Ikapu Ang Pinakamagandang Pagpili

Ni Elder Sheldon F. Child

Naglingkod bilang miyembro ng Pitumpu mula 1996 hanggang 2008

Mula sa mensahe sa pangkalahatang kumperensya na ibinigay noong Abril 2008.

1. Noong bata pa ako, binigyan ako ng kapitbahay ko ng isang bagong silang na guya.

2. Mahirap mag-alaga ng guya. Inalagaan ko ito at pinakain.

3. Noong araw na ipinagbili ni Itay ang guya ay sari-sari ang naramdaman ko. Napamahal na sa akin ang guya, pero inasam ko ring matanggap ang bunga ng pinaghirapan ko.

4. Nang umuwi si Itay, inilagay niya sa kamay ko ang 20 baryang pilak. Para bang nasa akin na ang lahat ng pera sa mundo.

5. Binilang ko ito, pinakintab, at humanga sa bawat barya.

6. Pagsapit ng Linggo inilagay ko sa bulsa ko ang dalawa sa mga barya bago pumunta sa simbahan para magbayad ng aking ikapu.

7. Mahirap para sa akin na ibigay ang aking ikapu sa bishop, ngunit masarap ang pakiramdam ko sa pagsunod sa Panginoon.

8. Sinabi ng nanay ko na ipinagmamalaki niya ako. Sinabi niya sa akin na pagpapalain ako sa pagbabayad ng ikapu at ito ang magandang pamumuhunang magagawa ko.

Mga Tulong para sa mga Magulang

Pinagpapala tayo kapag nagbabayad tayo ng ikapu (tingnan sa 3 Nephi 24:10–12). Magagamit ninyo ang mga aktibidad sa bahaging ito para tulungan kayo na maituro ang tungkol sa ikapu.

• Maaari ninyong isalaysay ang kuwento tungkol kay Elder Child o sariling karanasan ninyo para maituro ang nadarama natin kapag sinusunod natin ang batas ng ikapu ng Panginoon.

• Magagamit ninyo ang nakatagong larawan sa kasunod na pahina o sariling aktibidad ninyo na makatutulong sa pagtuturo kung magkano ang ibabayad na ikapu.

• Maaari ninyong gamitin ang garapon ng ikapu sa kasunod na pahina o ang sariling inyo para hikayatin ang mga bata na magsimulang magbayad ng ikapu ngayon.

• Magagamit ninyo ang maze sa pahina 73 para maituro kung saan napupunta ang ikapu.