Elder D. Rex Gerratt
mai na Vitusagavulu

E a tokoni o Elder D. Rex Gerratt ena i ka 5 ni Okotova 2002 me lewe ni iKarua ni Kuoramu ni Vitusagavulu. “E se bera vakadua ni bau soli vei au e dua na ilesilesi au nanuma ni ganiti au, ia au kila ni o koya ga e sa kaciva na Turaga, ena vakarautaki koya ka vukei koya na Turaga,” e kaya ko Elder Gerratt, na dauteitei ka dau susu manumanu vosavosa malua mai Idaho. “Niu ciqoma ki na noqu bula na veikacivi yadua, au dau vakatakekere kina vei Tamaqu Vakalomalagi me vukei au meu yaga sara e ligana.”

O Elder Gerratt e a sucu mai Heyburn e Idaho, ena i ka 9 ni Epereli 1936 kivei rau o Donald Wayne kei Ann Bailey Gerrart. E a tubu cake e Burley ka koto voleka ga e kea, ka dau vakayagataki qele vata voli kei tamana kei tacina. A vakamautaki nona itokani ena gauna ni gone, o Marjorie Crane ena Valetabu e Idaho Falls ena 1955. E 9 na luvedrau ka 35 na makubudrau.

“Au rawa ni nanuma tiko e vuqa na mataka ni keitou dau dabe vata kei ira na luvei keirau ena neitou varada e muri vata kei na neitou koli, ka tokara na neitou ivava me baleta na cakacaka ni loba sucu,” e nanuma lesu o Elder Gerratt. “Keirau dau leqataki ira vakalevu na luvei keirau kei Sisita Gerratt, ia keirau nuitaki ira tu ni ra sa kila na cakacaka vakaukauwa ka tu na nodra ivakadinadina me baleta na kosipeli.”

Na cakacaka kaukauwa ena nona cakacaka kei na nona itikotiko sa kilai kina o Elder Gerratt me vaka na vakacurumi ni yacana ki na iVola ni Tamata Daucakacaka ni Daususu Manumanu ni sucu kei na iVola ni Tamata Daucakacaka ni Daususu Manumanu ni sucu ena Ceva i Cake kei Idaho. E a soli talega vua me Dauteitei ni Yabaki dau Vakamareqeta na Veika Bula.

Na ilesilesi e so e taura ena Lotu e okati kina na Vitusagavulu ni iWasewase, peresitedi ni kaulotu, mata ni yasana, peresitedi ni iteki, vunivola ni iteki, bisopi, vunivola ni tabanalevu, ka dauveituberi vakavuvale. Na veilesilesi oqori sa vukea na kena vakavulici vua na vakavinavinaka kei na yalomalua.

“Ni keitou kila na levu ni veivakalougtataki e solia vei keitou na Tamada Vakalomalagi kei na neitou liutaki tiko mai vua na Nona parofita bula,” e kaya o Elder Gerratt, “sa dodonu me da vakavinavinaka vakalevu sara ka yalataka me da solia na noda vinaka taucoko ena veika kece eda kerei kina ena Nona Lotu.”