Dauyadra ena Vale Cecere (Tawa)

Dauyadra

Na dauyadra era dau yadrava na itikotiko ena bai se ena tawa me rawa ni ra rai yani vakayawa ka tukuna mai ni ra sa voleka tiko mai na meca. Era vakacakacakataki mera taqomaka na korolelevu vakakina na loga ni veivaini iteitei kei na ba ni manumanu.

Mataqali Tawa

Tawa ena bai ni koro lelevu era dau tara ena matamata se ena tutuna (raica na 2 Veigauna 26:9) Na tawa ena matamata kei na kona e vakarautaka na vanua cecere na vanua me rawa ni laurai mai kina vakayawa na leqa ni sa voleka tiko mai (raica na 2 Veigauna 26:15).

Na tawa vakaivalu se ni yadra era vanua cecere sara ka vakarautaki me tucake tu kina o koya me yadrava na vanua nuitaki Era vanua lelevu toka me na rawa ni na vakayagataki talega me ivakaruru ni lewenikoro taucoko ena gauna era ravuravu maikina na meca (raica na Dauveilewai 9:46–52).

Na tawa mai na veiloga ni vaini, veiteitei, se ba ni manumanu era tara vakalalai toka ga me rawa ni taqomaka na iteitei se na qele ni manumanu mai vei ira na daubutako kei na manumanu kila (raica na 2 Veigauna 26:10; Aisea 5:2; 27:3) Ena boto ni tawa sara e ra e dau vakayagataki me maroroi kina na iyaya ni cakacaka.

Dauyadra ena Tawa

E rewa icake sara na vanua e raica Me vaka ni sa kacivi ka vakadonui mai vua na Kalou era sa vakatikitaki kina na parofita mai na vuravura mera voleka kina vei Koya ka ra sa vakadonui mera raica na veika e vakalomalagi.

Mera raica na ka e sega ni dua tale e rawa ni raica. Ia sa rawa ni kila na daurairai na veika sa yaco oti, kei na veika talega ena qai yaco mai, ka na vakatakilai na veika kece mai vei ira, se, ena vakaraitaki kina na veika vuni, ka vakavotui kina na veika sa vunitaki tu, era na vakatakila talega mai na veika e sega tu ni kilai, ka ra na vakatakila talega na veika era a sega tu ni kilai rawa (Mosaia 8:17).

Era na yalodina. Nodra itavi bibi na parofita mera vakasalataki keda ni sa roro tiko mai na leqa, ka ra na tomana tiko veitalia sara ga na nanuma ni lewenivanua se na veika e yaco vakavolivoliti keda tu.

Veivakasalataki ni ra se yawa tu mai. “Na parofita ena vunauca na ivalavala ca ka tukuna na kena isau.” O koya me dau vunautaka na ivalavaladodonu Ena so na gauna ena dau tukuna na ka e se bera ni yaco na parofita me baleta tiko na kawatamata” (iDusidusi kina iVolanikalou, Parofita,” lds.orgscriptures/gs).

Veimaroroi ka veitaqomaki Ni muri na ivakasala ni parofita eda na rawata na veimaroroi ka taqomaki mai na leqa ka na rawa ni yaco vei keda yadua se vakailawalawa kevaka eda sega ni vakamuria.

“Ko iko Jerusalemi, au sa lesia na ivakatawa ena dela ni nomu bai ka ra na sega ni tiko lo ena siga se na bogi, koi kemudou sa dau vakananumi Jiova dou kakua ni vakacegu.”

Aisea 62:6

Dina Vakaivolatabu

Ena Veiyalayalati Makawa e dau vakatauvatani na Turaga kina dua na tawa ni mataivalu se yadra me ivakaruru (raica na Same 18:2: 61:3; Vakaibalebale 18:10; 2 Samuela 22:3), ka ra sa dau vakatauvatani na parofita vei ira na dauyadra (raica na Aisea 62:6 Jeremaia 6:17; Isikeli 3:17; 33:7; Osea 9:8; Maika 7:4)

“Kau sa lesi iko mo nodra ivakatawa na mataqali i Isireli ia mo rogoca na vosa ni gusuqu ka vakasalataki ira mai vei au,”

(Isikeli 3:17; raica talega na Isikeli 33:1–7).

iTavi ni Yadra

“Mai na veitabayabaki sa oti era sa vakayacora na nodra itavi na parofita ni ra sa vakarota na tamata ena veika rerevaki sa wavoliti ira tu. Sa nodra ilesilesi na iApositolo ni Turaga mera wadrava, veivakaroti, ka toro yani me vukei ira na vakasaqaqara iwali voli ena taro ni bula e so.”

Elder M. Russell Ballard ena Kuoramu ni iApositolo Le Tinikarua, “Na Kalou Sa Veiliutaki Voli,” Liaona, Nove. 2015, 25.