Julie Bangerter Beck
iMatai ni Daunivakasala, Mataveiliutaki Raraba ni Goneyalewa

Keirau vakasaqara e dua na sala me keirau vukei ira kina na luvei keirau me ra vulica na cakacaka,” e kaya o Sisita Julie B. Beck, na daunivakasala tokoni vou ena mataveiliutaki raraba ni Gone Yalewa. “E sega ni dua na neitou vanua ni susu manumanu, ka sega kina ni rawa me ratou loba sucu ni bulumakau. Sa neitou bulumakau ga na ivakatagi.”

Me vaka ga na nodratou vulica na cakacaka na luvena ena nodratou dau vakatovotovo ena piano, e a vulica o Sisita Beck na reki ka dau basika ena cakacaka kei na veiqaravi ena nona tiko maliwai iratou na lewe 11 na luvena. E a sucu ena i ka 29 ni Sepiteba 1954 kivei rau o William Grant kei Geraldine Hamblin Bangerter, e a tubu cake o Sisita Beck e Granger, Utah, ka vakakina e Sao Paulo, Brazil, na vanua a peresitedi tu kina ni kaulotu na tamana.

A tauri ivola mai na Brigham Young University o Sisita Beck ka rawata kina e dua na diqiri ena veika ni vakadidike ni matavuvale. Ena i ka 28 ni Tiseba 1973 erau a vakamau kina kei Ramon P. Becker ena Valetabu e Salt Lake. Erau vakaitikotiko e Alpine, Utah, ka rua na luvedrau yalewa, dua na tagane, ka tolu na makubudrau. Na itavi qaravi vata talei duadua vei Sisita Beck sa ikoya na kena e caka vakavuvale. “Era neirau itokani talei duadua o ira na luvei keirau,” e kaya o koya.

E a taura e vica na ilesilesi vakalotu o Sisita Beck ena iSoqosoqo ni Veivukei kei na Gone Yalewa, ia e dau talei tu ga e yalona o ira na gone yalewa ena Lotu ka kila na itavi erau vakaitavitaki rau kina na cakacaka vakaukauwa kei na veiqaravi ena nodra vakatorocaketaki vakayalo.

“Au se maroroya tu ga na noqu reveni mai na noqu gauna ena Maqusa,” e kaya o Sisita Beck, ena nona tiko e dua na parokaramu ni Lotu mai na gauna ni nona itabagone. “Au dau taleitaka me’u cakacakataka na noqu icocovi ena goneyalewa.”

E se kauta vata voli ga kei koya na yalogu oqori ki na parokaramu ni Lotu ena gauna oqo me baleti ira na gone yalewa—Torocake Yadudua. E a veiqaravi ena matabose raraba ni Gone Yalewa ka a cakacakataka na vakavoui ni parokaramu ni Torocake Yadudua.

“Au vakabauta ni Torocake Yadudua ena vukea e dua na gone yalewa me kila ka vakatovotovotaka me dau maroroya na nona veiyalayalati ni papitaiso,” e kaya o Sisita Beck. “Kau vakabauta ni kevaka e sa kila ka maroroya na nona veiyalayalati ni papitaiso, sa na vakarau vinaka kina me cakava ka maroroya na nona veiyalayalati ni valetabu.”