Oras para sa Banal na Kasulatan

Ang Talinghaga ng mga Talento

Ni Jean Bingham

Ang awtor ay naninirahan sa Utah, USA.

Sabay-sabay na pag-aralan ang Bagong Tipan sa taong ito!

Nagsalaysay si Jesus ng isang kuwento, o talinghaga, tungkol sa isang lalaking nagpahiram ng ilang barya sa tatlong tao na nagtrabaho para sa kanya. Pagkatapos ay umalis ang lalaki. Habang wala siya, nagsikap nang husto ang dalawa sa kanila at ginamit ang kanilang mga barya para kumita ng mas maraming baryang maibabalik sa lalaki. Ngunit ibinaon lang ng isa sa kanila ang kanyang barya dahil natakot siyang mawala ito. Nang bumalik ang lalaki, binigyan niya ng mga gantimpala ang mga tao na palaguin ang mga baryang ipinahiram niya. Pero binawi niya ang barya sa taong hindi nagsikap na palaguin ito. (Tingnan sa Mateo 25:14–29.)

Tulad ng lalaki sa talinghaga, binigyan ng Ama sa Langit ang bawa’t isa sa atin ng ilang bagay na napakahalaga—hindi barya, kundi natatanging mga kakayahan o talento, tulad ng pag-awit, pagpapakita ng pagmamahal, pagtakbo, o pagtulong sa iba. Tulad ng mga tao sa talinghaga, kailangan kayong magsikap na mabuti na palaguin ang inyong mga talento!

Paano ninyo masusunod ang mga turo ni Jesus sa paggamit at pagpapahusay ng inyong mga talento? Maaari kayong maging mas masaya at tumulong sa iba kapag ginawa ninyo ito.

Alamin Pa

Ang talento ay isang espesyal na kakayahan, tulad ng talento sa pagdrowing. Ngunit noong panahon ni Jesus, ang ibig sabihin ng salitang talento ay malaking halaga ng pera. Paano nagkapareho ang dalawang uring ito ng mga talento?

Pag-uusap ng Pamilya

Tulungan ang bawat miyembro ng pamilya na bumanggit ng kahit isang talento niya. Paano ninyo matutulungan ang isa’t isa na mapaunlad ang inyong mga talento? Pag-usapan kung paano nakakatulong sa iba ang paggamit sa inyong mga talento at nagpapakita ng inyong pasasalamat sa Ama sa Langit. Hamunin ang mga miyembro ng pamilya na hanapin ang mga talento ng isa’t isa at magbigay ng tapat na papuri bawat araw.

Awitin: “‘Magbigay,’ Wika ng Munting Sapa” (Aklat ng mga Awit Pambata, 116)

Banal na Kasulatan: Doktrina at mga Tipan 46:11

Video: Magpunta sa Biblevideos.lds.org para mapanood ang “The Parable of the Talents.”

Tip sa Banal na Kasulatan

Ang pagsasadula ng isang kuwento sa banal na kasulatan ay nakatutuwang paraan para malaman pa ang iba tungkol dito.

1. Atasan ang isang tao na gampanan ang isang tauhan sa kuwento. Maaari kayong gumamit ng mga simpleng costume at props tulad ng bathrobes o baryang papel.

2. Ipabasa sa isa ang kuwento, at huminto pagkatapos ng bawat talata para maiakto ng mga gumaganap ang binasa.

3. Isadulang muli ang kuwento para magkaroon ng pagkakataon ang lahat.

Pagtatanghal ng mga Talento ng Pamilya

Magplano ng isang pagtatanghal para ibahagi ang inyong mga talento.

1. Ipabahagi sa bawat miyembro ng pamilya ang isang bagay na mahusay nilang nagagawa, tulad ng pagbabasa nang malakas, pagluluto ng pagkain, pagtatanghal ng isang bilang-musikal, pagsasabi ng biro, pag-somersault, o masayang pagngiti.

2. Pagkatapos magbahagi ng talento ang bawat isa, hayaan ang iba pang mga miyembro ng pamilya na magsabi ng isang mabuting bagay na napansin nila tungkol sa taong iyon.

3. Para sa miryenda, pagsama-samahin ang paboritong prutas ng bawat isa para makagawa ng masarap na fruit salad!

Ibahagi ang Iyong Ideya!

Lugar:

Araw:

Oras:

Magdala ng isang prutas para tumulong sa paggawa ng miryenda!

Maaari kang mag-print ng mas maraming imbitasyon sa liahona.lds.org.

Mga paglalarawan ni Josh Talbot