Pensa Selestial!

Dor di Presidente Russell M. Nelson

Presidente di E Iglesia di JesuCristo di e Santunan di e Delaster Dianan

Bo eskohonan awe lo determiná tres kos: unda lo bo biba durente eternidat, e tipo di kurpa ku kua lo bo wòrdu resusitá, i esnan ku kua lo bo biba pa semper.

Mi kerido rumannan, mi ta profundamente gradesido pa papia ku boso awe. Na mi edat, kada dia ta trese sorpresanan maravioso i desafiante. Tres siman pasá, mi a sinti e muskulonan den mi lomba. Pues, mientras mi a duna mas ku 100 dikurso di konferensia general pará, awe mi a pensa na hasié sintá. Ta mi orashon ku e Spiritu por karga mi mensahe na boso kurason awe.

Resientemente mi a selebrá mi 99 aña i pues kuminsando mi di 100 edat di bida. hopi bia ta puntra mi e sekreto di bida asina largu. Un mihó pregunta lo ta “Kiko mi a siña di kasi un siglo di bida?”

Tempu awe no ta pèrmití mi kontestá e pregunta ei kompletu, pero mi por kompartí un di e lèsnan mas krusial ku mi a siña.

Mi a siña ku Tata Selestial su plan pa nos ta fabuloso, ku loke nos ta hasi den e bida aki si ta konta, i ku e Ekspiashon di e Salbador ta loke ta hasi e plan di nos Tata posibel.¹

Ora mi ta lucha ku e doló intenso kousá dor di mi herida resien, mi a sinti un apresio mas profundo pa JesuCristo i su don inkomprendibel di Su Ekspiashon. Pensa riba dje! E Salbador a sufri “dolónan i aflikshon i tentashon di tur tipo”² p’asina E por konsolá nos, sana nos, reskatá nos, den tempu di nesesidat.³ JesuCristo a deskribí Su eksperiensia na Getsemaní i na Calvario: “Kual sufrimentu a kousa mi mes, asta Dios, e mas grandi di tur, pa tembla pa motib di doló, i pa sangra for di kada poro.”⁴ Mi herida a kousa mi pa reflehá kada bia riba “e grandesa di e Santu di Israel.”⁵ Durante mi rekuperashon, Señor a manifesta Su poder dibino den maneranan apasibel i sin duda.

Pa motibu di JesuCristo su Ekspiashon infinito, nos Tata Selestial su plan ta un plan perfekto! Un komprondementu di Dios u plan fabuloso ta kita e misterio for di bida i e insertidumbre for di futuro. E ta pèrmití kada un di nos a skohe kon nos lo biba nos bida aki na tera i unda nos lo ke biba pa semper. E noshon sin baste ku nos mester, “kome, bebe, i ta felis, pasó mañan nos ta muri; i lo bai ta bon ku nos”⁶ ta n di e mentiranan mas apsurdo den e universo.

Ata’ki e gran notisia di Dios Su plan:i e gran notisia di Dios su plan: e mesun kosnan ku lo hasi bo bida mortal e mihó ku e por ta, ta e mesun kosnan ku ta hasi bo bida den henter eternidat e mihó ku e por ta! Awe, pa asistí bo pa kalifiká pa e bendishonnan riku ku Tata Selestial tin p’abo, mi ta invitá bo pa adopta e práktika di “pensa selestial!”⁷ Pensa Selestial ta manera tin bo mente enfoká spiritualmente. Nos ta siña di e profeta di e Buki di Mormon Jakòb ku “ta di mente spiritual ta bida eterno.”⁸

Mortalidat ta un klas maestro pa siña skohe e kosnan ku ta di sumo importansha pa eternidat. Hopi hende ta biba manera ku bida ta e úniko kos ku tin. Sinembargo, bo eskohonan awe lo determiná tres kos: unda lo bo biba durente eternidat, e tipo di kurpa ku kua lo bo wòrdu resusitá, i esnan ku kua lo bo biba pa semper. Pues pensa selestial.

Den mi promé mensahe komo Presidente di e Iglesia, mi a enkurashá boso pa kuminda ku e fin den mente. Esaki ta nifiká hasi e reino selestial bo meta eterno i e ora ei konsiderando koutelosamente kada un di bo desishonnan mientras aki na tera lo pone bo den e siguiente mundu.⁹

Señor klaramente a siña nos ku solamente hòmber i muhé ku ta seyá komo kasá den tèmpel, i ku ta warda e kombenionan, lo ta huntu durante henter eternidat. El a bisa, “Tur kombenio, kontrato, lasonan, obligashonnan, huramentu, promesa, akshonnan, konekshonnan, asosiashonnan, òf espektativanan, ku nowòrdu hasí i sentrá den i seyá pa medio di e Spiritu Santu di promesa … tin un fin ora hende muri.”¹⁰

Pues, si nos skohe imprudentemente pa biba e leinan telestial awó, nos ta skohiendo pa resusitá ku un kurpa telestial . Nos ta skohiendo pa no biba ku nos famianan pa semper.

Pues, mi kerido rumannan, kon i unda i ku ken abo ke biba pa semper? Abo por skohe.¹¹

Ora bo hasi e eskohonan, mi ta invitá bo pa tuma un bista largu—un bista eterno. Pone JesuCristo promé, pasobra bo bida eterno ta dependé riba bo fe den djE i den Su Ekspiashon.¹² Tambe e ta dependé riba bo obediensia na Su leinan. Obediensia ta traha e kaminda pa un bida gososo pa bo awe i un premio eterno grandi mañan.

Ora bo wòrdu konfrontá ku e dilema, pensa selestial! Ora bo ta wòrdu di tèst dor di tentashon, pensa selestial! Ora bida òf sernan kerí laga bo kai, pensa selestial! Ora un hende muri prematuramente, pensa selestial. Ora un hende ta dura hopi tempu den un malesa devastador, pensa selestial! Ora e preshon di bida ta bati bo, pensa selestial! Ora bo ta rekuperá di unu aksidente òf un herida, manera mi ta hasiendo aworaki, pensa selestial!

Ora bo ta enfoká riba pensa selestial, spera ku bo lo haña oposishon.¹³ Dekadanan atras, un kolega profeshonal a kritiká mi pasó mi “demasiado tèmpel” den mi, i mas ku un supervisor a kastiga mi pa motibu di mi fe. Mi ta kombensí, sinembargo, ku e pensamentu selestial a mehorá mi karera.

Ora bo ta pensa selestial, bo kurason gradualmente lo kambia. Lo bo ke hasi mas orashon i mas sinsero. Por fabor lo laga bo orashonnan zona manera un lista di kompra. Señor su perspektiva ta surpasá bo sabiduria mortal. Su kontesta na bo orashonnan por sorprendé bo i lo yuda bo pensa selestial.

Konsiderá Señor su kontesta na Jose Smith ora el a pidi pa alivio den e Prisòn di Liberty. Señor a siña e Profeta ku su trato inhumano lo dun’é eksperiensia i lo ta pa su mes bon.¹⁴ “Si bo soporté bon,” Señor ta primintí “Dios lo eksalta bo den altura.”¹⁵ Señor tabata siña Jose Smith pa pensa selestial i di tin e vishon di un rekompensa eterno en bes di enfoká riba e difikultatnan ekstremo di e momentu ei. Nos orashonnan por ta—i mester ta—kombersashonnan bibu ku nos Tata Selestial.

Ora bo ta pensa selestial, lo bo haña bo mes ta evitá kiko ku ta ku ta hòrta bo di bo albedrio. Kualke adikshon—sea ta weganan, weganan di azar, debe, droga, alkohòl, rabia, pornografia, sekso, òf hasta kuminda—ta ofendé Dios. Dikon? Pasobra bo opseshon ta bira bo dios. Bo ta mira na esaki en bes di E pa bo konsuelo. Si bo ta lucha ku adikshon, buska e yudansa spiritual i profeshonal ku bo mester. Porfabor no laga un opseshon hòrta bo for di bo libertat di sigui Dios su plan fabuloso.

Pensando selestial lo yuda bo obedesé e lei di kastidat. Algun kos lo kompliká bo bida mas lihe ku viola e lei dibino aki. Pa esnan ku a hasi komobenio ku Dios, imoralidat ta un di e maneranan mas lihé pa bo pèrdè bo testimonio.

Hopi di e tentashonnan mas fuerte di e atversario ta involukra e violashon di puresa moral. E poder pa krea bida ta un di e privilegionan di diedat ku Tata Selestial ta pèrmití Su yunan morta pa ehersé. Pues, Dios a pone guia kla pa e uso di e poder dibino i bibiente aki. Intimidat físiko ta solamente pa un hòmber i muhé ku ta kasá ku otro.

Hopi di e mundu no ta kere esaki, pero opinion públiko no ta un arbitro di e bèrdat. Señor a deklará ku ningun hende ku no ta kasto lo haña e reino selestial. Pues ora bo tuma desishon tokante moralidat, pensa selestial. I si bo no ta kasto, mi ta roga n’abo pa arepentí. Bin na Cristo i risibí Su promesa di pordón kompletu ora bo ta arepentí di bo pikánan.¹⁶

Ora bo ta pensa selestial, lo bo mira desafionan i oposishon den un lus nobo. Ora un hende ku bo stima ataká e bèrdat, pensa selestial, i no kuestioná bo testimonio. E Apòstel Pablo a profetisá ku “den e lastu tempunan algun lo alehá for di e fe, dunando atenshon na e spiritu seduktor, i na doktrinanan di demoñonan.”¹⁷

No tin fin na e desepshonnan di e atversario. Porfabor ta prepará. Nunka tuma konseho di esnan ku no ta kere. Buska guia di bosnan ku bo por konfia—di profetanan, videntenan, i reveladónan i di e susuro di e Spiritu Santu, “ku lo mustra bo tur kos ku bo mester hasi.”¹⁸ Porfabor hasi e obra spiritual pa oumentá bo kapasitad pa risibí revelashon personal.¹⁹

Ora bo ta pensa selestial, bo fe lo oumentá. Tempu mi tabata un stazjièr hóben, mi entrada tabata 15 dòler pa luna. Un anochi, mi kasá Dantzel a puntra si mi tabata paga un diesmo riba e entrada chikitu ei. Mi no tabata hasi esaki. Mi a arepentí lihé i kuminsá paga e 1.50 dòler adishonal den diesmo mensual.

E Iglesia a kambia pasobra nos a oumentá nos diesmo? Naturalmente ku no. Sinembargo, birando un pagadó di diemo integro a kambia ami. Esei ta e ora ku m ia siña ku pagando diesmo ta kompletamente tokante fe, i no sèn. Ora mi a bira un pagadó di diesmo integro, e bentananan di shelu a kuminsá habri p’ami. Mi ta atribuí e oportunidatnan profeshonal ku a sigui na nos pago di diemso integro.²⁰

Pagando diesmo ta rekerí fe, i e ta krea tambe fe den Dios i Su Kerido Yu.

Skohiendo pa biba e bida virtuoso den un mundu seksualisa i di politika ta oumenta fe.

Pasando mas tempu den e tèmpel ta krea fe. I bo servisio i adorashon den e tèmpel lo yuda bo pensa selestial. E tèmpel ta un lugá di revelashon. Einan ta mustra bo kon ta progresá na un bida selestial. Einan bo ta bai mas serka na e Salbador i bo ta haña mas akseso na Su poder. Einan bo ta wòrdu guiá pa solushoná problemanan den bo bida, asta bo problemanan mas kompliká.

E ordenansanan i kombenionan di tèmpel ta di signifikashon eterno. Nos ta kontinuá na konstruí mas tèmpel pa hasi e posibilidatnan sagrado aki bira un realidat den kada un di boso su bida. Nos ta gradesido pa anunsiá plannan pa konstruí un tèmpel nobo na e siguiente 20 lokalidatnan.

Savai’i, Samoa
Cancún, Mexico
Piura, Peru
Huancayo, Peru
Viña del Mar, Chile
Goiânia, Brazil
João Pessoa, Brazil
Calabar, Nigeria
Cape Coast, Ghana
Luanda, Angola
Mbuji-Mayi, Democratic Republic of the Congo
Laoag, Philippines
Osaka, Japan
Kahului, Maui, Hawaii
Fairbanks, Alaska
Vancouver, Washington
Colorado Springs, Colorado
Tulsa, Oklahoma
Roanoke, Virginia
Ulaanbaatar, Mongolia

Señor ta dirigí nos pa konstruí e tèmpelnan aki pa yuda nos pensa spiritual. Dios ta biba. Jesus ta e Cristo. Su Iglesia a wòrdu restorá pa bendishoná tur Dios su yunan. Mi ta tèstifiká asina den e nòmber sagrado di JesuCristo, amèn.