Si Jesukristo Mao ang Anak sa Dios, ug Siya mao ang Dios sa mga Milagro

Nila ni Sandra Tanner ug Cristina Franco

Daghang mga artist ang naggamit sa ilang kahibalo ug hugot nga pagtuo kang Jesukristo ug sa ilang mga kahanas ug imahinasyon aron sa pag-drawing Kaniya. Ang ilang mga drawing makatabang sa pagpatubo sa atong pagtuo ug panabut kang Jesus. Kon mobasa kita sa mga kasulatan, mahimo natong gamiton ang atong mga imahinasyon, sama sa gibuhat sa mga artist, sa pagsabut kon unsa ang gitudlo ni Jesus.

Sa Bag-ong Tugon inyong makit-an ang mga istorya kabahin sa mga milagro nga gipanghimo ni Jesus sa nagpuyo pa Siya sa yuta. Usa niini anaa sa Marcos 4:35–39. Basaha ang istorya; dayon hunahunaa nga sakay ka sa barko kauban ni Jesus ug sa Iyang mga disipulo didto sa Dagat sa Galilea. Hunahunaa ang kusog kaayo nga bagyo. Ang barko nagtuya-tuya ngadto ug nganhi, naghaguros ang hangin, ug nangasablig ang tubig sa imong palibut. Hunahunaa kon unsay imong mahunahuna ug bation . Karon hunahunaa nga nagtan-aw ka sa mga disipulo samtang nagpukaw kang Jesus. Hunahunaa kon unsay tingog sa Manluluwas sa dihang mibangon Siya ug miingon, “Hilum, hunong.” Hunahunaa kon unsay hitsura sa dagat sa dihang ang hangin mihunong sa paghuros ug unsa katingala ang mga disipulo sa dihang ang hangin ug ang dagat mituman ni Jesus.

Sa unsang paagi nga ang pagbasa ug paghunahuna mahitungod niini nga istorya nagtabang kanimo nga makaangkon og dugang nga hugot nga pagtuo diha kang Jesukristo?

Kita usab mahimo nga mga artist ug makapakita sa atong hugot nga pagtuo ug panabut mahitungod ni Jesus pinaagi sa pag-drawing og mga litrato sa mga milagro nga Iyang gipanghimo ug sa paggamit sa atong mga litrato sa pagtudlo sa uban mahitungod sa atong nakat-unan.

Agosto 2010 Journal sa Kasulatan

Basaha ang 2 Nephi 27:23.

Pag-ampo ngadto sa Langitnong Amahan aron masayud nga si Jesukristo “usa ka Dios sa mga milagro.”

Memoryaha ang 2 Nephi 27:23.

Pagpili og usa niini nga mga kalihokan, o paghimo og imong kaugalingon:

Tabangi ang usa ka tawo sa pagmemorya sa 2 Nephi 27:23.
Paghunahuna og istorya sa kasulatan mahitu ngod sa ubang mga milagro ni Kristo. Huna hunaa kon unsa kaha ang dagway niini, dayon pag-drawing og mga litrato sa mga nanghitabo. Ipakigbahin ang istorya ug ang imong mga litrato panahon sa family home evening.
Ipakigbahin ang imong pagpamatuod mahitungod ni Jesukristo pinaagi sa pagmemorya sa mga kasulatan nga alang niining bulana ug sa pagsubli niini atubangan sa laing tawo.
Ang mga paghulagway nga anaa sa pahina 63 nagpakita kon giunsa sa paghunahuna sa usa ka artist ang milagro ni Jesus nga nagpahunong sa unos. Guntinga ang mga litrato, ug ipapilit kini sa mas baga nga papel. Gamita ang mga litrato sa pagsugilon sa istorya panahon sa family home evening o ngadto sa usa ka higala.

Sa unsang paagi nga ang imong nabuhat nagtabang kanimo sa pagsabut sa 2 Nephi 27:23?

Isulat sa imong journal kon unsa ang imong nabuhat.

Paghulagway sa litrato pinaagi ni Craig Dimond; mga paghulagway pinaagi ni Paul Mann