Para sa Gagmayng mga Bata

2010

Agosto 2010

Para sa Gagmayng mga Bata

Mga tabang alang sa mga Ginikanan

“Pagpakighigala, ug kamo makaangkon og usa ka higala,” miingon si Presidente Gordon B. Hinckley (1910–2008).¹ Mahimo ninyong gamiton kini nga kalihokan niini nga seksyon sa pagtabang sa mga bata nga makasabut kon unsaon nila sa pagpakighigala.

Human mabasa ang istorya “Bag-ong mga Higala, Daang mga Higala” (mga pahina 68–69), tabangi ang inyong anak nga makakompleto sa kalihokan niini nga pahina. Pangutan-a ang inyong anak kon unsa ang mga paagi aron siya makahimo og bag-ong mga higala. Ipakigbahin ang usa ka istorya kabahin sa usa ka panahon nga kamo naningkamot nga makakaplag og bag-ong higala.

Sa pipila ka mga sitwasyon, ang inyong anak tingali manginahanglan og gamayng dugang nga tabang aron makakaplag og higala. Mahimo kamong makigsulti sa ubang mga ginikanan ug magdapit og mga bata sa inyong balay sa pagpakigdula sa inyong anak. Usa ka makalingaw nga dula mao ang tago-tago. Kini nga dula maglakip og usa ka bata nga mopiyong sa iyang mga mata ug mag-ihap hangtud sa 20 samtang ang ubang mga bata manago sa duol. Kon mahuman na og ihap ang mga bata, maningkamot siya sa pagpangita sa nanago nga mga bata.

Paghulagway pinaagi ni Adam Kofford

Sa wala: paghulagway pinaagi ni Adam Kofford