Señor, Nos Tin Gana di Wak Jesus
Nos ke wak Jesus manera E ta i sinti Su amor.
Sieguedat fasial
Un dia den e primavera di 1945, un mucha hòmber hóben a spièrta den un hospital militar. E tabata afortuná di tabata na bida —el a wòrdu tirá djis tras di su orea, pero dòkternan a hasi operashon i awor e por a kana i papia normal.
Trágikamente, e bala a hasi daño na e parti di su serebro ku ta rekonosé karanan. Awor e tabata wak su kasá sin un chispa di rekonosementu; e no por a rekonosé ni sikiera su propio mama. Hasta e kara den spil tabata deskonosí pe—e no por a bisa si tabata un hende hòmber òf muhé.1
El a bira siegu—un kondishon ku ta afektá miónes di hendenan.2
Hendenan ku tin sieguedat grave ta purba identifiká otronan dor di memorisá reglanan—un regla rekonosé un yu muhé dor di e patronchi di su purunchinan òf un amiga dor di su kaná di lastra pia.
Kresiendo
Ata un di dos historia aki, mas serka di kas: Na mucha, hopi bes mi a mira mi mama komo esun ku ta dikta reglanan. E tabata disidí ki ora mi por a hunga i ki ora mi ta tin ku bai kama òf pió ainda, ranka yerba den kura.
Opviamente e tabata stima mi. Pero demasiado biaha i pa mi bèrgwensa, mi tabata wak e solamente komo “Esun Ku Mi Mester Obedesé.“
Algun aña despues mi a yega na wak e komo e persona real ku e ta. Mi tin bèrgwensa ku nunka mi a nota su sakrifisio òf tampoko a puntra dikon pa añanan el a bisti e mesun dos saya bieunan (miéntras ku ami tabata haña paña nobo di skol) òf dikon,na final di dia, e tabata asina kansá i ansioso pa mi bai drumi tempran.
Nos por ta siegu pa rekonosé karanan
Kisas bo a nota ku e dos historianan aki realmente ta un historia—pa hopi aña, en realidat, mi tabata siegu. Mi a frakasá pa wak mi mama komo un persona real. Mi a wak su reglanan pero no a wak den nan su amor.
Mi ta konta boso e dos historia nan aki pa aklará un punto: mi ta sospechá ku boso konosé un hende (kisas abo ta un hende) ku ta sufri di un tipo di sieguedat fasial spiritual.
Bo por ta lucha pa wak Dios komo un Tata amoroso. Bo por wak direkshon di shelu i wak, no e kara di amor i miserikòrdia, pero un mondi di reglanan den kual bo mester pasa dor di dje. Kisas bo ta kere Dios ta goberná den Su shelunan, papia pa medio di Su profetanan i ta stima bo ruman muhé pero abo den sekreto a puntra [bo mes] si e ta stima abo.3 Kisas bo a sinti e bara di heru den bo man pero te ainda no a sinti e Salbador Su amor na kual e ta kondusí.4
Mi ta sospecha ku bo konosé hende asina aki paso pa un tempu largu, Ami tabata un hende asin’aki—mi tabata spiritualmente siegu.
Mi a pensa ku mi bida tabata konsistí di sigui reglanan i logra metanan apstrakto. Mi tabata sa ku Dios tabata stima bo perfektamente pero no tabata sinti esaki mi mes. Mi tin miedu di a pensa mas tokante bai shelu, ku ta huntu ku mi Tata Selestial.
Si abo, meskos ku ami, tin biaha por solamente sinkronisá bo lepnan, pero no kanta e kantika di amor ku ta redimí, “5 kiko nos por hasi?
E kontesta, manera Presidente Russell M. Nelson a rekordá nos, ta semper Jesus.6 I esei ta hopi bon notisia.
Señor, Nos Tin Gana di Wak Jesus
Tin un versíkulo kòrtiku den Juan ku mi stima. E ta konta di un grupo di estranhero ku ta dirigí nan mes na un disípulo ku un petishon importante. “Señor,” nan ta bisa, “nos lo [tin gana] di wak Jesus.”7
Esei ta loke nos tur ker—nos ke wak Jesus manera E ta i sinti Su amor. Esaki mester ta e motibu di gran parti di loke nos ta hasi den Iglesia —i sigur den kada reunion sagrado. Si bo a yega di puntra bo mes ki tipo di lès pa siña, ki tipo di reunion pa plania i si simplemente bo mester renunsiá na e diákononan i hunga e wega di evitá bala bo por tuma e versíkulo aki komo bo guia: esaki lo yuda hende mira i stima JesuCristo? Si no kisas purba algu otro.
Ora mi a realisá ku mi tabata spiritualmente siegu fasial, ku mi tabata mira reglanan pero no e kara d Tata Su miserikòrdia, mi tabata sa ku no tabata e falta di Iglesia. No tabata di Dios i e no tabata nifiká ku tur kos tabata pèrdí; e ta algu ku nos tur mester siña. Asta e promé testigunan di e Resurekshon hopi biaha tabata kara kara ku e Señor resusitá pero nan no a rekonos’É; di e Graf den Hardin pa e kosta di Galileo, Su promé siguidónan “a mira Jesus pará, i no tabata sa ku tabata Jesus.”8 Nan mester a siña rekonos’É i meskos nos tambe.9
Karidat
Ora mi a realisá ku mi tabata spiritualmente siegu fasial mi a kuminsá sigui Mormon su konseho pa hasi orashon “ku tur e energia di kurason” pa ta yená ku e amor primintí na Su disípulonan—mi amor pa E i Su amor pa mi —i pa “wak e manera e ta … i tin e speransa aki.”10 Mi a hasi orashon pa hopi aña a por pa sigui e promé mandamentu di stima Dios i pa sinti e “promé gran bèrdatku Dios ta stima nosku tur Sukurason, alma, mente i forsa.”11
E Evangelionan
Mi a lesa tambe i bolbe lesa i bolbe lesa e kuater Evangelionan—e biaha aki lesando no pa saka afó reglanan pero pa wak ken E ta i kiko E ta stima. I ku tempu, mi a wòrdu lastra dor di e riu di amor ku tabata flui for di djE.
Jesus a anunsiá for di prinsipio ku El a bin pa “sana esnan kurason kibrá, pa proklamá libertat na esnan prezu i duna bista bèk na esnan siegu.”12
Esei no tabata djis un lista di kosnan pa hasi òf un bon merkadeo, pero ta e forma di Su amor.
Habri e Evangelionan na kualke página; riba kasi tur página nos ta mira E kuidando di personanan ku ta sufri—sosialmente spiritualmente,i físikamente. El a mishi ku hendenan konsiderá kontaminá i sushi 13i a alimentá esnan ku hamber.14
Kua ta bo kuenta faborito di Jesus? Mi ta sospechá ku e ta mustra e Yu di Dios ekstendiendo Su mes pa brasa un hende marginá— e leproso,15e Samaritano ku nan tin rabia riba dje, 16e akusadó i e pekador skandaloso 17 òf e enemigu nashonal.18 E tipo di grasia ei ta asombroso.
Purba skibi kada bes ku E alabá òf sana òf kome ku un estranheru i lo bo keda sin enk promé ku bo kaba Lukas.
Ora mi a mira esaki, mi kurason a hasi un salto di rekonosementu amoroso i mi a kuminsá sinti ku E por tabata stima mi. Manera Presidente Nelson a bisa, “Mas bo siña di e Salbador, mas fásil e lo ta pa konfia den Su miserikòrdia, Su amor infinito.”19 I asina mas lo bo konfia i stima bo Tata Selestial.
Elder Jeffrey R. Holland a siña nos ku Jesus a bin pa mustra “nos ken i kon Dios nos Tata Eterno ta, kon kompletamente devoto E ta pa Su yunan den kada edat i nashon.”20
Pablo a bisa Dios ta “e Tata di [tur] miserikòrdia i e Dios di tur konsuelo.”21
Si bo ta mir’É diferente, por fabor sigui purba.
Kombenionan i e Abraso di Dios
Profetanan ta invitá nos pa buska Su kara.22 Mi ta tuma esaki komo un rekordatorio pa nos adorá nos Tata, no un fórmula, i ku nos no ta kla te ora nos mira Jesus komo e kara di nos Tata Su amor.23te ora nos siguiE, no solamente Su reglanan. 24
Ora profetanan i apòstelnan ta papia di kombenionan, nan no ta manera treinernan ku ta grita for di tribuna, bisando nos pa “reforsá mas!” Nan ke pa nos wak [ku] nos kombenionan ta fundamental tokante relashonnan25i por ta un kura pa nos sieguedat di kara spiritual26 Nan no ta regla pa gana Su amor; Ya E ta stima bo perfektamente. Nos desafio ta pa komprondé i moldia nos bida segun e amor aki.27
Nos ta trata na wak dor di nos kombenionan, manera ta for di un bentana, pa enfrentá e Tata Su miserikòrdia ei tras.
Kombenionan ta e forma di Dios Su brasa .
E Riu di Dios Su Amor.
Finalmente, nos por siña pa wak E dor di sirbi’É. “Kon un hende por konosé su maestro kual e no a sirbi?”28
Algun aña pasá, mi a risibí un yamamentu ku mi no a sinti masha gana di dje. Mi a lanta tempran, nèrvioso pero ku un frase den mi mente ku mi no a skucha promé: ku pa sirbi den e Iglesia aki ta para den e riu di Dios su amor pa Su yunan. E Iglesia aki ta un grupo di trabou di hendenan ku piki i chapi, tratando na yuda habri e kanal pa e riu di e amor di Dios por yega na Su yunan na e final di e rei
Ken ku bo ta, kual sea bo pasado, tin lugá pa bo den e Iglesia aki.29
Kue un piki i skòp i uni na e ekipo. Yuda hiba Su amor na Su yunan i un parti di dje lo spat riba bo.30
Laga nos buska Su kara, brasa Su kombenio, I despues djòin man den man ku Su yunan i huntu nos lo kanta “Redentor di Israel”:
Restorá, mi kerido Salbador
E lus di bo kara;
Bo alma su gritu di konsuelo ta kompartí;
I laga e anhelo dushi
Pa e lugá Santu
Trese speransa na mi kurason desolá.31
Ku nos por buska Su kara amoroso i despues ta vehíkulonan di Su miserikòrdia pa Su yunan.32 Den e nòmber di JesuCristo, amèn.