Elder Kevin R. Duncan

O Le Fitugafulu

E mai lava i lona tamaitiiti, sa naunau tele Elder Kevin Read Duncan e auauna i le Alii o se faifeautalai. Sa ia faapea mai, “Sa ou mautinoaina lava. Sa ou iloaina lava i taimi uma lo’u manao e auauna faamisiona.”

A o le i atoa le 19 o ona tausaga, sa feiloai atu ai Elder Duncan i se tasi o le Au Pulega Aoao sa galue i le Matagaluega a Faifeautalai, o lē sa lu’i o ia e taulotoina lesona a faifeautalai. Sa ia ausia lena lu’i ma mulimuli ane valaauina o ia e auauna atu i le Misiona a Chile Santiago i Saute. Sa toe faamautuina lona alofa e auauna i le Alii i le taimi sa avea ai o ia o se faifeautalai. Sa ia faapea mai,“Sa ou iloa lava sa ou manao e avea ma se faifeautalai i aso uma o totoe o lo’u ola.”

Sa soifua mai Elder Duncan ia Oketopa 1960, o le atalii o David Henry ma LaRene Eliza Cook. Sa ia soifua ae i le faatoaga a lona aiga i West Point, Utah. A o soifua mai ai i lena faatoaga mai i lona tamaitiiti , sa aoaoina o ia e le gata i le galue, sa ia fai mai ai, ae sa fiafia foi e galue.

O lena talitonuga i le taua o le galue sa fesoasoani ia te ia i le mauaina o lana faailoga o le tagata malaga tausitusi mai le Iunivesite o Polika Iaga faapea ma le matua o faiva faatausitusi o lafoga ma lona faailoga o le tofamanino po o le fomai o le tulafono. Sa amata lona soifua galue o se loia o lafoga ma mulimuli ane ai, sa ia faavaeina se faalapotopotoga faatekinolosi e fesoasoani ai i taualumaga faaletulafono.

Sa faaipoipo Elder Duncan ma lona faletua o Nancy Elizabeth Smart i le aso 27 o Iuni, 1986 i le Malumalu o Sate Leki. E toalima o laua alo e aofia ai ma le toatasi mai lona faletua muamua ua maliu, o Wendy Wallentine.

E latalata i le 20 tausaga talu ona maea mai lana misiona i Chile, sa toe foi atu ai Elder Duncan i se misiona fesoasoani a le Ekalesia, e avea o se loia fesoasoani faavaomalo mo le Ekalesia i Amerika i Saute. A o i ai o ia iina, sa valaauina ai o ia e pulefaamalumalu i le Misiona a Chile Santiago i Matu, ma nofo ai i le misiona lava lea e tasi sa ia auauna ai a o avea ma se alii talavou.

A o le i valaauina o ia i le Korama Muamua a Fitugafulu, sa avea Elder Duncan ma se fesoasoani i le epikopo, taitai misiona o le uarota, fautua maualuga, ma se Fitugafulu Eria i le Eria o Iuta i Saute.