Na Lotu ni LDS e iSoqosoqo Lotu Tubu Totolo Duadua na kena iWiliwili mai Amerika

Ena dua na vakadidike vakavuli ka dau dikevi tiko ena veiya 10 na yabaki, e tukuni kina ni Lotu tubu totolo duadua na kena iwiliwili mai Amerika mai na yabaki 1990 ki na 2000, ko ya na Lotu i Jisu Karisito ni Yalododonu Edaidai.

E vakaraitaki talega ena vakadidike ni o ira na matalotu ka tubu tiko vakatotolo na lewena era kauwai vakalevu ena taqomaki ni veimaliwai—kei ira na matalotu ka berabera na kena tubu era sega ni dau kauwai ena taqomaki ni veimaliwai. Ena 19.3 na pasede na totolo ni kena tubu, e sa liu sara tiko kina na Lotu vei ira na veimatalotu tale e so mai Amerika. Na i karua ni lotu ka tarava yani na totolo ni kena tubu ko ya na Church of Christ, Assemblies of God, kei na Lotu Katolika.

E a vakayacora na vakadidike na Glenmary Research Center, e dua na tabana ni veiqaravi kei na vakadidike ni lotu Katolika, era a dikevi kina e 149 na isoqosoqo lotu. Ena vuku ni kena sega ni kauwaitaki sara vakalevu ena tabana ni wili lewenivanua mai Amerika na veiitukutuku vakalotu, o koya gona e sa okati kina vakabibi na vakadidike oqo me baleta na ivolatukutuku tudei vakalotu e Amerika.

E laurai talega ena vakadidike, ni Lotu e i ka ono ni isoqosoqo levu e Amerika raraba, ka tiko duadua e cake o Utah vei ira na veiyasana kece mai Amerika “ena ka vakalotu,” ni tiko sara e cake na pasede ni tamata vakabauta e kea (75%). E laurai na siti o Provo mai Utah ni tiko sara e cake na pasede (90%) ni lewenivanua era lewena e dua vei ira na 149 na isoqosoqo lotu oqori.