Sa Oti na ika 178 ni Koniferedi Vakayabaki

Ena imatai ni nona koniferedi raraba vakayabaki mai na gauna a tokoni kina ena soqoni tabu ni Epereli sa oti, sa kacivaka kina o Peresitedi Thomas S. Monson e lima na valetabu vovou me tara ena veiyasai vuravura.

E se bera vakadua, me tekivu mai na Epereli ni 2000 me kacivaki kina ena dua ga na gauna na iwiliwili levu ni valetabu me tara vou me vakaoqo. (Raica na italanoa e salavata kaya ena t.126 me baleta na kena itukutuku tale eso.)

Erau sa vagalalataki mai na iMatai ni Kuoramu ni Vitusagavulu o Elder Earl C. Tingey kei Elder Sheldon F. Child ka rau sa lesi ki na Vakaitutu Raraba vaka-emeritesi, ka vakakina ni rau sa vagalalataki mai na iKarua ni Kuoramu ni Vitusagavulu o Elder Gerald N. Lund kei Elder Robert R. Steuer.

Sa tokoni o Elder Jay E. Jensen ena Vitusagavulu me vakatawana na tikina sa lala mai na Mataveiliutaki ni Vitusagavulu ena nona sa mai vagalalataki o Elder Earl C. Tingey. (Raica na itukutuku ena t.128.)

A vakatulewa tiko ena koniferedi o Peresitedi Monson, ka a marautaka na ika 81 ni nona siganisucu ena ika 21 ni Okosita, ka veiliutaki ena tolu na iwasewase ni soqoni. Erau a marautaka vata kei Frances, na watina na ika 60 ni yabaki ni nodrau vakawati ena ika 7 ni Okotova.

Me ikuri ni kena sa tabaki ena ilavelave ni mekesini ni Lotu ka taba kina na vosa ni koniferedi, sa tu talega ena komupiuta na veika a yaco ena koniferedi ena LDS.org. Na tepi ni vidio ni veiwasewase kece sara ni soqoni sa tu ena veivosa matanataki ena liga vaka-Amerika, Valagi, Potukali kei Sipeni. Sa tu na tepi ni vosa ena sivia ni 90 na vosa kei na vosa tabaki ena 30 na vosa.