iSaunitaro mai VUA E dua na iApositolo

Na cava era dau cakava na iApositolo

Mai vei Elder David A. Bednar

Ena Kuoramu ni iApositolo Le Tinikarua

Mai na kakaburaki e vuravura taucoko ni Mata ki na Mata vata kei Elder kei Sisita Bednar.

Era sa italai ni Turaga na iapositolo. Era veigoleaki wavolita na vuravura mera sikovi ira na lewe ni Lotu.

Na matai ni gauna au gole kina vaka iApositolo, au a sotava e dua na turaga ka vakatotogani voli ena bulataki ni Vosa ni Vuku. Au tukuna vua, “Sa talai au mai ke na Turaga meu solia vei iko e dua na itukutuku rawarawa sara: ‘O rawa ni cakava oqo. Au yalataka ni ko na rawata na Nona veivuke ena nomu sotava na bolebole oqo.’”

Ena tala li na Turaga e dua vei ira na iApositolo Le Tinikarua ki na veimama kei vuravura me vukea ga e dua na tamata? Na kena isau na io. E vakayacora o koya ena veigauna taucoko.

Na cava na iApositolo?

Ni a tiko voli e vuravura o Jisu, a kaciva o Koya e 12 na turaga mera Nona dauveivuke vakasakiti. Era a vakatokai na iApositolo. E sa kacivi ira na iApositolo o Koya mera Nona dauveivuke vakasakiti nikua. Era vakadinadinataki Jisu Karisito ki na vuravura taucoko. O Elder Bednar e sa dua na iApositolo.