Karakterístikanan di Felisidat
Konstruí riba e fundeshi di JesuCristo ta esensial pa nos felisidat.
Durante un buelo di negoshi diferente añanan pasá, mi a haña mi mes sintá banda di un hòmber di Hulanda. Mi tabata ansioso pa bishit’é debí ku mi a sirbi na Bèlgika i Hulanda komo un mishonero hóben.
Ora nos a sera konosí ku otro, e a duna mi su karchi di negoshi ku e título di trabou úniko di “profesor di felisidat.” Mi a komentá riba su asombroso profeshon i a puntr’é kiko un profesor di felisidat ta hasi. E a bisa ku e ta siña hende kon pa tin un bida felis pa medio di establesé relashonnan i metanan ku propósito. Mi a kontestá, “Esei ta maravioso, pero kiko lo pasa si bo por tambe siña kon e relashonnan ei por sigui despues di e kèlder i kontestá otro preguntanan di e alma, manera kiko ta e propósito di bida, kon nos por surpasá nos debilidatnan, i unda nos ta bai despues ku nos muri?” E a rekonosé ku e lo ta asombroso si nos lo tin kontesta na e preguntanan ei, i mi tabata komplasí pa kompartí kune ku nos tin nan.
Awe, ami ta deseá di ripití algun di e prinsipionan esensial pa berdadero felisidat ku ta parse di evitá hopi hende den e mundu konfuso aki, kaminda hopi kos ta interesante pero tiki ta berdadetamente importante.
Alma a siña e hendenan di su dia, “Pues he aquí, os digo que muchas cosas han de venir; y he aquí, hay una que es más importante que todaslas otras—pues he aquí, no está muy lejos el día en que el Redentor viva y venga entre su pueblo.”1
E deklarashon aki ta mes importante pa nos awe turesten nos ta antisipá i prepará pa e di Dos Benida di Cristo!
P’esei, mi promé opservashon ta ku edifiká riba e fundeshi di JesuCristo ta esensial pa nos felisidat. Esaki ta un fundeshi sigur, “un fundamento sobre el cual, si los hombres edifican, no caerán.”2 Hasiendo esaki ta prepará nos pa e desafionan di bida, kiko ku bini.
Hopi añanan pasá, mi a bai na un kampamentu di verano di Patfender ku nos yu hòmber Justin. Miéntras e aktividatnan a kuminsá, e a anunsio ku entusiasmo ku e i su amigunan tabata ke gana e ficha di mérito di tira ku flecha. Pa esaki, e muchanan mester a aprobá un prueba di skirbi kòrtiku i dal un ophetivo ku nan flecha.
Mi kurason a senk. Na e tempu ei, Justin tabata hopi frágil debí na fibrosis qkístika [taaislijmziekte] ,un malesa ku e tabata luchando kune for di su nasementu. Mi a puntra mi mes si e por a rèk e arko sufisiente patras pa manda e flecha na e ophetivo.
Ora e i su amigunan a bai pa e lès di tira ku flecha, mi a hasi orashon den silensio pa e no wòrdu humiá pa e eksperensia. Un par di ora ansioso despues, mi a mir’e biniendo na e kaminda na mi direkshon ku un smail grandi. “Tata!” el a sklamá. “Mi a haña e ficha di mérito! Mi a dal e nèt mei mei, e tabata riba e meta banda di mi, pero mi a dal e nèt mei mei!” El a ranka e arko patras ku tur su forsa i a laga e flecha bula, inkapas di kontrolá su trayektoria. Kon gradesido mi ta pa e instruktor di toro di flecha ku a komprondé, ku no a bisa nunka,”dispensa, ophetivo robes!” Mas bien, a wak e limitashonnan opvio di Justin i su esfuerso, e a kontesta ku amabilidat, “Bon trabou!”
Asina lo ta pa nos si nos hasi mas mihó pa sigui Cristo i Su profetanan apesar di nos limitashonnan. Si nos bini na djE pa medio di warda nos kombenionan i repentí di nos pikanan, nos lo por tende ku alegria e kòmplimènt di nos Salbador: “Bon hasí, bon i fiel siervo.”3
Mi ta kompartí mi testimonio di e divinidat di e Salbador di e mundu i Su amor redentor i poder pa sana, fortalesé, i hisa nos ora ta hasi nos esfuerso ku fervor pa bini na djE. New kontrali, no tin manera ku nos por move ku e multitut i tambe na Jesus. E Salbador a vense morto, malesa, i pika i a proveé un manera pa nos perfekshon final si nos sigui E ku tur nos kurasonnan.4
Mi di dos opservashon ta ku e ta krusial pa nos felisidat pa nos kòrda ku nos ta yunan di un Tata Selestial amoroso. Konosiendo i konfiando e realidat aki ta kambia tur kos.
Hopi añanan pasa, den un vuelo pa bai kas for di un asignashon di Iglesia, Hermana Sabin i ami a haña nos mes sintá direktamente patras di un hòmber hopi grandi ku tabata tin un kara grandi i rabiá tatuá patras di su kabes pelon tambe ku e number439
Ora nos a yega, mi a bisa, “Dispensa mi, mener. No ta nada si mi puntra e nifikashon di e number tatuá patras di bo kabes?” Mi no a riska di puntra tokante e kara rabiá,
El a bisa, “Esei ta ami. Esei ta ken mi ta. Mi ta doño di e teritorio ei: 219!”
Kuatershentitrintinuebe tabata e number aktual riba su kabes, i mi tabata sorprendí ku e tabata tin e robes ya ku esaki tabata asina importante p’e.
Mi a pensa kon tristu e tabata ku e hòmber aki su identidat i amor propio tabata basá riba un number asosiá ku un teritorio di un gèng. Mi a pensa den mi mes: E mener aki ku ta mustra tòf tabata un mucha chika di algun hende ku tambe tabata tin mester di sinti su mes balorá i na kas. Si e lo sa solamente ken realmente e tabata ta i na ken e tabata pertenesé, ya ku nos tur a wòrdu “kumprá ku un preis.”5
Tin un frase hopi sabio den un kantika for di e pelíkula The Prince of Egypt ku ta bisa, “Wak bo bida dor di e wowonan di shelu.”6 Ora e konosementu di nos linahe divino i potensial eterno ta sènk profundo den nos almanan, nos lo por wak bida manera un propósito, un aventura den desaroyo pa siña i krese, ounke “nos lo wak dor di glas, suku,” 7pa di un temporada kortiku.
E di tres karakterístika di felisidat ta di semper kòrda e balor di un alma. Nos ta hasi e mihó pa sigui e amonestashon di e Salbador: “Stima otronan, manera Mi a stima boso.”8
E tambe a siña, “Na tal grado ku boso a hasié na un di e mas chikí di mi rumannan, boso a hasié na ami.”9
E buki di Proverbionan sabiamente ta konsehá, “No laga di hasi bon na esnan ku meresé esaki, si ta den bo poder pa hasié.”10
Nunka nos lo arepentí di ta amabel di mas. Den Dios Su wowonan, amabilidat ta sinónimo di grandesa. Un parti di ta amabel ta di pordoná i no husga.
Hopi añanan pasa, nos famia hóben tabata pa bai wak un pelíkula pa nos anochi di hogar. Nos tur tabata de e vèn ménos un di nos yunan hòmber i mi kasá, Valerie. El a kuminsá bira skur pafó, i ora nos yu hòmber a habri e porta i a kore pa bai outo, e a skòp aksidentalmente algu ku e a pensa ku tabata nos pushi na e veranda. Lástimamente pa nos yu hòmber i mi kasá, kual tabata net patras di dje, no tabata nos pushi sino un zoriyo hopi infelis, ku a laga nan sa esaki! Nos tur a bai bèk na kas, kaminda nan dos a laba nan kabei ku djus di tomati, ku supuestamente tabata un remedi sigur pa eliminá e holó di zoriyo. Pa e ora ku nan a limpia nan mes i kambia nan pañanan, nos tur no tabata sensibel pa kualke holó, e ora ei nos a disidí ku nos tabata OK pa bai na e pelíkula despues di tur kos.
Ora nos tabata sintá patras di e sala, un pa un di e hendenan rònt di nos direpente a disidí di bai pafó pa kumpra pòpkòrn. Sinembargo ora nan a bin bèk, niun a regresá na nan lugá original.
Nos ta hari ora nos ta kòrda e eksperensia ei, pero kiko lo sosodé si tur nos pikanan lo tin un holó? Kiko lo sosodé si nos por hole desonestidat, envidia, òf orguyo? Ku nos mes debilidatnan revelá, nos lo spera di ta un tiki mas konsiderá i preokupá pa otronan i, di mesun manera, nan ku nos turesten nos ta hasi e kambionan nesesario den nos bidanan. Aktualmente mi ta stima e holó di tabako den iglesia, pasobra e ta indiká ku un hende ta purba di kambia. Nan mester nos brasanan di bon biní rònt di nan.
Presidente Russell M. Nelson a bisa sabiamente, “Un di e maneranan mas fásil pa identifiká un berdadero siguidódi JesuCristo ta ku kuantu kompashon e persona ei ta trata otronan.”11
Pablo a skibi na e Efesionan, “I sea kariñoso ku otro, miserikòrdioso, pordonando otro, meskos ku Dios den Cristo tambe a pordoná boso.”12
Komo disípulonan di JesuCristo, ta pidi di nos pa konfia Tata Selestial i nos Salbador i no purba di remplasá Nan. JesuCristo sa perfektamente e imperfekshonnan di tur hende i lo husga nan perfektamente.
Mi di kuater karakterístika di felisidat ta mantené un perspektiva eterno. Nos Tata su plan ta rèk te den eternidatnan; e ta fásil pa enfoká riba e aki i awor i lubidá e despues.
Mi a wòrdu siñá e lès aki di un manera poderoso un par di añanan pasa pa nos yu muhé di diesseis aña, Jennifer. E tabata kasi pa haña un transplante dòbel di pulmon, kaminda e sinku lóbulonan malu di su pulmonnan lo wòrdu saká kompletamente i lo wòrdu remplasá pa dos lóbulonan salú mas chikí, ku a wòrdu duná pa dos asombroso amigunan Cristian. E tabata un prosedura di rísiko haltu, sinembargo e anochi promé di su sirugia, Jennifer kasi a prediká na ami ku tur su 90 libèr (41 kg), bisando, “No preokupá, Tata! Mañan lo mi lanta ku pulmonnan nobo of lo mi lanta den un lugá mihó. Di kualke manera e lo ta magnífiko.” Esei ta fe; esei ta un perspektiva eterno! Wak bida for di un punto di bista eterno ta proveé klaridat, konsuelo, kurashi, i speransa.
Despues di e sirugia, ora e dia masha sperá a yega pa kita e pipa pa hala rosea i paga e ventiladó ku a yuda Jennifer hala rosea, nos a warda anshá pa wak si su lóbulonan mas chikí lo traha. Ora e a tuma su promé rosea, e a kuminsá yora mesora. Ora e a wak nos preokupashon, e a bisa lihé, “E ta hopi dushi pa hala rosea.”
Despues di e dia ei, mi a yama Tata Selestial danki dia i anochi pa mi abilidat di hala rosea. Nos ta rondoná pa innumerabel bendishonnan ku nos fásilmente laga nan pasa si nos no ta konsiente. New kontrali, ora bo no spera nada i tur kos ta apresiá, bida ta bira mágiko.
Presidente Nelson a bisa, “Kada mainta nobo ta un regalo di Dios. Asta e airu ku nos hala ta un fiansa amoroso di djE. E ta warda nos dia pa dia i ta sostené nos di un momentu pa otro. P’esei, nos promé akto di noblesa di mainta mester ta un humilde orashon di gratitut.”13
Esei ta hiba mi na mi di sinku i delaster opservashon, kual ta ku nunka lo bo ta mas felis ku bo ta gradesido.
Señor a deklará, “Y el que reciba todas las cosas con gratitud será glorificado.”14 Porta esaki ta pasobra gratitut ta e mama di un multitut di otro virtutnan.
Kon nos konsenshi lo kambia si kada mainta nos lo lanta so ku bendishonnan ku nos tabata gradesido pa nan e anochi promo. Faya den apresiá nos bendishonnan por resultá den un sentimentu di insatisfakshon, kual por hòrta nos e alegria i felisidat ku gratitut ta trese kune. Esnan de e edifisio grandi i espasioso ta tenta nos pa wak mas leu di e marka, pa di e manera aki pèrdè e marka kompletamente.
Realmente, e felisidat i bendishon di mas grandi di mortalidat lo wòrdu hañá den esnan ku a bira pa medio di e grasia di Dios ora nos ta hasi i warda konvenionan sagrado ku E. Nos Salbador lo shain i refiná nos pa medio di e méritonan di Su sakrifisio ekspiatorio i a bisa na esnan ku lo ke sigui E, “Nan lo ta di mi riba e dia ku Mi ta prepará Mi mes propiedat.”15
Mi ta primintí boso ku si nos traha nos bidanan riba e fundeshi de JesuCristo; duna balor na nos berdadero identidat komo yunan di Dios; kòrda e balor di un alma; mantené un perspektiva eterno; i apresiá ku agradesimentu tur nos bendishonnan, espesialmente e invitashon di Cristo di bini na Dje, nos por haña e berdadero felisidat turesten e aventura mortal aki. Bida lo sigui tin su desafionan, pero nos lo ta kapas di enfrentá nan kada un ku un mihó kara ku un sentido di propósito i pas pa medio di e berdatnan eterno ku nos ta komprondé i biba.
Mi ta kompartí mi testimonio di e realidat di Dios, nos Tata amoroso i Su Yu Stimá, Jesucristo. Mi tambe ta tèstifiká di profetanan bibiente, vidente i reveladónan. Ta un bendishon pa haña konseho di shelu pa medio di nan. Manera e Salbador mes a bisa, “Si ta pa mi stèm òf pa e stèm di mi sirbidónan, e ta mesun kos.”16 Den e nòmber sagrado di JesuCristo, amèn.