Elder Larry R. Lawrence

O Le Fitugafulu

Na aoaoina e Elder Larry Ray Lawrence, e ala i le tele o valaauga ma auaunaga i le Ekalesia ia “faatuatua ia Ieova ma [lona] loto atoa” (Faataoto 3:5).

Na soifua mai ia Aokuso 1947 ia Argil ma Mary Lawrence i Cheverly, Maryland, ma tuputupu ae ai Elder Lawrence i Tucson, Arisona. Na faaauauina lana aoga i le Iunivesite a Arisona, lea na ia maua ai lona faailoga o le tagata malaga i suesuega faasaienisi o mea tau faatoaga ma se faailoga faafomai, ma taitaiina atu ai i se matata o suesuega tau faafomai i mea tau mata.

Sa ia auai i le Ekalesia i le 1970, i le 23 o ona tausaga, ma faaipoipo atu ai ia Laurel Stott i le Malumalu o Mesa Arisona i le aso 5 o Novema, 1971.

A o lei valaauina o ia i le Korama Lua a Fitugafulu, sa ia faatinoina valaauga e aofia ai le avea ma se peresitene o le korama a toeaina, epikopo, fautua maualuga, peresitene o le siteki, ma le peresitene o le misiona a le siteki.

Na saunoa Elder Lawrence na foliga mai ua faaitiitia le pisi o lona olaga, ma ua matutua uma le la fanau e toaono ma fai lava le aiga o le tagata lava ia, ae valaauina loa i laua ma lona faletua i le 2001 e vaaia le Misiona a Novosibirsk Rusia i Siberia. Sa manaomia le faatinoina e Elder and Sister Lawrence lo laua faatuatua a o la tuua lo la’ua aiga ma le auaiga ina ia auauna atu i se laueleele la te matua le masani ai lava i le gagana, tagata ma le tau.

“Sa avea lena o se tofotofoga maoae mo i maua i le na o le tuuina atu o o maua faatuatua i le Alii,” o le tala lea a Sister Lawrence. “Na sologa lelei mea uma lea na ma popole ai, ma na suia o ma olaga [i lea aafiaga].”

Sa avea se faailo i le umukuka o le fale o le misiona ma faamanatu faifai pea ina ia “vaai atu [i le Faaola] i manatunatuga uma; aua le masalosalo, aua le fefe” (MFF 6:36).

Sa faitaulia e Elder ma Sister Lawrence lo la’ua aafiaga i le misiona o se mea maoae i o la’ua olaga ma lagona na saunia ai i la’ua mo o la tiutetauave i le valaauga o Elder Lawrence o se Fitugafulu.

“Tatou te le mailoa lava po o a ni mea o i luma atu, ae tatou te iloa o le a lelei,” na saunoa mai ai Elder Lawrence.