iLavo me nei Tamada Vakalomalagi
Na dauvolaivola e vakaitikotiko e North Carolina, USA.
“Keep the commandments. In this there is safety and peace” (Children’s Songbook, 146).
A mama na nona iotioti ni kati ni totila o Ana. E a malumu ka kana vinaka. E dau taleitaka o Ana na totila nei buna. Era a dau gauna vinaka duadua ni katalau.
O Ana a vakaraici buna, o Abuela, ni sava veleti voli.
E a vaka tu e dua tale na veimataka. Ia e dua na ka a sega ni tautauvata.
E dau taubale voli ki na makete o Abuela me laki voli kakana. Ia e sega nikua. Nikua sa sega na ilavo me voli kina na kakana.
“Na cava tou na kania ni mataka?” A vakanananu tu o Ana.
A qai nanuma rawa o Ana. A kila o koya na vanua e tiko kina e so na ilavo! A raici Abuela ena bogi o koya ni biuta e so na peso ena dua na isulu vulavula lailai.
“Abuela, o sa guilecava? E tiko vei iko na ilavo mo voli kakana kina.”
“Na ilavo cava?” A taroga o Abuela.
A cici o Ana me kauta mai na ilavo. A kuretaka o koya na taga lailai ni lavo. Clink! Clink!
A matadredredre o Abuela. “Oqori na nodaru ikatini, Ana. Oqori na Nona ilavo.”
“Ia na cava tou na kania ni mataka?” A taroga o Ana.
“Kakua ni leqataka,” a kaya o Abuela. “Au vakabauta ni na vukei kedaru na Tamada Vakalomalagi.”
Na mataka ka tarava a solia vei Ana o Abuela na iotioti ni totila sila. Ka qai mai dabe sobu yani ena nona idabedabe. A cula o koya na veisenikau damudamu ki na dua na vinivo ka tukuni talanoa me baleta na gauna a se goneyalewa lailai kina. A sega ni rairai lomaleqa o koya.
A qai rogoca o Ana e dua na tukituki. A cici o koya me dolava na katuba.
“Momo Pedro!”
“Au vakila voli ni sa dodonu meu sikovi kemudrau,” a kaya o Momo Pedro. A biuta o koya e tolu na taga ena teveli. E dua e tiko kina na falawa sila me baleta na totila. Dua tale e tiko kina na lewe ni manumanu. Dua tale e tiko kina na draunikau bulabula mai na makete.
“Isa, na luvequ tagane totoka,” a kaya o Abuela. “Au sa na butara vei iko na noqu supu lewe ni manumanu vinaka duadua!”
“Na nomu supu sa ka taleitaki duadua ena vuravura,” a kaya o Momo Pedro.
A dredre o Ana ka vakasausau.
A qai cegu o koya. A tiko e dua na ka e via kila o koya. “Abuela, o kila tu ni na lako mai nikua o Momo Pedro? E sa vuna li oya na nomu sega ni lomaleqa?”
“Sega,” a kaya o Abuela. “Niu sauma na noqu ikatini, au vakabauta ni na vakalougatataki au na Tamada Vakalomalagi. Ka sa vakayacora o Koya!
A mokoti Abuela o Ana. A vakila o koya vakataka na goneyalewa mamarau duadua e Mexico. Sa vakabauta na Tamada Vakalomalagi o koya kei Abuela. Oqo sa sega ni rawa ni wawa o koya me kania na supu totoka nei Abuela!