Wales

Ang mga misyonaryo unang miabut sa Wales niadtong 1840 ug sulod sa upat ka bulan miestablisar og kongregasyon nga adunay 150 ka mga miyembro sa North Wales. Sa South Wales, sa sinugdanan ang mga misyonaryo naglisud sa pagpangita og mga tawo nga katudloan, apan sulod sa 15 ka tuig, 80 porsyento sa mga kinabig nga taga-Wales gikan sa southern Wales.

Niadtong Enero 1845 si Dan Jones, usa ka Welshman kinsa nagpamiyembro sa Simbahan sa Estados Unidos, mibalik sa Wales isip usa ka misyonaryo. Siya misugod og pipila ka mga publikasyon sa Simbahan ug mitabang sa paglig-on sa Simbahan. Niadtong 1846 ang hymnbook nga Welsh nahimong unang dili-Iningles nga LDS hymnal. Ang unang LDS nga meetinghouse sa Wales gitukod niadtong 1849. Nianang higayona, adunay labaw sa 3,600 lamang ka mga kinabig sa Wales.

Daghan sa mga kinabig nga taga-Wales milalin ngadto sa Utah. Diha kanila mao si John Parry, kinsa miestablisar sa grupo sa tigkanta nga nahimong Mormon Tabernacle Choir. Ang unang stake sa Wales, ang stake sa Merthyr Tydfil, natukod niadtong 1975.

Ang Simbahan sa Wales
Mga Miyembro	9,110
Mga Stake*	2
Mga Ward ug mga Branch	17