Notebook ng Kumperensya ng Abril 2015

“Kung ano ang sinabi ko, ang Panginoon, ay sinabi ko; … maging sa pamamagitan ng sarili kong tinig o sa tinig man ng aking mga tagapaglingkod, ito ay iisa” (D at T 1:38).

Habang nirerepaso ninyo ang pangkalahatang kumperensya ng Abril 2015, magagamit ninyo ang mga pahinang ito (at ang mga Notebook ng Kumperensya sa darating na mga isyu) upang tulungan kayong pag-aralan at ipamuhay ang mga turo kamakailan ng mga buhay na propeta at apostol at ng iba pang mga pinuno ng Simbahan.

Para mabasa, mapanood, o mapakinggan ang mga mensahe sa pangkalahatang kumperensya, bumisita sa conference.lds.org.

“Ang Mag-anak: Isang Pagpapahayag sa Mundo”

“May tatlong alituntuning itinuro sa pagpapahayag na palagay ko’y talagang nangangailangan ng matatag na mga tagapagtanggol. …

“… Tumulong tayong itayo ang kaharian ng Diyos sa pamamagitan ng paninindigan nang buong tapang at pagiging mga tagapagtanggol ng kasal, pagiging magulang, at tahanan. Kailangan ng Panginoon na tayo ay maging matapang, matatag, at di-natitinag na mga mandirigma na magtatanggol ng Kanyang plano at ituturo sa darating na mga henerasyon ang Kanyang mga katotohanan.”

1. Ang kasal sa pagitan ng isang lalaki at isang babae.

2. Ang tungkulin ng mga ama at ina.

3. Ang kasagraduhan ng tahanan.

Bonnie L. Oscarson, Young Women general president, “Mga Tagapagtanggol ng Pagpapahayag tungkol sa Mag-anak,” Liahona, Mayo 2015, 15, 16.

Para sa iba pang mga artikulo tungkol sa kasal at pamilya mula sa pangkalahatang sesyon ng kababaihan sa kumperensya ng Abril 2015, tingnan sa Cheryl A. Esplin, “Punuin ang Ating mga Tahanan ng Liwanag at Katotohanan,” 8, at Carole M. Stephens, “Ang Pamilya ay sa Diyos,” 11.

Magagandang Kuwento mula sa Kumperensya

Ano ang mas umaagaw ng ating pansin kaysa sa isang magandang kuwento? Ang mga sumusunod ay tatlo sa maraming kuwentong ibinahagi sa kumperensya:

• Sa talinghaga ng manghahasik, anong klase ng lupa ba kayo? Paano mababago ng pagkilala ukol sa bagay na ito ang inyong buhay? —Tingnan sa Dallin H. Oaks, “Ang Talinghaga ng Manghahasik,” 32.

• Anong matitinding karanasan ang nakatulong sa isang bata pang ina na bumalik sa ebanghelyo ni Jesucristo? —Tingnan sa Rosemary M. Wixom, “Pagbalik sa Pananampalataya,” 93.

• Paano dinaragdagan ng madamdaming kuwento tungkol sa dalawang magkapatid na nagipit sa matarik na bangin ang ating pag-unawa sa Pagbabayad-sala ni Jesucristo? —Tingnan sa Jeffrey R. Holland, “Kapag ang Katarungan, Pag-ibig, at Awa ay Nagtugma,” 104.

Larawan ng Madrid Spain Temple na kuha ni Garrett Wesley Gibbons; larawan ng mag-asawa na kuha ni Jenn Jones; larawan ng rock climber na kuha ni David Winters

• Walang-Katumbas na mga Pagpapala ng Templo

• Mga Pundasyon ng Kalayaan sa Relihiyon