Elder Gerrit W. Gong
O Le Fitugafulu
E silafia e Elder Gerrit Walter Gong le mana o le tatalo ma na te iloa foi o loo i ai se fuafuaga a le Tama Faalelagi mo Ana fanau. A o laitiiti Elder Gong, sa gasegase tigaina lona tina. E na te manatuaina lana tatalo “i upu ma lagona faatamaitiiti” ina ia manuia si ona tina.
“E eseese auala e tali mai ai tatalo i taimi eseese o o tatou olaga, ae peitai i lena lava taimi, i le loto faafetai, sa ou lagonaina ma iloa o le a toe malosi o ia,” o le tala lea a Elder Gong. “Oute le i masalosalo lava mai lena taimi e faafofogaina e le Tama Faalelagi a tatou tatalo ma, i Lona lava atamai ma Lana lava ala, e tali mai ai.”
O loo mauaina pea e Elder Gong lena fesootaiga mafana faifai pea ma lona Tama alofa, sa ia fai mai ai, e aofia ai, le faaipoipo atu i lona faletua, faia o se aiga, faia o filifiliga faaleaoaoga ma faalegaluega, ma le auauna atu i le ekalesia.
A o le i valaauina o ia i le Korama a Fitugafulu, sa avea ia Elder Gong o se fautua maualuga, taitai vaega a faitaulaga sili, fesoasoani i le au peresitene o le Aoga Sa a le siteki, faiaoga o le seminare, epikopo, peresitene o le misiona a le siteki, peresitene o le siteki, ma se Fitugafulu Eria.
I tulaga faalegaluega, sa avea Elder Gong o se Fesoasoani Faapitoa i le Failautusi Lagolago o Setete i le Matagaluega o Setete I.S [Special Assistant to the Under Secretary of State at the U.S. State Department] ma se fesoasoani faapitoa i le Amepasa o le I.S i Beijing, Saina. Sa ia umia foi ni tofiga i le Nofoaga Autu mo Fuafuaga Alualu Mamao ma Suesuega Faavaomalo i Uosigitone, D.C., U.S.A [Center for Strategic and International Studies (CSIS)]. I le taimi na valaauina ai o ia, o loo galue o se fesoasoani i le peresitene o le Iunivesite o Polika Iaga i le tiutetauave mo fuafuaga faataatitia ma iloiloga.
Sa soifua mai Elder Gong ia Walter ma Jean Gong ia Tesema 1953 ma tuputupu ae ai i Palo Alto, Kalefonia. Sa maua lona faailoga tagata malaga mai le Iunivesite o Polika Iaga i suesuega o mataupu lautele faaiunivesite ma le atu Asia. Mulimuli ane, sa maua lona matua o faiva ma le PhD i sootaga faavaomalo mai le Iunivesite o Oxford, lea sa avea ai o ia ma se sikola a le Rhodes Trust.
Sa auauna atu o ia i le Misiona a Taiwan ma mulimuli ai faaipoipo atu ia Susan Lindsay i le Malumalu i Sate Leki ia Ianuari 1980. E toafa le fanau tama a le au Gong.