Ang Inyong Rekomend sa Templo

Kon kamo 12 anyos na, kamo makatambong sa templo aron sa pagbuhat og mga bunyag alang sa patay. (Ang batan-on nga mga lalaki kinahanglan nga maghupot sa priesthood.) Sa pagkuha og rekomend, pag-iskedyul og interbyu uban sa inyong bishop o presidente sa branch.

Ang mga rekomend alang sa kabatan-onan gitawag og rekomend nga may kinutuban ang paggamit, ug adunay duha ka mga klase: grupo ug indibidwal. Ang inyong pangalan mahimong idugang ngadto sa rekomend sa grupo kon kamo mobisita sa templo kauban sa inyong ward o branch. Kini nga rekomend balido lamang sa usa ka pagbisita. Kon kamo nagpuyo duol sa usa templo ug kanunay mobuhat sa mga bunyag alang sa patay, kamo makapangayo sa inyong bishop o presidente sa branch alang sa indibidwal nga rekomend, nga balido sa usa ka tuig, kon kamo magpabiling takus.