Susan Winder Tanner
Peresitedi Raraba ni Goneyalewa

E raica rawa o Susan W. Tanner na veiwekani ena kedra maliwa na veimataisoqosoqo oqo, me vaka ni sa veiqaravi oti ena ivakatagedegede ni tabanalevu kei na iteki ena Lalai, Gone Yalewa, kei na iSoqosoqo ni Veivukei.

Era dau vulica na goneyalewa lalai na ‘Au Luve ni Kalou.’ Ka na kauti keda oqori ki na ‘Keimami luvena goneyalewa na Tamada Vakalomalagi, e dau lomani keimami ko Koya, ka keimami lomani koya.’ O koya eda qai yacova yani kina na ‘Sa sega ni mudu na loloma,’ ka keimami vakila ni ologi keimami na loloma o ya,” e kaya. “Au vakabauta ni taucoko na duavata ena veitagede yadua, ka vakalevutaki na kila ka kei na veika eda rawata ni da sa tubu tiko.”

Me vaka ni peresitedi vou ni Gone Yalewa, sa yalataka o Sisita Tanner me na vukei ira na gone yalewa me ra kila na nodra itutu ena Nona ituvatuva na Tamada Vakalomalagi.

A sucu ena i ka 10 ni Janueri 1953 e Granger, Utah, kivei rau o Richard W. kei Barbara Woodhead Winder, e a tubu cake o Sisita Tanner ena dua na vanua ni susu manumanu levu. E a qai rawata e muri e dua na diqiri me baleta na veika vakatamata mai na Brigham Young University, ka a sotavi John S. Tanner kina. Erau a vakamau ena Valetabu e Salt Lake ena i ka 3 ni Sepiteba 1974. E a yaco o Sisita o Tanner me radi ni vale vakatabakidua ka qasenivuli ni taba piano. Eratou vakaitikotiko mai Provo, e Utah na matavuvale na Tanner, e lima na luvedrau ka tolu na makubudrau.

Ni ratou vakaitikotiko mai Brazil na nona matavuvale, na vanua e vuli ka veivakavulici tiko kina na watina, e a rawata kina o Sisita Tanner na raivotu me baleta na parokaramu ni Gone Yalewa. Erau a vulica na luvena yalewa qase na ibole ni Gone Yalewa ena vosa vaka-Portugal. “Au a vinakata meu vulica vata kei rau,” e kaya kina. “Ni tekivu meu segata meu cavuqaqataka na ibole, sa qai dei vakavinaka sara ki yaloqu na kena itukutuku. Koi au na luvena yalewa na Tamada Vakalomalagi, ka dau lomani au o Koya. Ia baleta niu sa kila na veika oqo, au lomani Koya kau gadreva meu vakaraitaka ena noqu ivalavala niu lomani Koya.

“E koto sara ga ena kena ituvatuva dodonu ena ibole ni Gone Yalewa na itukutuku,” e tomana o koya. “Au vinakata ga me ra kila na gone yalewa ena Lotu ni rawa me yavutaki kina na nodra ivakadinadina, nodra ivalavala, kei na nodra bula.”