General Conference
Bèrdat Eterno
Konferensia General di òktober 2023
10:40

Bèrdat Eterno

Dor di Elder John C. Pingree Jr.

Di e Setenta

E nesesidat pa rekonosé e bèrdat nunka tabata mas importante.

Rumannan, danki pa boso deboshon na Dios e Tata i na Su Yu, JesuCristo, i danki pa bo amor i servisio na un i otro. Di bèrdat bo ta remarkabel

Introdukshon

Despues ku mi kasá i ami a risibí un yamamentu pa sirbi un lidernan mishon di tempu kompletu, nos famia a determiná pa siña tur nòmber di e mishoneronan promé nan yega na e kampo [misional] Nos a optené potrètnan, traha karchinan di flèsh, i a kuminsá studia [e] karanan i memorisá nòmbernan.

Ora nos a yega, nos a tene konferensianan di introdukshon ku e mishoneronan. Miéntras nos tabata sosialisando, mi a tende mi yu hòmber di nuebe aña:

“Plaser di konosé bo, Sam”

“Rachel, di unda bo ta bini?”

Waw, David, bo ta haltu!”

Alarmá, mi a mi a bai serka nos yu i a bis’é den su orea, “Hei, laga nos kòrda referí na e mishoneronan komo elder òf hermana.”

El a wak mi asombrá i a bisa, “Tata, m’a kere ku ta e intenshon pa nos memorisá nannòmber.” Nos yu a hasi loke el a pensa ku ta korekto basá riba su konosementu.

Awor, kiko ta loke ta nos konosementu di bèrdat den e mundu di awendia? Konstantemente nos ta wòrdu bombardiá ku opshonnan fuerte, informe ku prehuisio, i data inkompletu. Na e mesun tempu, e kantidat i fuente di e informashon aki ta kresiendo lihé. E nesesidat pa rekonosé e bèrdat nunka tabata mas importante.

Bèrdat ta krítiko pa nos pa establesé i fortalesé nos relashon ku Dios, haña pas i goso i logra nos potensial divino. Awe, laga nos konsiderá e siguiente preguntanan:

  • Kiko ta bèrdat, i dikon e ta importante?

  • Kon nos por haña e bèrdat?

  • Ora nos haña e bèrdat, kon nos por kompartié?

Bèrdad ta Eterno

Señor a siña nos den skritura, “Bèrdat ta konosementu di e kosnan manera nan ta, manera nan tabata, i manera nan ta bai bira.”{ (Doctrina y Convenios 93:24). E “no a wòrdu kreá ni trahá” (Doctrina y Convenios 93:29) i “no tin fin” (Doctrina y Convenios 88:66) 1 Bèrdat ta apsoluto, figo, i imutabel. Ku otro palabra bèrdat ta eterno.2

Bèrdat ta yuda evitá desepshon,3 diserní bon for di malu,4 risibí protekshon,5 i haña konsuelo i sanashon.6 Bèrdat por guia nos akshonnan, 7 hasi nos liber,8 santifiká nos,9 i kondusí nos na bida eterno.10

Dios ta Revelá Bèrdat Eterno

Dios ta revelá bèrdat eterno na nos pa medio di un ret di relashonnan reveladó inkluyendo Su mes, JesuCristo, e Spiritu Santu, profetanan, i nos. Laga nos diskutí e diferensia i tòg ròlnan ku ta interkonektá ku kada partisipante tin den e proseso aki.

Promé, Dios ta e fuente di tur bèrdat eterno.11 E i Su Yu, JesuCristo, 12 tin un konosementu perfekto di bèrdat i semper ta aktuá den harmonia ku prinsipionan i leinan bèrdadero.13 E poder aki ta pèrmitií Nan pa krea i goberná mundunan14 i tambe pa stima, i nutri kada un di nos perfektamente.15 Nan ke pa nos komprondé i apliká bèrdat p’asina nos por gosa di e bendishonnan ku Nan tin.16 Nan por kompartí bèrdat personalmente òf, mas tipikamente, pa medio di mensaheronan manera e Spiritu Santu, angelnan, òf profetanan bibu.

Di dos, e Spiritu Santu ta testifiká di tur bèrdat.17 E ta revelá bèrdatnan na nos direktamente i ta duna testimonio di bèrdatnan siñá pa otronan. Impreshonnan di e Spiritu Santu típikamente ta bin komo pensamentunan den nos mente i sentimentunan den nos kurason.18

Di tres, profetanan ta risibí bèrdat di Dios i ta kompartí e bèrdat ei ku nos.19 Nos ta siña e bèrdat di profetanan di pasado den e skrituranan20i di e profetanan bibu den konferensia general i dor otro kanalnan ofisial.

Finalmente, abo i ami tin un ròl krusial den e proseso aki. Dios ta spera di nos pa buska, rekonosé, i aktua riba bèrdat. Nos abilidat pa risibí i apliká bèrdat ta dependé di e forsa di nos relashon ku e Tata i e Yu, nos akseptashon di e influensia di e Spiritu Santu, i nos alinashon ku profetanan di e delaster dianan.

Nos mester kòrda ku Satanas ta traha pa alehá nos di bèrdat. E sa ku sin e bèrdat, nos no por logra bida eterno. E ta kose hilunan di bèrdat ku filosofia di mundu pa konfundí i distraí nos di loke ta wòrdu komuniká pa Dios.21

Buskando, Rekonosiendo, i Aplikando Bèrdatnan Eterno.

Ora nos ta buska bèrdat eterno, 22 e siguiente dos preguntanan por yuda nos rekonosé si un konsepto ta bin di Dios òf un otro fuente.

  • E konsepto siñá ta konsistente ku skritura i e profetanan bibu?

  • E konsepto ta wòrdu konfirmá pa Spiritu Santu.

Dios ta revelá bèrdatnan pa medio di profetanan, i e Spiritu Santu ta konfirmá e bèrdatnan ei na nos i ta yuda nos apliká nan.23 Nos mester buska i ta prepará pa risibí e impreshonnan spiritual aki ora nan bini.24 Nos ta mas reseptivo pa e testimonio di e Spiritu ora nos ta humilde,25 resa sinseramente i studia Dios su palabra,26 i warda Su mandamentunan.27

Asina e Spiritu Santu konfirmá un bèrdat spesífiko na nos, nos entendimentu ta profundisá miéntras nos ta pone e prinsípio ei den práktika. Despues di tempu, ora nos biba konsistentemente e prinsipio ei, nos ta atkerí konosementu sigur di e bèrdat ei.28

Por ehèmpel, mi a kometé eror i a sinti e remordimentu pa desishonnan robes. Pero dor di orashon, estudio, i fe den JesuCristo, mi a risibí testimonio di e prinsipio di arepentimentu.29 Ora mi kontinuá di arepentí, mi komprondementu di arepentimentu ta krese bira mas fuerte. Mi a sinti mi mas serka di Dios i Su Yu. Awor mi sa ku piká por wòrdu pordoná pa medio di JesuCristo, pasó mi a eksperensiá e bendishonnan di arepentimentu kada dia.30

Konfia Dios Ora Bèrdat Ainda No a Wòrdu Revelá

E ora ei, kiko nos mester hasi ora sinseramente nos ta buska bèrdat ku ainda no a wòrdu revelá ainda? Mi tin empatia di esnan di nos ku ta anhelá kontesta ku ta parse ku no ta bin.

Na Jose Smith, Señor a konsehá, “Guardes silencio hasta que yo considere propio dar a conocer … todas las cosas concernientes al asunto”(Doctrina y Convenios 10:37).

I na Emma Smith, El a spliká, “No murmures a causa de las cosas que no has visto, porque se han retenido de ti y del mundo para mi sabio propósito en un tiempo futuro.” (Doctrina y Convenios 25:4.).

Mi, tambe a buska kontestanan riba mi preguntanan profundo. Hopi kontesta a bin, i algun no.31 Miéntras ku nos ta wanta duru—konfiando den Dios Su sabiduria i amor, wardando Su mandamentunan, i konfiando riba lokesi nos sa—E ta yuda nos pa haña pas te ora E revelá e bèrdat di tur kos.32

Kompronde Doktrina i Polítika

Ora nos ta buska bèrdat, e ta yuda pa komprondé e diferensia entre doktrina i polítika Doktrina ta referí na bèrdatnan eterno, manera e naturalesa di e Deidat, e plan di salbashon, JesuCristo Su sakrifisio ekspiatorio. Polítika ta e aplikashon di doktrina basá riba sirkunstansia aktual. Polítika ta yuda nos pa atministrá e Iglesia di un manera ordená.

Miéntras ku doktrina nunka no ta kambia, e polítika ta keda ahustá de bes enkuando Señor ta obra dor di Su profetanan pa defendé Su doktrina i pa modifiká polítikanan di Iglesia di akuerdo ku e nesesidatnan di Su yunan.

Lástimamente, tin biaha nos ta konfundí polítika ku doktrina. Si nos no komprondé e diferensia, nos ta kore e rísiko di bira desilushoná ora polítika kambia,i astamkuminsá kuestioná Dios Su sabiduria òf e ròl di revelashon di profetanan.33

Siñando Bèrdat Eterno

Ora nos optené bèrdat di Dios, E ta enkurashá nos pa kompartí e konosementu ku otronan.34 Nos ta hasi esaki ora nos ta siña un klas, guia un mucha, òf papia riba bèrdatnan di evangelio ku un amigu.

Nos meta ta pa siña bèrdat di un manera ku ta invitá e poder pa kombertí di e Spiritu Santu35 Laga mi kompartí un seri di invitashon simpel di Señor i Su profetanan ku por yuda,36

  1. Sentrá riba Tata Selestial, JesuCristo, i Nan doktrina fundamental.37

  2. Keda firme den e skrituranan i enseñansanan di profetanan di e delaster dianan.38

  3. Konfia riba e doktrina establesé dor di diferente testigunan outorisá.39

  4. Evitá spekulashon, opinion personal, òf ideanan mundano.40

  5. Siña un punto di doktrina den e konteksto di e bèrdatnan di evangelio.41

  6. Usa método di enseñansa ku ta invitá e influnsia di e Spiritu.42

  7. Komuniká kla pa evitá falta di entendimentu43

Papiando Bèrdat ku Amor

Kon nos ta siña e bèrdat ku realmente ta importante? Pablo a enkurashá nos pa papia “e bèrdat den amor” (wak Efesionan 14-15). Bèrdat tin e mihó chèns pa bendishoná un otro ora e wòrdu komuniká ku amor manera di Cristo.44

Bèrdat siñá sin amor por kousá sentimentunan di ke husga, deskurashá, i soledat. Hopi biaha e ta kondusí na resentimentu i divishon—asta konflikto,. Di e otro banda, amor sin bèrdat ta bashí i tin falta di e kresementu primintí.

Tantu bèrdat i amor ta esensial pa nos desaroyo spiritual.45 Bèrdat ta proveé e doktrina, prinsipionan, i leinan nesesario pa logra bida eterno, miéntras amor ta engendrá e motivashon ku mester pa brasa i aktuá konforme loke ta bèrdat.

Mi ta pa semper gradesí na otronan ku [nan] pasenshi a siña mi bèrdatnan eterno ku amor.

Konklushon

Pa konkluí, laga mi kompartí bèrdatnan eterno ku a bira un anker pa mi alma. Mi a bin ta konosé di e bèrdatnan aki siguiendo e prinsipionan ku nos a papia awe di dje.

Mi sa ku Dios ta nos Tata Selestial.46 E ta omnisiente,47 todo poderoso48 i perfektamente amoroso.49 Ela a kreá un plan pa nos pa logra bida eterno i bira manera djE.50

Komo parti di Su plan, Ela a manda Su Yu, JesuCristo, pa yuda nos.51 Jesus a siña nos pa hasi e Tata Su boluntat52i pa stima un na otro.53 El a ekspiá pa nos piká54i a duna Su bida na e krus.55 El a lanta for di morto despues di tres dia.56 Pa medio di Cristo i Su grasia, nos lo wòrdu resusitá,57 nos por wòrdu perdoná,58 i nos por haña fortalesa den aflikshon.59

Durante Su ministerio terenal, Jesus a establesé Su Iglesia.60 Despues di tempu, e Iglesia a kambia, i bèrdatnan a bai pèrdí.61 JesuCristo a restorá Su Iglesia i e bèrdatnan di e evangelio dor e Profeta José Smith.62 I awe, Cristo ta kontinuá di guia Su Iglesia pa medio di Profetanan i apòstelnan bibu.63

Mi sa ku si nos bin na Cristo, nos por finalmente “ta perfekto den djE” (Moroni 10:32), optené “un plenitut di goso” (Doctrina y Convenios 93:33), i risibí “tur [kos] ku [e] Tata tin” (Doctrina y Convenios 84:38). Di e bèrdatnan eterno aki mi ta duna testimonio den e nòmber di JesuCristo, amèn.

Notanan

  1. Wak tambe Salmonan 117:2; Doctrina y Convenios 1:39..

  2. Kontrali na e dudanan di algun, di bèrdat tin kosnan manera bon i malu. Di bèrdat tinbèrdatnan apsoluto—bèrdat eterno. Un di e palganan di nos tempu ta ku poko hende sa unda pa buska e bèrdat.” (Russell M. Nelson, “Pure Truth, Pure Doctrine, and Pure Revelation,” Liahona, Nov. 2021, 6).

  3. Wak Jose Smith—Mateo 1:37.

  4. Wak Moroni 7:19.

  5. Wak 2 Nefii 1:9; Doctrina y Convenios 17:8.

  6. Wak Jakob 2:8.

  7. Wak Isaias 119:115; 2 Nefi 32:3.

  8. Wak Juan 8:32; Doctrina y Convenios 98:8.

  9. Wak Juan 17:17

  10. Wak 2 Nefi 31:20

  11. Wak Doctrina y Convenios 88:11-13; 93:36.

  12. Wak Juan 5:19–20; 7:16; 8:26; 18:37; Moises 1:6.

  13. Wak Alma 42:12–26; Doctrina y Convenios 88:41.

  14. Wak Moises 1:30–39.

  15. Wak 2 Nefi 26:24.

  16. Wak Doctrina y Convenios 82:8–9.

  17. Wak Juan 16:13Jakob 4:13Moroni 10:5Doctrina y Convenios 50:1475:1076:1291:4124:97

  18. Wak Doctrina y Convenios 6:22-23.8:2–3

  19. Wak Jeremias 1:5, 7; Amos 3:7; Mateo 28:16–20; Moroni 7:31; Doctrina y Convenios 1:38; 21:1–6; 43:1–7. Un profeta ta “un persona kende a wòrdu yamá pa i ta papia pa Dios. Komo mensahero di Dios, un profeta ta risibí mndamentunan, profesianan,i revelashonnan di Dios. Su responsabilidat ta pa hasi e konosí Dios Su noluntat i karakter berdadero na humnidat i pa mustra e nifikashon di Su atendementu ku nan. Un profeta ta denunsiá piká i ta predisí su konsekuensianan. E ta e predikador di rektitut. Tin biaha, profetanan por ta inspirá pa predisí e futuropa benefisio di humanidat. Su responsabilidat primordial ta pa duna testimonio di JesuCristo. E presidente E Iglesia di JesuCristo di e Santunan di e Delaster Dianan ta Dios Su profeta na mundu awendia. Miembronan di e e Promé Presidnesia i e Diesdos Apòstelnan ta wòrdu sostené komo profeta, vidente, i revelador” (Guide to the Scriptures, “Prophet,” Gospel Library). Ehèmpelnan di e prinsipionan aki ta wòrdu hañá den bida di Adam (waki Moses 6:51–62, Enoch (wak Moises 6:26–36, Noe (wak Moises 8:19, 23–24, Abraham (wakGenesis 12:1–3, Abraham 2:8–9), Moises (see , Eksodo 3:1–15; , Moises 1:1–6, 25–26, Pedro (wak Mateo 16:13–19, i Jose Smith (wak , Doctrina y Convenios 5:6–10; 20:2; 21:4–6

  20. Wak 2 Timoteo 3:16

  21. Wak Juan 8:44; 2 Nefi 2:18; Doctrina y Convenios 93:39; Moises 4:4.

  22. Wak 1 Nefi 10:19. Presidente Dallin H. Oaks a instruí: “Nos mester ta kouteloso ora nos ta buska [Dios Su] bèrat i skohe fuentenan pa e buskeda ei. Nos no mester konsiderá prominentenan sekular òf outoridat komo fuentenan kualifiká. … Ora nos ta buska e bèdat tokante religion, nos mester usa métodonan spiritual apropiá pa e buskeda ei: orashon, e testimonio di eSpiritu Santu, i estudio di skritura i e palabranan di profeta moderno” (“Truth and the Plan,” Liahona, nov 2018, 58)

  23. Elder Todd D. Christofferson a siña: “Apòstelnan i profetanan … ta deklará Dios Su palabra, pero adishonalmente , nos ta kere ku hende hòmbernan i muhénan generalmente i asta muchanan por siñ di i wòrdu gyuá pa inspirashon divino komo kontesta riba orashon i estudio di e skrituranan … Miembronan di e Iglesia di JesuCristo ta risibí e don di Spiritu Santu, ku ta fasilitá un komunikashon ku nan Tata Selestial. … Esaki no ta nisa ku tur miembro ta papia pa e Iglesia òf por definí su doktrina pero ku kada unu por risibí guia divino tratando ku e desafionan i oportunidatnan di su bida” (“The Doctrine of Christ,” Liahona, mei 2012, 89-90, nota 2).

  24. Wak 2 Nefi 33:1–2.

  25. Wak Doctrina y Convenios 1:28.

  26. Wak Moroni 10:3–5; Doctrina y Convenios 9:7–9.; 84:85.

  27. Wak Doctrina y Convenios 5:35; 63:23; 93:27–28. No opstante nos esfuersonan sinsero, algu di nos por ta lucha pa sinti e Spiritu dor di desafionan di salu mental. Depreshon, ansiedat, i otro kondishonnan neurológiko por añadí kompleksidat pa rekonosé e Spiritu Santu. Den kasonan asina, Señor ta invitá nos pa sigui biba e evangelio,i E lo bendishoná nos (wak Mosia 2:41). Nos por wak pa aktividatnan adishonal—manera skucha músika sagrado, enbolbí nos mes den servisio, òf pasa tempu den naturalesa—ku ta yuda nos sinti e frutanan di e Spiritu (wak Galatanan 5:22-23) i fortalesé nos konekshon ku Dios.

    Elder Jeffrey R. Holland a ekspresá: “Awor kon ta e mihó manera pa kontestá ora desafionan mental òf emoshonal ta bin pa bo òf esnan ku bo stima? Riba tur kos, nunka pèrdè fe den bo Tata Selestial, Kende ta stima bo mas ku bo por komprondé. … Fielmente buska e práktikanan deboshonal ku a sobrebibí tempu, ku ta trese e Spiritu di Señor den bo bida. Buska e konseho di esnan ku tin e yabinan pa bo bienestar spiritul. Pidi pa i apresiá e bendishonnan di saserdosio. Tuma e santa sena tur siman, i tene duru na e promesanan ku ta perfekshoná di e Ekspiashon di JesuCristo. Kere den milagernan. Mi a mira asina tantu di nan bini ora tur otro tipo di indikashon tabata bisa ku a pèrdè speransa Speransa nunka ta pèrdí” (“Like a Broken Vessel,” Liahona, Nov. 2013, 40–41).

  28. Wak Juan 7:17; Alma 32:26–34. Al final, Dios ta deseá pa nos logra bèrdat “liña pa liña, presepto pa presepto,” te ora nos ta komprondé tur kos (wak Proverbionan 28:5; 2 Nefi 28:30; Doctrina y Convenios 88:67.; 93:28).

  29. Wak 1 Juan 1:9–102:1–2

  30. Presidente Russell M. Nelson a splika: “Nada ta liberá mas, ta mas noble, òf mas krusial pa nos progreso individual ku e enfoke regular, diario riba arepentimentu. Arepentimentu no ta un suseso; e ta un proseso. E ta e yabi pa felisidat i pas mental. Ora kombin’é ku fe, arepentimentu ta habri nos akseso na e poder di e Ekspiashon di JesuCristo.” (“We Can Do Better and Be BetterLiahona, mei 2019, 67).

  31. Mi no sa tur e motibunan ku Dios ta retené algun bèrdat eterno pa nos, pero Elder Orson F. Whitney a proveé un lus interesante: “Ta bendishoná pa kere sin mira, ya ku dor di ehersé e fe ta bin desaroyo spiritual, un di e ophetivonan di hende su eksistensia terenal: ku e dearoyo ei.kaminda konosementu, do di guli fe, ta prevení pa e wòrdu ehersé, kermen strobando ‘Konosementu ta poder;’ i tur kos lo wòrdu divulgá na su debido tempu. Pero konosementu prematuro—sa e kosnan na e momento robes—ta ftal tantu pa e progreso komo p felisidat” (“The Divinity of Jesus Christ,” Improvement Era, Jan. 1926, 222; wak tambe Liahona, Dec. 2003, 14–15).

  32. Wak Doctrina y Convenios 76:5–10. Señor a konsehá Hyrum Smith pa “no buska pa deklará mi palabra, pero buska pa optené mi palabra. … Wanta [i] studia mi palabra” (Doctrina y Convenios 11:21–22). E profeta Alma ta proveé un ehèmpel pa atendé preguntanan sin kontest: “Y todavía no me han sido revelados plenamente estos misterios; por tanto, me refrenaré.” (Alma 37:11). Tambe el a splika na su yu Corianton, ku “tin hopi misterionan wardá, ku ningun hende aparte di Dios mes, sa di nan.” (Alma 40:3). Tambe mi a haña fortalesa die kontesta di Nefi ora el a hañ’é ku a present’é un pregunta ku e no por a kontestá: “Sé que ama a sus hijos; sin embargo, no sé el significado de todas las cosas” (1 Nefi 11:17).

  33. Di mes manera, tradishonnan kultural no ta doktrina ni politika. Nan por ta útil si nan yuda nos sigui doktrina ipolítika, pero nan por tambe impedí nos kresementu spiritual si nan no ta basáriba prinsipionan berdadero. Nos mester evotá tradishonnan ku no ta edifikános fe den JesuCristo òff yuda nos progresá pa bida eterno.

  34. Wak Doctrina y Convenios 15:5; 88:77-78.

  35. Wak Doctrina y Convenios 132:21–23.

  36. Adaptá for di e dokumento “Principles for Ensuring Doctrinal Purity,” aprobápa e Promé Presidensia i e Quorum di e Diesdos Apòstelnan tden feb 2023.

  37. Wak 1 Nefi 15:14. Señor a indiká Su siervonan pa evitá di enfoká riba dogmanan i konseptonan, ku no ta sentral pa Su evangelio: “Y de dogmas no hablaras, sino quw declararas el arrepentimiento y la fe en el Salvador, y laremisión de pecados por el bautismo y por el Espiritu Santo” (Doctrina y Conveniots 19:31).

    Elder Neil L. Andersen a splika: “laga nos enfoká riba e Salbador JesuCristo i e don di Su sakrifisio ekspiatorio. Esaki no ta nifiká ku nos no por konta un eksperensia di nos propio bida òf kompartí un pensamentu ku otronan. Miéntras ku nos tópiko ta di famianan òf servisio òf tèmpelnan òf un mishon resien, tur kos … mester mustra riba Señor JesuCristo.” (“We Talk of Christ,” Liahona, Nov. 2020, 89–90).

  38. Wak Doctrina y Convenios 28:2–3. E profeta Alma a amonestá esnan asigná pa prediká e evangelio pa nan no siña nada ku no ta e kosnan ku el a siña, i ku a wòrdu bisá pa e boka di e profetanan santu” (Mosia 18:19).

    Presidente Henry B. Eyring a deklará,“Nos mester siña e doktrinan fundamental di e Iglesia manera e ta den e bukinan kanóniko i e enseñansanan di e profetanan, kende nan responsabilidat e ta pa deklará doktrina” (“The Lord Will Multiply the Harvest” [evening with a General Authority, Feb. 6, 1998], in Teaching Seminary: Preservice Readings [2004], 96).

    Elder D. Todd Christifferson a testifiká ku “Den e Iglesia awendia, meskos ku den e tempu di antaño, establesiendo e doktrina di Cristo òf koregiwndo e desviashon doktrinal ta un asuntu di revelashon divino pa esna ku Señor a investí ku outoridat apostóliko” (“The Doctrine of Christ86).

  39. Wak 2 Korintionan 13:1; 2 Nefi 11:3; Eter 5:4; Doctrina y Convenios 6:28. Elder Neil L. Andersen a opservá: Algun ta kuestioná nan fe ora nan haña un deklarashon hasí pa un lider di Iglesia hopi dekada pasá ku ta parse inkonsistente ku nos doktrina. Tin un prinsipio importante ku ta goberná e doktrina di e Iglesia. E doktrina ta wòrdu siñá dor di tur 15 miembro di e Promé Presidensia i Quorun di Diesdos. E no ta skondé den un párafo skur di un diskurso. Prinsipio berdadero ta wòrdu siñá frekuentemente i pa hopi. Nos doktrina no ta difísil pa haña” (“Trial of Your Faith,” Liahona, Nov. 2012, 41).

    Elder Christofferson di manera similar a siñá: “mester kòrda ku no kada deklarashon hasí pa e lidernan di Iglesia, den pasado o presente, nesesariamwente ta trata di doktrina. Ta generalmente aseptá den Iglesia ku un deklarashon hasí pa un lider na un okashon hopi biaha ta representá un opinion personal, bon pensá no intenshoná pa ta ofisial òf ku ta mara hinter e Iglesia” (”The Doctrine of Christ,” 88).

  40. Wak 3 Nefi 11:32, 40. Presidente Gorson B. Hinckley a bisa: “Mi a yega di papia mas biaha tokante e importansia di warda e doktrina di e Iglesia puru. … Esaki ta preokupá mi. Kambionan chikitu den enseñansa doktrinal por kondusí na falsedat grandi i maligno” (Teachings of Gordon B. Hinckley1(997], 620).

    Presidente Dallin H. Oaks a atvertí ku tin algun “ku ta skohe algun frase die e enseñansa di un profeta i usa esakinan pa sostené nan agenda politiko òf otro propósito personal. … Pa kwis e palabranan di un profeta pa sostené un agenda prvá, politiko òf finansiero òf otro manera ta trata diPresidente Russell M. Nelson manipulá e profeta, dordi no sigui e” (“Our Strengths Can Become Our Downfall” [Brigham Young University fireside, June 7, 1992], 7, speeches.byu.edu).

    Presidnete Henry B, Eyring a atvertí: “Doktrina ta logra su poder ora e Spiritu Santu konfirmá ku e ta bèrdat. Pasó nos mester e Spiritu Santu, nos mester ta kouteloso i kuidadoso pa no bai mas leu ku siñ doktrina berdadero. E Spiritu Santu ta e Spiritu di Bèrat. Su konfirmashon ta wòrdu invitá ora nos eitá spekulashon òf inter[retashon personal. Esei por ta difísilpa hasi. … Ta hopi tentadó [a purba algu nobo òf sensashonal. Pero nos ta invitá e Spiritu Santu komo nos kompañero ora nos ta kouteloso pa siña solamente doktrina berdadero. Un di e maneranan mas sigu pa evitá asta yeg serka didoktrina falsi ta pa skohe pa a simpel den nos enseñansa. Seguridat ta wòrdu lográ dor di e simplesidat ei, i poko ta wòrdu oèrdí” (“The Power of Teaching Doctrine,” Liahona, yul 1999, 86).

    Elder Dale G. Rendund a siña, “Buska a mas komprondementu ta un parti importante di nos desaroyo spiritual, pero por fabor tene kuidou. Rason no por remplasá revelashon. Spekulashon lo no hiba na konosementuh spiritu grandi, pero e por hiba na desepshon òf kita nos enfoke for di lokual a wòrdu revelá” (“Your Divine Nature and Eternal Destiny,” Liahona, mei 2022, 70).

  41. Wak Mateo 22:23. Presidente José Smith a atvertí: “ta hopi insesato pa tuma un fragnebto di bèrdat i trata esaki komo si fuera henter e kos. … Tur e prinsipionan revelá di e evangelio di Cristu ta nesesariamente i esensialden e plan di salbashon. E ta sigui splika: “E no ya un bon polítika ni dolktrina solido pa tuma kualke parti di esakinan, aislá esai for di e plan totl di bèrdat di evangelio, hasié un pasatempu, i depende di dje pa nos salbashon i progreso. … Nan tur ta nesesario” (Gospel Doctrine, 5th ed. [1939], 122).

    Elder Neol A. Maxwell a splika: “E prinsipionan di evangelio … ta referí sinkronisashon. Ora hala nan for di otro òf aislá [nan], hende su interpretashonnan i implementashon di e doktrinanan por ta lokura. Amor, si no pasa e chèk di e di shete mandamentu, por bira karnal. E di sinku mandamentu ku grasia ta enfatisá riba honrá bo mayornan, a ménos ku el a pasa e chèk di e promé mandamentu, por resultá den un loyalidat inkondishonal pa adorá mayornan na lugá di Dios. … Asta pasenshi ta balansá ’rekobrá ku firmesa, ora mové pa e Spiritu Santu’ [Doctrine and Covenants 121:43]” (“Behold, the Enemy Is Combined,” Ensign, mei 1993, 78–79).

    Presidente Marion G. Romney a instruí, “Buskando [ di e skritura] pa e propósito di diskubrí loke nan ta siñando manera Jesus a manda ta ungritu leu di yag dor di anan ku e propósito pa haña pasashinan ku por wòrdu primí den servisio pa sostené un konklushon predeterminá” (“Records of Great WorthEnsignSept. 1980, 3).

  42. Wak 1 Korintionan 2:4; Moroni 6:9. Elder Jeffrey R. Holland a enfatisá e nesesidat pa komuniká e evangelio di JesuCristo di un manera ku ta kondusí na edifikashon spiritual dor di e poder di e Spiritu Santu. “Señor nunka no a duna mas konseho enfátiko na e Iglesia ku nos mester siña e evangelio ‘dor di e Spiritu asta e Konsoladó ku a wòrdu mandá pa siña e bèrdat. ’ Nos ta siña e evangelio dor di e Spiritu di Bèrdat. El a pidi. Òf nos ta ta siña esaki ‘di un otro manera? I si e ta di un otro manera,’ E ta atvertí, ‘e no ta di Dios’’ [Doctrine and Covenants 50:14, 17–18]. … Ningun enseñansa eterno por tuma lugá sin wòrdu vivifiká pa e Spiritu di shelu … Esei ta loke nos miembronan realmente ke. … Nan ke nan fe fortifiká i nan speransa renobá. Nan ke, den korto, pa wòrdu nutrí pa e bon palabra di Dios, pa wòrdu fortalesé pa e poder di shelu” (“A Teacher Come from God,” Ensign, mei 1998, 26).

  43. Wak Alma 13:23 Papiando di nos Tata Selestial. Presidente Russell M. Nelson a tèstifiká, “E ta komuniká simpel, ketu, i ku klaridat asina sorprendente ku nos no por komprondé E robes” (“Hear Him,” Liahona, nei 2020, 89).

  44. Wak Salmonan 26:3Romanonan 13:101 Korintionan 13:1–81 Juan 3:18

  45. Wak Salmonan 40:11

  46. Wak Romanonan 8:16

  47. Wak 1 Samuel 2:3; Mateo 6:8; 2 Nefi 2:24; 9:20.

  48. Wak Génesis 17:1; Yeremias 32:17; 1 Nefi 7:12; Alma 26:35.

  49. Wak Yeremias 31:3; 1 Juan 4:7–10; Alma 26:37.

  50. Wak 2 Nefi 9; Doctrina y Convenios 20:17-31; Moises 6:52–62.

  51. Wak Juan 3:16; 1 Juan 4:9–10.

  52. Wak Juan 8:29; 3 Nefi 27:13.

  53. Wak Juan 15:12; 1 Juan 3:11.

  54. Wak Lukas 22:39–46.

  55. Wak Juan 19:16–30.

  56. Wak Juan 20:1–18.

  57. Wak 1 Korintionan 15:20–22; Mosia 15:20–24; 16:7–9; Doctrina y Convenios 76:16-17.

  58. Wak Echonans 11:17–18; 1 Timoteo 1:14–16; Alma 34:8–10; Moroni 6:2–3, 8; Doctrina y Convenios 19:13–19.

  59. Wak Mateo 11:28–30; 2 Korintionan 12:7–10; Filipensenan 4:13; Alma 26:11–13.

  60. Wak Mateo 16:18–19; Efesionan 2:20.

  61. Wak Mateo 24:24; Echonan20:28–30.

  62. Wak Doctrina y Convenios 20:1–4; 21:1–7; 27:12; 110; 135:3; Jose Smith—Historia 1:1–20.

  63. Wak Doctrina y Convenios 1:14, 38; 43:1–7; 107:91–92.