Чуулганаас онцлон авсан захиасууд
Та ерөнхий чуулганаар сурсан зүйлсээ эргэн санахдаа эдгээр захиасуудыг ашиглаж болно.
“Идэр насандаа яваа залуу найз нар минь, ариун сүмд орох зорилго тавь. Ариун сүмийн хаалгаар орж, тэнд өгөгддөг ариун нандин, мөнхийн адислалуудыг хүртэхээс та нарыг холдуулах юуг ч бүү хий.”
Ерөнхийлөгч Томас С.Монсон
“Та нарын өчүүхэн гэж боддог сонголтуудаар Их Эзэн та нарын хүсдэг аз жаргал уруу тань удирдах болно. Тэрбээр та нарын сонголтуудаар дамжуулан тоо томшгүй олон хүнийг адислах боломжтой байдаг.”
Тэргүүн Зөвлөлийн нэгдүгээр зөвлөх Ерөнхийлөгч Хенри Б.Айринг
“Сүнсний өдөөлтөөр ямар нэгэн үйлдэл хийлгүйгээр нэг ч өдрийг бүү өнгөрөө.”
Ерөнхийлөгч Диетер Ф.Угдорф, Тэргүүн Зөвлөлийн хоёрдугаар зөвлөх
“Та нар энэ цаг үед дэлхий дээр ирсэн … Их Эзэн сүрлэгээр залран ирэхийн тулд дэлхийг бэлтгэхээр Өөрийн мутраа сунгасан билээ. Энэ бол агуу их боломж хийгээд чухал хариуцлагатай цаг үе. Энэ үе бол та нарын үе мөн.”
Арванхоёр Төлөөлөгчийн Чуулгын ахлагч Нийл Л.Андерсен
“Христэд итгэгч байж, Христийн үнэнч шавийн адилаар амьдрах нь үнэхээр гайхалтай юм.”
Арванхоёр Төлөөлөгчийн Чуулгын Ахлагч Л.Том Перри
“Чин сэтгэлийн энэрэл, үйлчлэлээрээ дамжуулан бид үйлчилж байгаа хүмүүстэйгээ найз нөхөд болж чадна. Ийм нөхөрлөлүүдөөс тэд сайн мэдээнд үнэнч байдгийг маань илүү сайн ойлгодог ба Сүмийг илүү их мэдэх хүслийг олж авдаг.”
Арванхоёр Төлөөлөгчийн Чуулгын Ахлагч M.Расселл Баллард
“Бид Тэнгэрлэг Эцэгийг харж чадахгүй ч гэсэн амьдралын саад бэрхшээлийг даван гарахад бидэнд хэрэгтэй хүч чадлыг өгдөг Түүний дуу хоолойг сонсож чадна.”
Хүүхдийн Хэсгийн Ерөнхийлөгчийн Зөвлөлийн Нэгдүгээр Зөвлөх Жийн А.Стивинс
“Чи ганцаараа биш! … Хийсэн гэрээнүүдээ сахьсан үед Ариун Сүнс та нарыг удирдаж, хамгаалах болно. Үй олон тэнгэрлэг элч та нарыг тойрон хүрээлэх болно.”
Залуу Эмэгтэйчүүдийн Ерөнхий Ерөнхийлөгч Элайн С.Долтон