Энэтхэгт хүмүүс бие биедээ тусалсан нь
2009 оны 10-р сард хүчтэй шуурга, хар салхи өмнөд Энэтхэгт сүйрлийн гамшиг авчрах үед Энэтхэгийн Хайдерабад, Банглор дүүргийн залуу эрэгтэйчүүд болон залуу насанд хүрэгчид үерт нэрвэгдэгсдэд туслахын тулд идэвхтэй ажиллав.
Энэтхэгийн Хайдерабад дүүргийн ерөнхийлөгч Прасада Гуди “Манай залуу эрэгтэйчүүд тусламж хэрэгтэй хүмүүст хоол хүнс, ус хүргэж өгөхөд гайхалтай сайн ажилласан шүү. Тусламжийн бараа мужид ирсэн ч засгийн газар 200 гаруй дүрвэгчдийн хуаран дахь үерийн гамшигт нэрвэгдсэн мянга мянган хүнд тусламжийн бараа хүргэж чадахгүй байсан. Манай гишүүд “Мормоны туслагч гар” хантаазаа өмсч, хоол хүнс, усыг хүн бүрд хүргэж өгөх ажлыг онцгой сайн биелүүллээ” гэж ярилаа.
Энд үйлчилсэн залуу эрэгтэйчүүд, залуу насанд хүрэгчдийн зарим нь үйлчлэл хэчнээн баяр баясгалантай, сэтгэл хөдөлгөм байж болох тухай ярьж байв.
Доод талд: Прабху Кумар (ачааны машин дээр байгаа) бол хойд Карнака муж дахь дүрвэгсдийн хуаранд очиж ажилласан Сүмийн 60 гишүүний нэг. Тэд Сүмийн гишүүдийн цуглуулсан хөнжил, ус нэвтэрдэггүй хувцас, ариун цэврийн багц хэрэгслийг хүргэж өгчээ. “Үерийн гамшигт нэрвэгдэгсдэд туслах энэ төсөлд орж ажилласан нь үнэхээр гайхамшигтай байлаа. Би бусдад тусалж, тэдэнд үйлчлэхийг үргэлж хүсдэг байсан. Үйлчлэх боломж олдсонд их баярласан. Хамаг юмаа үерт алдсан хүмүүсийг хараад би өөрийн эрхгүй нулимс асгаруулсан. Нутгийнхаа хүмүүст туслах боломжтой байсан нь агуу адислал юм” гэж тэр сэтгэл догдлон ярилаа.
Дээд талд: “Коллежийн найз нартаа үйлчлэлийн төслийн тухай ярихад тэд надад баярлаж байлаа. Бид юу хийсэн тухайгаа ярьж, Сүмийн зарчмуудыг тэдэнтэй хуваалцсан. Уг төслийн үед хүмүүст тусалж байх үед надад гайхалтай мэдрэмж төрдөг байв. Энэхүү үйлчлэх боломжийг бидэнд олгосон Сүмийн байгууллагад их баярлаж байна.” Дийпак Шалма
Баруун талд: “Би хүмүүст үйлчлэх боломжтой байсандаа маш их баяртай байлаа. Би үйлчлэлд оролцсоноороо гайхамшигтай туршлагатай болж, олон зүйл сурсан бас найз нартайгаа хамт байж, тусламжийн хүнс, хангамжийн зүйлсийг боож баглах нь таалагдаж байлаа. Бусдад үйлчилсэн үедээ би Аврагчийнхаа хайрыг болон амар амгаланг мэдэрсэн.” Венус Армстронг
“Би энэ төсөлд орж ажиллан бусдад тусалсандаа их баяртай байна. Тусламж маш хэрэгтэй хүмүүст тусалж байгаадаа би туйлын их баярласан. Хүмүүс адислагдахын төлөө би залбирдаг байсан.” Вишали Натта
Баруун талд: “Үерийн гамшигт өртөгсдөд туслах төсөл дээр үйлчилсэндээ би их баяртай байлаа. Би боодолтой хүнсний зүйл дээр будгаар таних тэмдэг тавьж, тарааж өгөхөд тусалдаг байв. Тусламж маш хэрэгтэй хүмүүст тусалж, тэдэнд санваартан бусад ах нарын хамт үйлчилсэн нь агуу адислал юм.” Авинаш Томас
Гэрэл зургуудыг Чарльз Кевиш, Карол Кевиш; Дан Веггеландын зурсан Иосеф Смитийн зураг, Сүмийн Түүхийн Музейн зөвшөөрлөөр нийтлэв