Na iTalanoa ena iVola i Momani

Papitaisotaka o Alama e Levu na Tamata

Mai naMosaia 16–18.

O Apinatai e dua na parofita E vakavulici ira na tamata mera vakabauti Jisu ka tarova na nodra cakava na veika ca. Dua na Tui ca na yacana o Noa e a cudruvi Apinatai. Sega ni vinakata o Noa me veivutuni.

Dua na tamata na yacana o Alama e vakabauti Apinatai E a dro tani yani ka vunitaki koya mai vua na tui cudrucudru E a rarawa ni a dau cakacala tu eliu ka sa qai veivutuni me vaka sara ga e a vakavulica o Apinatai.

Era lewe levu na tamata era lako mai ka rogoci Alama ni vakavulici Jisu Karisito tiko. Vakatavuvulitaka o Alama ni kevaka mera veivutuni ka muri Jisu Karisito ena rawa ni ra papitaiso.

Era vakasausau na tamata ena yalomarau. Era yalataka ni ra na vakalomavinakataki ira na tani. Era yalataka ni ra na lomana na Kalou ka tukuni Koya vei ira na tamata. Erau mani vakadonuya na nodrau veisureti ni papitaiso na daukaulotu.

Sa qai papitaisotaki ira yadudua o Alama. Era marautaka ni ra sa dua na tiki ni Lotu i Jisu.

Ena gauna eda sa papitaiso kina, eda sa veiyalayalati me vakataki ira na tamata nei Alama. Eda sa na wili talega meda tiki ni bula nei Jisu Karisito!