Komentaryo

Ang Tabang Miabut sa Wala pa Kini Kinahanglana

Naghimo ko og tumong sa pagbasa sa tanan nga magasin, bisan kon sa akong hunahuna wala nako kinahanglana ang usa ka piho nga artikulo, ug mao nga akong gibasa ang “Pagdumala sa Depresyon Human sa Pagpanganak: Usa ka Panglantaw sa Ebanghelyo,” sa Agosto 2009 nga isyu.

Apan sa dihang ang akong anak nga babaye natawo pagka Oktubre nianang tuiga, nailhan dayon nako ang mga simtomas nga akong nasinati ug daling nakakuha og tabang nga akong gikinahanglan, sama sa gisugyot sa artikulo. Naulian ko sulod sa pipila ka bulan.

Ang Liahona mas labaw pa kay sa usa ka magasin; kini usa ka recipe, usa ka mapa, usa ka giya, ug usa ka kompas.

Bertha Viola Rétiz Espino, Mexico

Unsa ang Atong Gituohan

Nagustuhan nako ang bag-ong desinyo sa Liahona. Ang akong paborito nga bahin mao ang Unsa ang Atong Gituohan. Ang bag-o nga mga miyembro ug kadtong kinsa dili miyembro makakaplag niini nga usa ka labing maanindot nga tinubdan sa kahibalo ug kalig-on. Salamat sa bag-o nga magasin.

Jonatan De Oliveira

Palihug ipadala unsay inyong ikasulti o mga sugyot ngadto sa [e-mail]. Ang mga gisumiter mahimo nga i-edit alang sa gitas-on o sa pagklaro.