O Ira Era Vosa Vei Keda
Na Noda Taurivaka me Tiki ni Noda Bula na Koniferedi
Na sala cava o na taurivaka kina na veivakavuvuli ni koniferedi ena nomu bula kei na nodra bula na lewe ni nomu matavuvale? Tovolea mo vakayagataka eso vei ira na vakasama oqo kei na taro me tekivutaki kina na veivosaki se vakanananu.
Ena rawa talega mo wilika, rogoca, se sarava na vosa ni koniferedi ena Initaneti ena www.lds.org.
Me Baleti Ira na Gone
-
“Me da lewenivanua vinaka ena veimatanitu eda tiko kina ka itokani vinaka ena noda itikotiko, ena noda dolele yani vei ira na vakabauta tani, ka vakakina vei ira na noda.”—Peresitedi Thomas S. Monson (raica tabana e 106).
-
“O ira na luve ni Kalou e levu na nodra duavata mai na nodra duidui… Ena vukei keda na Kalou me da raica na nodra duidui na so tale ena sega ni vakavuna na ca ni bula ia ena rawa ni vakavuna mai eso na ka. Na Turaga ena vukei iko mo raica na ka ena vakavurea mai ka sega ni tiko vei iko.” —Peresitedi Henry B. Eyring (raica na tabana e 68).
-
“Ni da vulica na ivolanikalou, vosa vua na Tamada Vakalomalagi, vakadeitaka me da talairawarawa kina ivakaro ni Kalou … eda na rawata na inuinui.” —Peresitedi Dieter F. Uchtdorf (raica na tabana e 21).
Me Baleti Ira na iTabagone
-
E vakavulica na tarai ni duavata o Peresitedi Henry B. Eyring ena noda veivosaki vakaikeda ena yalovinaka: “Au rawa ni yalataka vei iko na vakacegu kei na marau ni ko cavuta na vosa vinaka e matau baleti ira na tani ena Rarama i Karisito” (raica na tabana e 68).
-
“Kemuni na itabagone, [na soqoni ni sakaramede] oqori e sega ni gauna ni veivakasolokakanataki ena talevoni veikauyaki se vakau itukutuku,” e kaya o Elder Dallin H. Oaks (raica na tabana e 17).
-
E kaya o Elaine S. Dalton, “Au vakabauta dina sara ni dua na goneyalewa se cauravou, ka liutaki ena Yalotabu e rawa ni veisautaka na vuravura, ia na kena rawa ni caka vakakina, sa dodonu me da lesu tale ki na bula dodonu” (raica tabana e 78).
-
Me wiliki na veika era sotava na itabagone, gole ki na newera.lds.org.
Me Baleti Ira na Qase Cake
-
E taleva lesu o Peresitedi Boyd K. Packer e vica na veika dredre ka ra a sotava na Yalododonu Edaidai e liu (raica tabana e 88). E vakaukauwataki ira vakacava na nodra vakabauta ena gauna ni veivakatovolei oqo? Ena rawa ni vakaukauwataki iko vakacava na nomu vakabauta? (Me baleta na ikuri ni vakasama, raica na vosa nei Elder Robert D. Hales, ena tabana e 72.)
-
E vakaraitaka o Elder D. Todd Christofferson na tolu na ka ka gadrevi me tiko vei keda me rawa kina ni da vakatokai me da tamata kei Saioni (raica na tabana e 37). Vakarautaka e dua na ituvatuva ni veisala o na rawa ni tubu kina ena ka oqo.
-
Erau veitalanoataka o Elder M. Russell Ballard kei Silvia H. Allred na kena robota tiko yani na veivanua e vuravura na kosipeli (raica na tabana e 81 kei na 10). Vakatalega kina ena nona vosa idola o Peresitedi Thomas S. Monson, a kaya kina vaqo, “Au kerei kemuni mo ni masulaka na dolavi mai ni veivanua oqori [na veivanua eda sega ni vakatarai me da wasea kina ena galala na kosipeli], ka me rawa ni da wasea vata kina kei ira na rekitaki ni kosipeli.” Kevaka mo na nanuma na nona a wasea o Peresitedi Spencer W. Kimball (1895–1985) na veivakasala vata o ya, veivosakitaka na veika sa yaco vei iko me salamuria na ivakasala oqori. Na cava o sa raica rawa me baleta na tubu ni Lotu ena nomu yasana? Dou veivosakitaka vakamatavuvale mo dou masulaka na veigauna vinaka me dolavi talega kina na vunautaki ni kosipeli ena so tale na vanua vovou.
-
Na veidredre cava eda na sotava, ena sega sara ni biuti keda o Tamada Vakalomalagi (raica na veivosa ena tabana e 21, 29, 32, 41, 75, kei na 102). Na sala cava soti o raici Tamada Vakalomalagi kina ni sauma tiko na nomu masu ena nomu sotava na veigauna dredre?