oguereko peteĩ visión Salvador bautismo4ha Ta’ýra ñe’ẽ rehegua oinvitáva opavavépe osegui haĝua Chupe5ha “ojapo umi mba’e [ja]hechava’ekue [Ha’e] ojapo.”6 Oguereko Nefi testimonio umi, jerovia rehe Cristo-re, añetehápe oñearrepentívo iñangaipakuéragui ha ohóvo Ñandejára ñande Salvador ndive oguejývo ñemongarai ýpe “oñeme’ẽta pe Espíritu Santo; heẽ, pe ñemongarai tatápe ha Espíritu Santo-pe.”7 Ore avei rohendu pe Túva ñe’ẽ ome’ẽva testimonio: “Heẽ, pe Che Ahayhúva ñe’ẽ añetegua ha jeroviaha. Pe oñehaʼãmbaitéva ipahaite peve, péva ojesalváta.”8
Presidente Russell M. Nelson omomba’eguasu pe importancia singular Cristo doctrina rehegua oñe’ẽ aja umi líder de misión oñehenói ramóvape: “Opa mba’égui, roipotave ore misionero-kuéra … oguereko pe Cristo doctrina ojegraváva ikorasõme —oñemohendáva ikaraku mbytépe.”9
Predicad mi Evangelio orresumi cinco elemento importante Cristo doctrina-gui. He’i, “[Ro]’invita ambue tapichápe ou hag̃ua Cristo rendápe roipytyvõvo chupekuéra orrecibi hag̃ua pe evangelio restaurado jerovia rupive Jesucristo ha Iñexpiasiõre, arrepentimiento, bautismo, orrecibívo pe Espíritu Santo don, ha oñehaʼãmbaitévo ipahaite peve.”10
¡Ha katu pe importancia orekóva Cristo doctrina ndaha’éi umi misionero-pe g̃uarãnte! Ha tuicha ipypukuve peteĩ repetición resumen-gui umi cinco elemento clave orekóvagui. Ha’e pe ley del evangelio. Ha’e pe tuicha plan tekove ijapyra’ỹvarã.
Hermano ha hermanakuéra, ja’aceptaséramo presidente Nelson invitación jaguereko hag̃ua Cristo doctrina oñemopyendavo ñane kangue médula-pe, ñambopypukuva’erã ñane konversiõ Ñandejárape estudio, ñembo’e, jeroviarekópe jeiko ha arrepentimiento meme rupive. Ñainvitava’erã Espíritu Santo-pe ogravávo Cristo doctrina umi “tabla so’óguigua [ñande] korasõme.”11 pypuku ha tapiaite peve Nefi ograva haguéicha umi pláncha de oro ári.
Octubre ohasava’ekuépe, presidente Nelson oporandu: “¿Mba’épa he’ise jegueropu’aka mundo?” Ambue mba’e apytépe ha’e he’i, “He’ise jajeroviavévo Cristo doctrina-re umi yvypóra filosofía rãnguére.”12
Pe ñe’ẽ jerovia oñembohekóva “peteĩ jeroviapy asegurado peteĩ tapicha térã mba’e reko, katupyry, mbarete térã añetegua rehe.”13 Upe máva ha’e Jesucristo, ha pe mba’e Idoctrina.
¿Mba’éichapa añetehapegua jeroviaCristo doctrina rehe omoambuéta ñande rekove?
Ñande jajeroviaramoCristo doctrina rehe, jajeroviava’erãmo’ã Cristo rehe jaiko hag̃ua opa iñe’ẽ rupive.14 Jajapóta peteĩ tekove pukukue estudio Jesucristo-gui,15 Iministerio, hekombo’ekuéra, ha Iñexpiasiõ ijapyra’ỹvagui, oikehápe Ijeikovejey glorióso. Ja’estudiava’erã Ipromesakuéra ha umi condición oñeme’ẽtahápe Ipromesakuéra.16 Jaestudiávo, ñanerenyhẽvéta tuicha mborayhúgui Ñandejárare.
Jajeroviárõ Cristo doctrina rehe, jahata ñande Ru Yvagaguápe ára ha ára ñembo’e mirĩ ha ñemíme, ikatutahápe ñame’ẽ Chupe aguije Ita’ýra don divínore ha opa ñande jehovasakuérare.17 Ñañembo’ekuaa jahupyty haĝua Espíritu Santo ñemoirũ rrevelador18ñambojoja haĝua ñane rembipota Hembipotáre 19 jajepy’amongeta haĝua ñane konveniokuérare ha ñambopyahu haĝua ñane compromiso ñañongatu haĝua umíva.20 Ñañembo’ekuaa ñasostene ha jahechauka haĜua mborayhu ñane profetakuéra vidente ha rreveladores rehe;21 ñañembo’ekuaa perdón pu’aka oporopurifikávare;22 ha ñañembo’ekuaa mbarete rehe jagueropu’aka haĝua jeipy’ara’ã.23 Poinvita pejapo haĝua ñembo’égui peteĩ priorida pende rekovépe, peñeha’ãvo ára ha ára pemehora hag̃ua pene comunicación Tupã ndive.
Ñande jajeroviáramo Cristo doctrina-re, ñamboykéta umi mba’e omimbipáva ko mundo-pegua ikatu hag̃uáicha ñahendu mundo-gua Redentor-pe.24 Ñalimitáta térã jaipe’áta tiempo ojeporúva medios sociales-pe; ñembosarái internet rehegua; vy’arã ojedespilfarra, hetaiterei térã naiporãiva; pe encanto ko mundo tesoro ha vanidad-kuéra rehegua; ha oimeraẽ ambue tembiapo ome’ẽva tenda umi tradición japu ha filosofía ojavýva yvypóra orekóvape. Jesucristo-pe añónte jahupyty añetegua ha realisasiõ hi’aréva.
Arrepentimiento sincero-gui 25 oikóta petei vy’apópe26 párte ñande rekovépe—mokõivéva ñañeperdona hag̃ua angaipa rehe ha ñañemoambue hag̃ua Cristo ra’ãngápe.27 Arrepentimiento jerovia reheve Jesucristo-re ome’ẽ ñandéve acceso Cristo expiasiõme. Presidente Dallin H. Oaks ombo’ékuri pe Salvador operdona vove, Ha’e “ndaha’éi [ñane]mopotĩnte angaipágui. Ha’e avei ome’ẽ ñandéve mbarete pyahu.”28 Peteĩteĩ ñande ñaikotevẽ mbarete ñañongatu haĝua Tupã mandamiento-kuéra ha ñakumpli haĝua ñande rekove eterno propósito.
Jesucristo ha Idoctrinape jajuhu pe mbarete. Haʼe heʼi, “Añetehápe, añetehápe, che haʼe peẽme, kóva haʼeha che doctrina ha umi ojogapóva upéva ári ojogapo che ita ári, ha umi añaretã rokẽ ndaipuʼakamoʼãi hesekuéra.”29
Jahecha umi promesa oñekumplívo umi tapicha hekojojáva rekovépe Ojapo más de un año rupi, arekohague privilegio aikuaávo Travis ha Kacie-pe. Omenda hikuái civilmente ary 2007-pe. Upe jave, Travis ndaha’éikuri miembro Tupaogua. Kacie, jepeve okakuaa peteĩ Santos de los Últimos Días óga actívovape, ojedesvia ijeroviágui imitãkuñaramo guare ha ojedesvia ijerovia rapégui.
Ary 2018-pe, Travis oikuaa umi misionero-pe ha ojebautisa 2019-pe. Travis-gui oiko misionero Kacie-pe g̃uarã, ha’e avei ohasa peteĩ conversión omoambuéva hekove. Ojesella hikuái templo-pe septiembre, 2020-pe. Haimete dos años ojebautisa rire, Travis oñehenói oservi hag̃ua obispado-pe.
Travis oreko peteĩ mbaʼasy ndahetáiva ha kontinuádo okakuaa tumor aty umi órgano interno-pe. Heta vece ojeopera chupe ojeipeʼa hag̃ua umi tumor okakuaáva jey jey, péro pe mbaʼasy ndaikatúiva oñepohano. Ojapo heta áño oje’e Travis-pe oguerekoha mbovyve 10 áñogui oikove hag̃ua.
Kacie oreko tesa mba’asy cronica , mba’asy genética ndahetáiva ha omoheñóiva tesa mbotyha mbeguakatúpe oiko peve pe ceguera completa.
Kacie oñe’ẽkuri chéve henonderã rehe. Ha’e oha’arõkuri pe momento, namombyrýiva, ha’etaha viuda, ohecha’ỹva, ndorekóiva apoyo financiero ha ojehejáta ha’eño omongakuaa hag̃ua irundy mitã okakuaáva ohóvo. Aporandu Kacie-pe mba’éichapa ikatu omaneja pe futuro ijetu’úva. Ha’e opukavy py’aguapýpe ha he’i: “Araka’eve ndavy’aitéiva ni ndarekóvéiva esperanza che rekovépe. Rojepytaso umi promesa rorresivivaʼekue témplope”.
Travis ha’e ko’ág̃a obispo. Ojapo dos mése ojejapo hague chupe ótro operasión tuicháva. Pero haʼe oreko optimismo ha pyʼaguapýpe. Kacie jehecha ivaive ohóvo. Koʼág̃a oreko peteĩ jagua gia ha ndaikatúi omaneha. Ha katu ha’e oĩ contenta, omongakuaávo imembykuérape ha oservívo consejera ramo Mujeres Jóvenes presidencia-pe.
Travis ha Kacie omopu’ãma hína hóga ita ári. Travis ha Kacie ojerovia Cristo doctrina ha pe Ñandejára promésare “okonsagrataha [ñande] jehasa’asy [ñande] ganancia rehehápe”30 Tupã plan perfecto-pe, jehasa’asy jerovia reheve Jesucristo-re oĩ ojoajuetévo ñañemoĩporãmba Cristo-pe rehe.31 Pe kuimba’e iñarandúvaicha pe parábola-pe omopu’ãva’ekue hóga peteĩ ita ári,32 oky jave, ha ou pe y, ha yvytu oipeju, ha oinupã pe óga Travis ha Kacie omopu’ãva’ekue, ndo’ái, oñemopyenda haguére peteĩ ita ári.33
Jesús noñe’ẽi pe posibilidad ama ha inundación ha yvytu ñande rekovépe; Oñe’ẽ pe añetehápe oñepyrũtaha pe tormenta. Pe variable oĩva parábola-pe ndaha’éi oútapa umi tormenta ha katu mba’éichapa ñambohováita iñinvitasiõ ñahendu ha jajapo haĝua umi Hekombo’ekuéra.34 Ndaipóri ambuéicha jaikove haĝua.
Ñamopu’ã vove ñande róga peteĩ relación konvénio Cristo ndive pyenda ári, ñande jajeroviaCristo doctrina rehe, ha jajúvo Hendápe, jareko Ipromésa tekove ijapyra’ỹvagui. Umi tapicha ojeroviáva Cristo doctrina rehe oho tenonde gotyo mbarete reheve Cristo-pe ha oñeha’ãmbaite ipahaite peve. Ndaipóri ambuéicha ikatuha jajesalva yvága rréinope.35
Aheja che testimonio personal Jesucristo oikovejeyva añeteguñgui. Atestifika Tupã ñande Ru ohayhueterei hague ko mundo-pe ha ombou Ita’ýrape ñanerredimi hag̃ua angaipágui36 ha ñanemonguera hag̃ua ñembyasýgui.37 Atestifika Ha’e ohenói hague peteĩ Tupã profeta ñane época-pe, jepe Presidente Presidente Russell M. Nelson, Oñe’ẽva rupive ha ñande guia.
Opa che korasõ reheve, poinvita pejerovia haĝua Cristo doctrina rehe, ha pejogapo haĝua pende rekove pe Redentor ita ári. Ha’e araka’eve ndofallamo’ãi peẽme. Jesucristo rérape, Amén.