Para sa Gagmayng mga Bata

Bag-ong mga Higala, Daang mga Higala

Ni Jane McBride Choate

Gibase sa usa ka tinuod nga istorya

“Ang usa ka higala mahigugma sa tanang panahon” (Proverbio 17:17).

1. Dominggo sa buntag kadto, ug si Lisa nahadlok. Ang utlanan sa iyang ward nausab. Nagpasabut kadto nga adto na siya sa lain nga ward karon. Si Papa ug si Mama nakakita kang Lisa nga nagmasulub-on.

   Unsay problema?

   Wala akoy nailhan bisan usa sa bag-o nga ward. Nganong kinahanglan man nilang usbon ang daan natong ward?

   Sa tinuod maayo kini nga butang. Nagtubo ang Simbahan. Nagpasabut kana nga daghang mga tawo ang midawat sa ebanghelyo.

2. Ikakita ba gihapon nako ang akong mga higala sa daan nakong ward?

   Siguruhon namo nga ikakita nimo. Mahimo nimo silang imbitahon inig birthday nimo ngadto sa atong balay.

3. Sa simbahan si Lissa milakaw padulong sa kwarto sa Primary. Nakita niya ang iyang mga higala sa daan niyang ward, apan daghan usab ang bag-ong mga nawong. Sa klase si Lissa ug ang ubang mga bata nagdula og usa ka game sa pagtabang kanila nga makaila sa usag-usa. Ingon og buotan ang ubang mga bata.

4. Pagkahuman sa klase nakita ni Lissa ang iyang mga ginikanan ug gamayng manghod nga lalaki nga naghulat kaniya sa hall.

   Ma, sa imong hunahuna, mahimo kaha usab nakong imbitahon ang bag-ong mga bata ngadto sa atong balay sa akong birthday?

   Nindot kana nga ideya.

5. Nianang semanaha mihimo og imbitasyon sila si Lissa ug si Mama alang sa mga bata sa daan nila nga ward ug bag-o nila nga ward.

6. Sa birthday ni Lissa, ang tanang mga bata nangabut. Gidula nila ang game nga gidula nila sa Primary aron ang tanan magkailhanay.

7. Nalingaw ka ba?

   Oo! Karon aduna akoy daang mga higala ug bag-ong mga higala!