Ta Siguidó Pasífiko di Cristo
Mi ta tèstifiká ku “siguidónan pasífiko di Cristo” lo haña pas den e bida aki i un reunion selestial glorioso.
Nos ta biba den un tempu kaminda “siguidónan pasífiko di Cristo”1ta eksperensiá desafionan úniko. Esnan ku ta kere den, adorá humildemente, i tèstifiká di JesuCristo semper a eksperensiá desafionan, tribulashon, i atversidat.2 Mi kasá, Mary, i ami no ta diferente. Den e delaster añanan, nos a mira hopi di nos amistatnan serkano di skol sekundario i kompañeronan di mishon i èks koleganan di trabou a fayesé òf manera Presidente Russell M. Nelson a bisa, gradua na e otro banda di e velo. Nos a mira algun ku a wòrdu lantá den fe i kreensia sali for di e kaminda di konvenio.
Lástimamente, nos a pèrdè un nietu di 23 ku a muri den un aksidente tráfiko di un outo so. Algun amigu kerí, miembronan di famia, i koleganan tambe a pasa den desafionan grandi di salu.
Ki ora ku desafionan sosodé, nos ta pena i hasi esfuerso pa yuda aliviá e karga di otro.3 Nos ta lamentá kosnan ku no lo wòrdu kumplí i kansionnan ku lo no wòrdu kantá.4 Kosnan malu ta sosodé ku bon hende den e biahe mortal aki. E kandelanan debastadó na Maui na Hawaii, sur di Chile, i Canada ta ehèmpelnan di eventonan hororoso ku bon hende tin ku enfrenta tin bia.
Nos ta lesa den e Perla de Gran Precio ku Señor ta revelá na Abraham e naturalesa eterno di spiritunan. Abraham a siña di nos bida pre mortal, pre ordenashon, e Kreashon, e eskoho di un Redentor, i e bida mortal aki, ku ta e di dos estado di hende.5 E Redentor a deklará:
“haremos una sobre la cual estos puedan morar.
“y con esto los , para ver si todas las cosas que el Señor su Dios les mandare.”6
Awor nos tur ta aki den e segundo estado di nos biahe di progreso pa e reino di gloria komo parti di Dios Su gran plan di salbashon i eksaltashon. Nos ta bendishoná ku albedrio i mará na e desafionan di mortalidat Esaki ta e tempu duná na nos pa prepará pa presentá dilanti di Dios.7 Nos ta bendishoná pa konosé JesuCristo i Su ròl den e plan. Nos tin e privilegio di bira miembronan di Su Iglesia restorá—E Iglesia di JesuCristo di e Santunan di Delaster Dianan. Komo siguidónan pasífiko di Cristo, nos ta hasi esfuerso pa biba Su mandamentunan. Nunka no tabata fásil pa Su siguidónan. Tampoko e tabata fásil pa e Salbador pa fielmente kumpli ku Su mishon mortal.
E skrituranan ta kla: hopi lo sukumbí na un aserkamentu di “kome, bebe, i ta felis, pasó mañan nos ta muri”.8 Otronan no kreyente ta retirá den enklavenan sobrio ku partisipantenan ku mesun pensamentual ku ta boga pa e “siguiente kos nobo”9i filosofianan di hende.10 Nan no sa unda pa haña e bèrdat.11
Siguidónan pasífiko di Cristo no ta sigui ningun di e pasonan aki. Nos ta miembronan kálido, aktivo di e komunidatnan kaminda nos ta biba. Nos ta stima, kompartí, i invitá tur yunan di Dios pa sigui Cristo Su enseñansanan.12 Nos ta sigui e konseho di nos kerido profeta, Presidente Nelson; nos ta skohe e ròl di “un pasifikadó, awó i semper.”13 E aserkamentu inspirá ta konsistente ku tantu e skrituranan i direkshon profétiko.
Na 1829 e Iglesia restorá ainda no a wòrdu organisá, ni e Buki di Mormon a wòrdu publiká. Un grupo chikitu di hende luchando, mové dor di e Spiritu di Dios, a sigui e Profeta José Smith. Señor a revelá na Jose konseho pa tempunan difísil: “Así que, no temáis, rebañito; haced lo bueno; aunque se combinen en contra de vosotros la tierra y el infierno, pues si estáis edificados sobre mi , no pueden prevalecer.”14 Tambe El a konsehá nan:
“Mirad hacia mí en todo pensamiento; no dudéis; no temáis.
“… Sed fieles; guardad mis mandamientos y el de los cielos.”15
Opviamente, nos destino selestial no ta kambia ora nos sufri atversidat. Den Hebreonan nos ta wòrdu konsehá pa “bin ku brio na e trono di grasia, pa nos por optené miserikòrdia, i haña grasia pa yuda den tempu di nesesidat.”16 JesuCristo ta “e outor di salbashon eterno.”17
Mi stima e palabranan di Mormon, sitá dor di su yu Moroni, elogiando “e siguidónan pasífiko di Cristo … pa motibu di boso kana pasífiko ku e yunan di hende.”18
Pa esnan di nos den e Iglesia ku ta luchando pa ta siguidónan pasífiko di Cristo, un dia mas briante ta spera nos ora nos ta enfoká riba nos Señor i Salbador, JesuCristo. Desafionan ta parti di mortalidat i ta sosodé den kada ken su bida rònt mundu.” Esaki ta inkluí konfliktonan grandi entre paisnan i individuonan.
Lidernan di iglesia ta wòrdu puntrá frekuentemente, “Dikon un Dios hustu ta permití kosnan malu pa pasa, spesialmente ku bon hende?” i “Dikon esnan ku ta rekto i den servisio di Señor no ta inmune na e tipo di tragedianan aki?”
Nos no sa tur e kontestanan; sinembargo, no sa ku e prinsipionan importante ta permití nos ta enfrentá desafionan, tribulashon, i atversidat ku fe i konfiansa den un futuro briante ku ta spera kada un di nos. No ta eksistí mihó ehèmpel den skritura tokante di e pasamentu den tribulashon ku e palabra di Señor na José Smith, e Profeta, miéntras e tabata un prisionero den e prisòn di Liberty.
Señor parsialmente a deklará:
“si las puertas mismas del se abren de par en par para tragarte, entiende, hijo mío, que todas estas cosas te servirán de , y serán para tu bien.
“El ha debajo de todo ello. ¿Eres tú mayor que él?
“… no temas, pues, lo que pueda hacer el hombre, porque Dios estará contigo para siempre jamás.19
E ta kla nos tin un Tata den Shelu ku konosé i stima nos personalmente i ta komprondé nos sufrimentu perfektamente. Su Yu, JesuCristo, ta nos Salbador i Redentor.
Presidente Russell M. Nelson i Presidente M. Russell Ballard tur dos a enfatisá fuertemente e signifikado di e segundo edishon di Predicad Mi Evangelio.20 Mi ta kompartí nan entusiasmo. E edishon nobo aki, amplifikando skrituranan sagrado, ta proklamá fuertemente:
“Den Su sakrifisio ekspiatorio, JesuCristo a tuma riba Su mes nos dolónan, aflikshonnan, i enfermedatnan. Pa motibu di esaki, E sa ‘di akuerdo ku e karni kon pa sokoré su pueblo di akuerdo ku nan enfermedatnan.(Alma 7:12; wak tambe versikulo 11). E ta invitá, ‘Bin na mi’, i ora nos hasi esaki, E ta duna nos deskanso, speransa, fortalesa, perspektiva, i sanashon.(Mateo 11:28; wak tambe versikulo 29–30).
“Ora nos ta konfia den JesuCristo i Su Ekspiashon, E por yuda nos soportá nos desafionan, malesanan, i dolónan. Nos por ta yená ku goso, pas i konsuelo. Tur lokual ku ta desafiante di bida por wòrdu reglá mediante e Ekspiashon di JesuCristo.”21
Nos por ta siguidónan pasífiko di Cristo ku goso.
E plan di felisidat di nos Tata pa Su yunan ta inkluí no solamente un bida pre mortal i mortal pero tambe un potensial pa bida eterno, inkluyendo e union grandi i glorioso ku esnan ku nos a pèrdè. Tur kosnan malu lo drecha, i nos lo mira ku klaridat perfekto i perspektiva perfekto i entendimentu.
Lidernan di iglesia a kompará e perspektiva aki ku un hende drentando mei mei di un aktuashon di tres akto.22 Esnan sin konosementu di e Tata Su plan no ta komprondé kiko ta pasa den e promé akto {òf e eksistensia pre mortal) i e propósito establesé einan; tampoko nan ta komprondé e klarifikashon i resolushon ku ta bin den e di tres akto, kual ta e kumplimentu glorioso di e Tata Su plan.
Hopi no ta apresiá ku bou di Su plan amoroso i komprensivo, esnan ku ta parse den desbentaha, pa ningun falta di nan mes, lo no tin impakto na final.23
E skrituranan ta kla: siguidónan pasífiko di Cristo ku ta rekto, ta sigui e Salbador, i ta warda Su mandamentunan lo wòrdu bendishoná. Un di skrituranan mas importante pa esnan ku ta rekto, apesar di nan situashon di bida, ta parti di Rei Benjamin su diskurso na su pueblo. E ta primintí ku esnan ku warda e mandamentunan fielmente lo ta bendishoná den tur kos den e bida aki i “lo wòrdu risibí den shelu … [i] lo biba ku Dios den un estado di felisidat sin fin.”24
Nos ta rekonosé ku kasi nos tur a eksperensiá tormentanan físiko i spiritual den nos bida, algun devastador. Un Tata den Shelu amoroso i Su Yu, JesuCristo, kende ta na kabes di Su iglesia Restorá, a proveé na nos skrituranan i profetanan pa prepará nos, atvertí nos tokante di e peligernan, i duna nos guia pa prepará i protehá nos. Algun direkshon ta rekerí akshon inmediato, i algun ta proveé protekshon pa hopi aña den futuro. Señor Su prefasio pa e Doctrina y Convenios, sekshon 1ta amonestá nos pa “skucha e palabranan di e profetanan.”25
Sekshon 1tambe ta atvertí nos, “Prepará bo, prepará bo pa loke ta bai bin.”26 Señor ta proveé Su pueblo e oportunidat pa prepará pa e desafionan ku nan lo konfrontá.
Señor a duna un revelashon poderoso na Presidente Brigham Young na 14 di yanüari 1847, na Winter Quarters.27 E revelashon aki ta un ehèmpel klásiko di Señor preparando e hendenan pa loke ta biniendo. E Santunan fiel a kuminsá nan éksodo na e serunan santuario di e Vaye di Salt Lake. Nan a konstruí ku éksito e Tèmpel di Nauvoo i a risibí e ordenansanan sagrado di salbashon. Nan a wòrdu saká for di Missouri, i esnan ku tabata persiguí nan a saka nan for di Nauvoo durante un temporada di invierno teribel. E revelashon na Brigham ta duna un konseho práktiko na kon prepará pa e éksodo. Señor a pone énfasis riba kuido di e pobernan, e viudonan, esnan sin mayornan, i e famianan di esnan ku ta sirbiendo den e Batayon di Mormon ora e grupo prinsipal di Santunan tabata sigui den e biahe peligroso aki.
I banda di proveyendo otro konseho pa biba korekto, Señor a enfatisá dos otro prinsipio ku ta sigui ta aplikabel awendia.
Promé, El a enkurashá nan pa “alabá Señor ku kanto, músika, i baile, i ku un orashon di alabansa i gratitut.”28
Di dos, Señor a konsehá ku si nan tabata tin “pena, nan konsultá ku Señor boso Dios ku súplika, ku bo almanan lo ta yen di goso.”29
E dos amonestashonnan aki ta gran konseho pa nos propio tempu. Bidanan yená ku alabansa, músika, i gratitut ta bendishoná na un manera úniko. Siendo kontentu i dependiente di e yudansa di shelu pa medio di orashon ta un manera poderoso pa ta siguidónan pasífiko di Cristo Luchando semper pa ta kontentu ta yuda evitá di ta kibrá den spiritu.
E lastu liña di un himno perseptivo a duna e kontesta prinsipal den un manera bunita: “Mundu no tin tristesa ku shelu un por kura.”30
Komo un Apòstel di e Señor JesuCristo, mi ta tèstifiká ku “siguidónan pasífiko di Cristo” lo haña pas den e bida aki i un reunion selestial glorioso. Mi ta duna un testimonio sigur di e Salbador Su divinidat i e realidat di Su Ekspiashon. E ta nos Salbador i Redentor. Den e nòmber di JesuCristo, amèn.