Vakasama ni Lotu Vakamatavuvale
Na ilavelave oqo era umani tu kina na itukutuku kei na itaviqaravi e rawa ni ra vakayagataki ena lotu vakamatavuvale. Oqo e dua na kena ivakaraitaki.
“Kevaka Madaga O Dau Mamadua,” tabana e 60: Sa rawa ni o vakayagataka na nomu lotu vakamatavuvale mo wasea kina na kosipeli! Veivosakitaka vakamatavuvale na malumalumu cava soti e dredre kina vei iko mo wasea na kosipeli. O na rairai masu vakamatavuvale me na vukei iko na Turaga mo yalodei ena wasei ni kosipeli ka qai masulaka e dua o na rawa ni sureta ki na lotu vakamatavuvale. Navuca mo sureta na lewe ni matavuvale yadua me tukuna na nona ivakadinadina donuya na lesoni. O na rairai digitaka mo vakatavulica e dua na lesoni me baleta na Veivakalesuimai se na yavu ni veivakabulai. Navuca mo vola na ka o sotava kei na nanuma e so ena nomu ivolaniveisiga.