Atong Pahina
Alma F., edad 11, Costa Rica
Neo C., edad 4, Philippines
Usa ka Dominggo human sa pagsimba, ang akong mama, mga igsoong lalaki, ug ako diha sa sakyanan andam na sa pagpauli. Apan dili namo mapalgan ang yawe sa sakyanan. Gibutang na sa among papa sa sakyanan ang tanan namong bag ug milakaw pauli kauban sa manghod nako nga babaye sakay sa stroller. Bisan asa na lang kami nangita sa yawe, apan wala gayud namo kini makit-i. Sa Primary ug sa family home evening, akong nakat-unan nga kinahanglan gayud kitang mag-ampo kanunay kon gikinahanglan nato ang tabang. Giingnan nako si mama nga kinahanglan kaming mag-ampo aron matabangan kami sa Langitnong Amahan. Nalipay kaayo si Mama, ug kami nag-ampo. Sa kalit ang among lola miabut ug mihatag kanamo sa yawe. Wala diay tuyoa sa among papa nga iyang nadala ang yawe ug iya kining gipadala og balik sa among lola. Nahibalo ako nga ang Langitnong Amahan mitabang kanamo pinaagi sa pagpadala sa among lola. Kanunay siya nga motabang kanato, gani pinaagi sa ubang mga tawo.
Samuel K., edad 5, Germany
Si Presidente Monson mihangyo sa tanang mga bata sa pagtabang sa tawo nga nanginahanglan niini. Ang akong mama adunay pito ka anak, ug ako nagtabang kaniya sa paglimpyo sa kusina kada buntag, nga nakapalipay kaayo kaniya. Malipayon ako ug mibati nga siya malipayon usab kon motabang ako kaniya. Nagtuo ako nga si Presidente Monson malipay, ug ingon man si Jesus, nga ako nagtabang sa akong mama ug nagsunod sa akong mga ginikanan.
Mylena L., edad 11, São Paulo, Brazil
Nasayud ako nga si Propeta Joseph Smith mihubad sa Basahon ni Mormon. Ganahan ako sa mga istorya nga akong gibasa mahitungod ni Jesus diha sa mga kasulatan. Nasayud ako nga si Jesus nahigugma gayud kanako ug sa tanang gagmay nga mga bata. Ganahan akong makakat-on og daghan pa diha sa Primary mahitungod ni Jesus. Malipayon ako nga moadto sa simbahan kauban sa akong pamilya matag Dominggo. Akong gihigugma ang akong pamilya.
Adrial T., edad 5, Malaysia