![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F37%2F02%2F370250ef18a1ecc0a04c20ed21f71c487b1b7ae0%2F370250ef18a1ecc0a04c20ed21f71c487b1b7ae0.jpeg/full/!250,/0/default)
Ógape ñembyaty ñemo’ãme
Ñaime tenda peteĩtévape ñambyaty hag̃ua Israel, mokõi vélo ládogui, arakaʼeve guaréicha Túva plan guýpe.
Presidente Russell M. Nelson, ñande proféta ojehayhuetéva, he’i mbarete porãva’ekue ñande rresponsabilida peteĩete ha’eha, ñaipytyvõ hag̃ua toñembyaty Israel oñemosarambiva’ekue ha toñembosako’i pe múndo Jesucristo Jeju Mokõiharã.1 Pe ñande espíritu Ru oipota Ita’yrakuéra ógape oñembyaty ñemo’ãme.
Ñande Ru Yvagagua plan ñemo’ãme ombyaty hag̃ua Ita’yrakuéra ñande róga yvagaguápe, ndojevasái mundogua éxito-re, pe situasiõ ekonómika, pe educación, raza, ni género-re. Túva plan ojevasa tekojojáre, ñañongatúre Hembiapoukapykuéra ha jarresivíre umi ordenánsa marangatu ha ñamomorã umi konvénio jajapóva.2
Pe doctrina divinamente inspirada ñande ha’eha hermano ha hermana-kuéra ha “opavave peteĩchaha Tupã renondépe”, omopyenda ko tembiapo guasu ñembyaty rehegua. Ko doctrina ohoporã umi oipota añetévandi tapicha opáichagua situasiõ ekonómika ha rása toñandu oiko porãveha. Rojepopete ha rojoaju ko’ãichagua tembiapóre. Avei, roipota opa Tupã ra’ykuéra tou Hendápe ha tohupyty umi jehovasa ijapyra’ỹva Ha’e oikuave’ẽva Iñevanhélio rupive.3 Ñandejára prefásio Doctrina ha Konveniokuérape, Ha’e he’i, “Pehendu, tavayguakuéra mombyrygua; ha peẽ peiméva umi yguasu pa’ũme; oñondivepa pejapysaka.“4
Ahayhu Doctrina ha Konveniokuéra vérso peteĩháme oikeha umi tavaygua oikóva “yguasu pa’ũme”. Arekókuri mbohapy llamamiénto aservi ha aiko hag̃ua umi yguasu pa’ũme. Ñepyrũrã aservíkuri misionero imitãvaramo Islas Británicas-pe, segundo Autorida General Pyahúramo Islas Filipinas-pe, ha upéi Presidente de Área-ramo Islas Pacíficas-pe, oikehápe heta umi isla Polinesia-gua.
Ko’ã mbohapy área ombyatýkuri exitosamente umi ogueroviáva Jesucristo evanhélio rrestaurádo. Misionero-kuéra og̃uahẽ ypy Islas Británicas-pe 1837-pe. Kóva oikókuri peteĩ ary José Smith odedika rire Kirtland Témplo, Moisés ome’ẽ jeýrõguare “llavekuéra Israel ñembyaty rehegua umi irundy yvy rendágui, ha umi diez tribu jegueraha rehegua norte retã guive.”5 Islas Británicas-pegua éxito ñepyrũ hechapyrã. Ary 1851-pe, mita rasa Tupao miembro ha’ékuri konvérso oñemongaraipyre oikóva Islas británicas-pe.6
Ary 1961-pe, Elder Gordon B. Hinckley ovisitákuri ha omoñepyrũ umi tembiapo misional de tiempo completo Islas Filipinas-pe. Upérõ peteĩntekuri filipino orekóva Sacerdocio de Melquisedec. Ñemondyirã, ko árape hetave 850.000 Tupao miembro-kuéra Islas Filipinas-pe. Che ahayhu tavaygua filipino; oguereko hikuái mborayhu pypuku ha hi’aréva Salvador rehe.
Ikatu sa’ive ojeikuaa oho meméva esfuerzo misional umi Islas Polinesias-pe. Oñepyrũkuri 1844-pe, Addison Pratt og̃uahẽrõguare upe ko’ág̃a ha’éva Polinesia Francesa-pe.7 Heta polinesio-kuéra ogueroviáma umi familia eterna ha omboajéma Jesucristo-pe i-Salvador ramo. Ko ára, haimete 25 por ciento polinesio-kuéra, Islas Polinesias-pe, ha’e Tupao miembro.8
Peteĩ ára ahendúkuri kuñataĩ 17 áño orekóva, mombyry isla tahitiana-pe, ha’éva miembro sétima henerasiõgua. Ha’e omomba’eguasu iñemoñarekuéra 1845-pe oñekonvertiva’ekue, Tubuai-pe, mokõi ary Tupao miembro ypy og̃uahẽ mboyve Valle del Lago Salado-pe.9
Ñande doctrina hesakã oĩtaha peteĩ ára ha peteĩ aravo opa tavaygua omog̃uahẽ ha ombohovái hag̃ua pe evanhélio mensáhe. Ko’ã ehémplo ha’e peteĩ pártente peteĩ panorama tuichaitevévagui. Presidente Nelson hi’i jey meméva pe Israel ñembyaty ha’eha “tuichavéva“ desafio, … káusa, ha … tembiapo yvy arigua ko árape.”10
Jesucristo Tupao Ñemoĩjey peve, oikévape Mormón Kuatiañe’ẽ ñeguenohẽ, ha rrevelasiõ, ha sacerdocio llavekuéra oñeme’ẽva’ekue Proféta José Smith-pe, Israel ñembyaty rehegua ñeikũmby oñemboja’o ha pokãgueteri.11
Téra distintívo “Israel” ha’ékuri título oñeme’ẽva Jacob-pe.12 Oúkuri omoboha’anga Abraham ñemoñare, Isaac ha Jacob rupi. Ñepyrũmegua promésa ha konvénio Túva Abraham-pe, oĩva Abraham 2:9–10-pe, en parte péicha he’i:
“Ha Che ajapóta ndehegui peteĩ tetã tuicháva, …
“Ha ahovasáta [opa tetãnguéra] nde réra rupive; opavave omog̃uahẽva ko Evanhélio oñehenóitagui nde rérare; ha ojeipapáta hikuái ne ñemoñaréramo, ha opu’ãta ha nderovasáta hikuái ituvakuéraramo.”
Yvága konsílio aja jeikove upe mboyveguápe, oñeñomongeta ha oñesostenékuri pe plan de salvación. Orekókuri umi sacerdocio léi ha ordenánsa oñemoĩva’ekue múndo ojejapo mboyve, ha ojevasáva upe ñembyatýre.13 Oguereko avei pe prinsípio tekotevẽtéva sasõ jaiporavo hag̃ua.
Heta siglo rire, tavaygua ipu’akapávaramo, oikehápe Saul, David ha Salomón rreinadokuéra, Israel oñemboja’ókuri. Judá trívu ha párte Benjamín trívugui oikókuri Judá rréino. Upe hembyre, ijeikuaáva las diez tribus-ramo, oikókuri Israel rréino.14 Oiko rire separádo 200 ary puku, peteĩha Israel ñemosarambi oikókuri 721 Cristo mb., umi dié Israel trívu ojeguerahárõguare ñeñapytĩmby rréi Asírio rehe.15 Tenondeve ohókuri hikuái umi tetã norte-guápe.16
Ary 600 CMb Mormón Kuatiañe’ẽ ñepyrũme, Túva Lehi ogueraha peteĩ Israelita aty umi Amérikape. Lehi oikũmbyva’ekue Israel ñemosarambi, ha’e ha’évare párte. Nefi oñe’ẽ hese he’ívo Israel róga “oñembojojataha peteĩ olívo yvyramátare, hakã ojeipeʼátava ha oñemosarambi opaite yvy ape ári.”17
Upe ojeheróvape Múndo Pyahu, nefita ha lamanita-kuéra rembiasakue, oĩháicha Mormón Kuatiañeʼẽme, opákuri 400 CR. Túva Lehi ñemoñarekuéra isarambíkuri Amerikakuéra javeve.18
Kóva ojeʼe porã Mormón rupive 3 Nefi 5:20-pe, oñemoñeʼẽhápe: “Che haʼe Mormón, ha haʼe Lehi ñemoñare añete. Aguereko mbaʼérepa ahovasávo che Tupã ha che Salvador Jesucristo, oguenohẽgui ñande rukuérape Jerusalén retãgui.”19.
Hesãka Israel féchare ñemohenda rembiasakue púnto ijyvatevéva haʼeha Ñandejára ñande Salvador, Jesucristo nasimiénto, mensáhe, ministério ha misiõ.20
Salvador ñemano ha Jeikovejey omoambuéva eternida rire, mokõiha Judá ñemosarambi ojeikuaa porãva oikókuri ary 70 CR ha 135 CR paʼũme, Roma jejopy ha ñemuña rupi, hudiokuéra isarambivaʼekue upe ára ajeikuaáva mundopýre.
Presidente Nelson omboʼékuri, “Mormón Kuatiañeʼẽ osẽvaʼekue techaukáramo Ñandejára oñepyrũmaha ombyaty [umi] konveniogua taʼyrakuéra.”21 Upéicha, Mormón Kuatiañeʼẽ, oñembohasavaʼekue Proféta José Smith rupive, Tupã don ha pokatu rupi, ojedirihi umi Lehi ñemoñarépe, upe Israel ñemosarambipyrépe ha hentilkuéra ojeadoptavakuépe Israel trívure. Kapítuko ñepyrũ 1 Nefi 22-pe heʼi en párte, “Israel oñemosarambíta opa yvy ape ári—Gentil-kuéra omongakuaáta ha omboherekuáta Israel-pe evanhélio reheve ára pahápe.” Pe Mormón Kuatiañeʼẽ ñepyrũháme heʼi peteĩ upe kuatiañeʼẽ propósito haʼeha “oñekonvense hag̃ua Judio ha gentil-kuérape Jesús haʼeha pe Cristo.” Rrestaurasiõ ha Mormón Kuatiñeʼẽ reheve, upe ñeʼẽ “Israel ñembyaty” tuichaite okakuaave.22
Umi omboajéva Jesucristo ehanhélio, tahaʼe haʼéva ilináhe, oiko chugui Israel oñembyatýva párte.23 Upe ñembyaty ha hetaite témplo oñemopuʼãva ha oñeanunsiáva reheve, ñaime tenda peteĩtévape ñambyaty hag̃ua Israel, mokõi vélo ládogui, arakaʼeve guaréicha Túva plan guýpe.
Presidente Spencer W. Kimball, oneʼẽvo Israel ñembyaty literal-re, heʼivaʼekue: “Ko ára, Israel ñembyaty heʼise ojejoaju pe tupao añeteguáre ha … ojeikuaa pe Tupã añeteguávagui. … Oimeraʼẽva, upévare, omboajéva evanhélio ñemoĩmbyre, ha koʼág̃a otupãitũséva Ñandejárape, iñeʼẽ teépe ha Santokuéra ndive umi tetã haʼe oikohápe, okumplíkuri Israel ñembyty rehegua léi reheve, ha haʼe eredéro opa umi jehovasa oñeprometévare Santokuérape koʼã ára pahápe.”24
“Israel ñembyatýpe koʼág̃a oike konversiõ.”25
Oñemaʼẽvo lénte resakã rupi, Jesucristo Tupao Santokuéra Ára Pahapegua miembro-kuéra oguereko tuicha priviléhio, ohayhu, okomparti, oinvita ha oipytyvõ hag̃ua toñembyaty Israel ohupyty hag̃ua umi Ñandejára konvénio jehovasakuéra plenitu. Kóvape oike africano ha europeo-kuéra, umi sudamericano ha norteamericano, asiático, australiano ha umi oikóva pe yguasu paʼũ ári. “Añetehápe, Ñandejára ñe’ẽ oñeme’ẽgui opa yvypórape.”26 “Ko ñembyaty oho meméta umi hekojojáva oñembyaty peve umi sánto atykuérape múndo retãme.”27
Mavave noñe’ẽiva upe ñembyaty rehe Presidente Russell M. Nelson-cha: “Oimeraẽ ára pejapo vove oimeraẽ mba’e oipytyvõva oimeraẽvape—mokõive vélo ládope—ojapo hag̃ua peteĩ páso Tupã ndive Konvénio apo gotyo, ha omog̃uahẽ iñordenansakuéra ñemongarai ha témplo rehegua oñeikotevẽva, peipytyvõhína oñembyaty hag̃ua Israel. Ha péicha ningo hasy’ỹete.”28
Moõ oĩ Tupao ko árape? Umi 62 ary ohasa rire añepyrõguare aservi peteĩ misiõ 1960-pe, misionero-kuéra oservíva tiempo completo peteĩ proféta ñehenói guýpe, ojupi 7.683-gui 62.544-pe. Misiõnguéra número ojupi 58-gui 411-pe. Miembro-kuéra número ojupi 1 700 000-gui, haimete 17 000 000-pe.
Covid-19 pandémia opoko’imíkuri ñande oportunidáre ñakomparti hag̃ua evanhélio. Oguerúkuri avei experiencia ojeiporúvo tecnología pyahu, tuicha omehorátava pe ñembyaty. Roaguyje miembro ha misionero-kuéra ko’ág̃a ombotuicháva hína ñeha’ã ombyaty hag̃ua Israel sarambipyre. Jekakuaa oho meme opárupi, ko’ýte Sudamérica ha África-pe. Roguerohory avei hetaite múndo jerére ombohovái haguére Presidente Nelson invitasiõ ipu’akapáva hetave hag̃ua servicio misional. Upevére, ñane kompromíso jahayhu, ñakomparti, ha ñainvita hag̃ua tuicha ojeipysokuaave.
Peteĩ tekotevẽtéva párte ko ñeha’ã misional-pe ha’e, miembro-kuéra peteĩteĩ toiko ñandehegui peteĩ faro resape ehémplo29 jaiko jaikohápe.30 Ñande ndaikatúi ñañekamuflaja. Ñande ehémplo cristiano py’aporã, tekojoja, vy’apavẽ, ha mborayhu añetégui opa tekovekuérare, ikatu ogueru ndaha’éi peteĩ faro resa ehémplo ogiánteva chupekuéra, ha katu ñeikũmby, oĩha peteĩ puerto isegúrova Jesucristo avanhélio rrestaurádo ordenánsakuéra salvasiõ ha exaltasiõ reheguápe.
Peikuaamíke oĩha jehovasa tuichaite ñakompartívo Jesucristo evanhélio. Escritura-kuéra oñe’ẽ vy’a ha py’aguapýre, pekádo ñeperdona, tentasiõgui ñemo’ã, ha Tupã pokatu oporopytỹvovare.31 Ñama’ẽvo ko yvy arigua tekove mboypýri, ñaiméta preparádo ñakomparti hag̃ua pe evanhélio umi “oĩva ndive pytũmby ha angaipa poguy apytépe, pe omanova’ekue espíritu-kuéra múndo guasúpe.”32
Che ñembo’e ko araguaite ha’e opa mitã kuimba’e, mitã kuña, kuimba’e rusu, kuña imitãva, familia, kórum, Sociedad de Socorro ha cláse, jahechami jey mba’éichapa ñande peteĩteĩ ha oñondivepa ñamboaje pe konsého rechapyrãite ñaipytyvõ hag̃ua ñambyaty Israel, he’iva’ekue ñandéve Ñandejára ha ñande proféta jahayhuetéva.
Jarrespeta sãso ojeiporavo hag̃ua. Ko mundo secular-pe, oĩ heta nombovaimo’ãiva ha ndopartisipamo’ãiva Israel ñembyatýpe. Ha katu heta ojapótava, ha Ñandejára oha’arõ umi orresiviva’ekue Iñevanhélio pya’ete toñeha’ã ha’e hag̃ua peteĩ faro resape omimbíva, oipytyvõtava ambuekuérape ou hag̃ua Tupãme. Kóva ohejáta ñande hermano ha hermana-kuéra múndo jereregua toguerovy’a Jesucristo evanhélio rrestaurádo jehovasa ha ordenansakuéra ijyvatevéva, ha toñembyaty ógape ñemo’ãme.
Ame’ẽ che testimónio apostólico seguro ha añete Jesucristo divinidágui ha plan orekóvagui ñande Ru Yvagapegua ñandéve g̃uarã, Jesucristo rérape, amén.