iVakavuvuli ni Noda Gauna

Na ivakaro oqo me baleta na lesoni ni ikava ni Sigatabu vei ira na Matabete i Melikiseteki kei na iSoqosoqo ni Veivukei me sosomitaka na kena ena iTukutuku ni Lewenivuli me baleti ira na Veiliutaki ena Matabete kei na Veimataisoqosoqo mai na 2005 ki na 2008.

Na soqoni ni Matabete i Melikiseteki kei na iSoqosoqo ni Veivukei ena ikava ni Sigatabu ena veivula ena vakatabakiduataki ki na “iVakavuvuli ni Noda Gauna.” Na lesoni kece ni “iVakavuvuli ni Noda Gauna” era na vakavuvulitaki mai na veivosa ni koniferedi raraba ka se qai vakayacori oti ga oqo mai na ilavelave ni Liaona. Na veilavelave oqo era dau tabaki tiko ena Me kei na Noveba. Na veivosa oqo era sa tu talega ena initaneti (ena vuqa na vosa) ena www.lds.org.

Na veivosa yadua e rawa me vakarautaki mai na dua se levu cake na vosa.. E rawa me ra digitaka na peresitedi ni tikina se iteki na vosa cava me vakayagataki, se e rawa me ra lesia na itavi oqo kivei ira na bisopi kei na peresitedi ni tabana. Me ra vakabibitaka na iliuliu ni matabete oqori na kena gadrevi vei ira na veitacini ni Matabete i Melikiseteki kei na iSoqosoqo ni Veivukei me dau tautauvata ga na vosa e vulici ena Sigatabu o ya. E dodonu me ra kere ivakasala na qasenivuli mai vei ira na nodra iliuliu me baleta eso na veika me vakabibitaki.

O ira era na tiko rawa ena lesoni ni ikava ni Sigatabu era sa vakauqeti me ra dau vulica ka kauta tiko mai ki na kalasi na ilavelave ni mekesini ni koniferedi raraba ka se qai oti walega oqo. Me ra vakadeitaka na veiliutaki ni tabanalevu kei na tabana me dau vakauti yani vei ira na lewenilotu na mekesini ni Lotu.

Vakatutu ni kena Vakarautaki e dua na Lesoni mai na Veivosa

• Masulaka me tiko vata kei iko na Yalo Tabu ena nomu vulica ka laki vakatavulica na vosa.. Ena rawa mo temaki ena so na gauna mo biuta vakatikitiki na vosa ni koniferedi ka vakarautaka na lesoni ena nomu vakayagataka eso tani tale na iyaragi. Ia na veivosa ni koniferedi era sa vakadonui me ra lewenivuli. Na nomu itavi mo vukei ira na tani me ra vulica ka bulataka na kosipeli me vaka e vakatavulici mai na koniferedi raraba ni Lotu ka se qai vakayacori oti walega oqo.

• Railesuva na veivosa, vakasaqara na ivakavuvuli kei na ivunau ka sotava na nodra gagadre na lewe ni kalasi. Vakasaqara talega na italanoa, yavu vakaivolanikalou, kei na iyatuvosa mai na veivosa oqori, me vukei iko mo vakatavulica na ivakavuvuli kei na ivunau.

• Cakava e dua na ituvatuva o vinakata ena kena vakatavulici vakacava na ivakavuvuli kei na ivunau. Me okati ena nomu ituvatuva na veitaro ena vukei ira na lewe ni kalasi:

  • Vakasaqara na ivakavuvuli kei na ivunau ena veivosa o veituberi tiko mai kina.

  • Vakasamataka na ibalebale ni ivakavuvuli kei na ivunau.

  • Wasea nodra kila, vakasama, na veika era sotava, kei na nodra ivakadinadina ni ivakavuvuli kei na ivunau.

  • Vakayagataki na veivakavuvuli kei na veivunau oqo ena nodra bula.

• Railesuvi ni iwase 31–32 ni Veituberi, Me iLutua ni Noda Bula.

“Na ka e bibi duadua o ya me ra vakila na lewenilotu na veivakauqeti ni Yalotabu, torocake nodra kila ka ena kosipeli, vulica me ra taurivaka na ivakavuvuli vakosipeli ena nodra bula, ka vakaukauwataka nodra igu me ra bulataka na kosipeli” (iVoladusidusi ni Veituberi [2001], 12).

Ni yalovinaka me vakau mai na vakanananu ni “iVakavuvuli ni Noda Gauna” ki na Curriculum Development, 50 East North Temple Street, Room 2420, Salt Lake City, UT 84150-0024, USA; e-mail: cur-development @ldschurch.org.

Veivula	iYaragi ni Lesoni ni iKava ni Sigatabu
Noveba 2008–Epereli 2009	Veivosa ka tabaki ena Liaona ni Noveba 2008*
Me 2009–Okotova 2009	Veivosa ka tabaki ena Liaona ni Me 2009*

• Na veivosa oqo era sa tu ena initaneti (ena vuqa na vosa) ena www.lds.org.